لأن انا مش موافقة.
صدمت ميرا من عدم موافقة والدتها
ليه يا ماما مش موافقة دة انتي كنتي بتحلمي بيوم جوازي من اول ما اتولدت تيجي دلوقتي لما اتقدملي شخص مناسب بنات كتير اوي تتمناه تقولي مش موافقة.
ايوة مش موافقة
طب ممكن اعرف السبب
يهمك اوي تعرفي لو يهمك رأيي بجد كنتي جيتي حكتيلي من الاول قبل ما تروحي تقابليه من ورايا وتفهميني انك خارجة مع سارة.
لو يهمك تعرفي كان المفروض تعرفيه انو لازم يجيلي انا الأول اتكلم معاه واعرف بالظبط هو ايه.
لكن اللي بيجيب اهله ويجي على طول بيبقا عاوز يخطب على طول
وانا ايه بالنسبالك ماليش رأي مجرد ضيفة شرف بتحدد مواعيد
من امتي وانتي بتخبي عليا من امتي.
صعقت ميرا من كلام أميرة فتفكيرها بعيد كل البعد عن ما سردته والدتها.
وحزنت عندما اكتشفت ان والدتها اظن انها لا قيمة عندها وان رأيها تحصيل حاصل ليس الا
ميرا؛ يا ماما ايه اللي بتقوليه دة انا ما قصدتش اخبي عليكي ولا اعتبرتك ضيفة شرف ولا رأيك تحصيل حاصل زي ما حضرتك بتقولي.
كل الحكاية انا حبيت اعرف نواياه ايه الأول.
يعني ايه الكلام دة يعني لو كان نيته مش كويسة كنتي هتفضلي مخبية عليا.
لا يا حبيبتي والله انا بس كل الحكاية اني كنت متلغبطة وحاسة باحساس غريب كدة مش عارفة ليه ما حكتليش من الاول
متزعليش مني يا أميرة قلبي عشان خاطري حقك عليا واخر مرة والله اخبي عليكي حاجة
اة طب وانتي عاوزة ايه دلوقتي
عاوزة حضرتك تحددي ميعاد عشان خالد وأهله يجو فيه
لا مش هيحصل الا لما يجي هو الأول لوحده اتكلم معاه وبعدين نبقا نحدد الميعاد دة اذا اقتنعت بيه
يا ماما والله خالد كويس جدا
انا ما قولتش حاجة بس برضو اشوفه لوحده الاول
خلاص اللي حضرتك تشوفيه
***********************
مالك يا عالية فيكي ايه
يعني مش عارفة يا ماما فيه ايه ابنك الاناني عاوز يفرح وينبسط هو وبس حتى ولو على حساب اخته وسعادتها.
اخرسي انتي ازاي تتكلمي عن اخوكي الكبير كدة.
هو برضو اللي اناني عشان عاوز يحب ويتجاوز انتي شايفة ان سعادتك في ان اخوكي ما يتجوزش
لا انا ما قلتش كدة بس يعني مالها هاجر فيها ايه عشان يسيبها ويروح ويتجوز المهندسة بتاعته دي.
اة قولتيلي انا دلوقتي بس فهمت انتي ليه رابطة جواز خالد بسعادتك
هو البيه خطيبك زعل ان اخوكي مش هيتجوز اخته
لا يا ماما مين اللي قال كدة بس
والله عنيكي فضحاكي يا بنت بطني هو اكيد اتخانق معاكي طبعا ما هو عاوز يكوش على كل فلوسنا عشان كدة عاوز يتجوزك ويجوز اخته لخالد ولو كان عنده اخت تانية كام اكيد فكر يجوزها لمعاذ صح
