نعم مهندسة بتشتغل عندك في الشركة عرفتها امتى اكيد بتضحك عليك وطمعانة في فلوسك.
نظر لها كل الموجودين وتحدث الحاج توفيق ممكن تسكتي انتي مالك بالمواضيع دي
دة اختيار اخوكي وهو حر
احس عادل وأهله بالحرج واستأذن
طب نتوكل احنا على الله وقال باقتضاب مبرروك يا بني ربنا يتمملك على خير وكذلك والدة عادل
اما عادل فرحل من غير ولا كلمة واخذ يتوعد لعالية.
اما هاجر ذهبت لخالد والدموع متجمعة في عينيها
مبروك يا خالد انت تستاهل كل خير وفعلا يا بختها
نظر خالد حوله ولم يرى احد حيث أن اهل هاجر سبقوها للسيارة
بصي يا هاجر انتي بنت كويسة وانا بعتبرك في معزة عالية اختي بالظبط.
اعذريني يا هاجر الحب مش بأيدينا ربنا يرزقك بابن الحلال اللي يحبك ويصونك ويحطه جوا عنيه.
مش بقولك يا بختها
ورحلت هاجر قبل نزول عبراتها.
حزن خالد عليها فهو يراها بالفعل بنت كويسة لكن قلبه مش قادر يدق ليها.
دخل لأهله في غرفة الصالون
معاذ ها يا خالود اوصفلنا العروسة شكلها ايه اموت واعرف مين البنت اللي غيرت خالد باشا.
الحاجة ورد اة يا حبيبي قولي والنبي شكلها ايه طويلة قصيرة بيضا سمرا
الحاج توفيق مش مهم يا حاجة الكلام دة اهم حاجة اخلاقها أهلها أصلها فصلها
خالد؛ عجبك يا حاج اللي قالته عالية قدام الناس دة.
معلش يا ابني انت عارف هي قالت كدة ليه المهم قولي أهلها مين وان شاء الله هنروح نتقدم امتى.
هي بنت ناس طيبين وحيدة والدها متوفي من زمان وعايشة مع والدتها
طب هنروح امتى
اما تقول لوالدتها وتحدد الميعاد هبلغكم ان شاء الله.
ربنا يتمم بخير يا ابني ويرزقك بالذرية الصالحة
الله يخليك يا بابا انا هطلع انام بقا عشان ورايا شغل مهم الصبح
تصبحو على خير
الجميع وانت من اهل الخير.
تركهم خالد وذهب لغرفته واول ما دخل طلع موبايله واتصل على ميرا
ميرا؛ الووووو
احلى ألوو سمعتها في حياتي حبيبة قلبي وحشتيني
يا راجل دة احنا لسة سايبين بعض مابقالناش ساعتين لحقت اوحشك
انتي بتوحشيني كل دقيقة يا قلبي بحلم باليوم اللي تبقى معايا وما تفارقيش حضني ابدا ابدا
خجلت ميرا وسكتت
وبعدين في ام الكسوف دة المهم قوليلي حكيتي لوالدتك ولا لا يالا بقا هنيجي امتى عشان اخطبك.
واعملي حسابك انها مش هتبقا خطوبة بس دي هتبقا خطوبة وكتب كتاب عشان عاوز ابقا براحتي معاكي لحد اما نجهز عشنا يا عمري.
