بعد مرور ثلات سنوات
في منزل خالد
خالد؛ حبيب بابا وروح قلبي قاعد لوحدك كدة ليه فين ماما.
هاااااجر يا هاجر
هاجر؛ نعم يا حبيبي انا اهوه انت جيت امتي
خالد باقتضاب؛ لسة جاي سايبة ياسين لوحده كدة ليه مش خايفة عليه لحسن يقع ولا يتعور ابنك يا هانم لسة ست شهور مبيعرفش يقعد كويس وممكن يقع من على الكنبة انا مش عارف الاستهتار اللي انتي فيه دة.
؛ ابدا يا حبيبي انا محاوطاه بالمخدات اهوه ما كانش هيقع ولا حاجة وبعدين انا كنت مع ماما الحاجة في المطبخ بساعدها في الغدا
؛ طيب طيب خلاص انا طالع انام وأما الغدا يخلص ابقى ابعتيلي حد يصحيني
؛ حاضر انا هطلع اصحيك
؛ قولت ابعتي حد من الخدامين
؛ حاضر
بعد ذهاب خالد هاجر محدثة نفسها
امتى يا خالد يا حبيبي تحس بيا وتحبني زي ما بحبك
هتفضل لحد امتى تفكر فيها وتبعد عني اكتر واكتر.
************************
سارة وهي تجهز الغدا يأتي احمد من خلفها ويحتضنها
تشهق سارة بصوت عالي
؛ اخس عليك يا احمد خضتني والله
؛ بعد الشر عليكي يا روح قلبي وسند دقنه على كتفها
وحشتيني
؛ وانت كتر يا حبيبي وحشتني اوي اوي
؛ ايه يعني شايفك رايقة وبتندندي ولابسة اكتر قميص بحبه عليكي لعل المانع خير
؛ يا سلام وانا عمري كنت مبهدلة في نفسي قبل كدة
؛ ابدا يا روحي انا بسأل بس
؛ مفيش يا حبيبي انا اصلي قولت بقالنا فترة ما قعدناش قعدة حلوة مع بعض وبصراحة استغليت ان فريدة اكلت ونامت فقولت استفرد بيك شوية
؛ اة صحيح هي حبيبت بابي فين وانا اقول الهدوء دة ازاي اتاريها يا روحي نايمة
احتضنها اكتر وبدأ يوزع قبلاته على كتفها العاري وعلى عنقها من الخلف
؛ استنا بس يا حبيبي نتغدا طيب الاول
؛ نتغدا ايه هو دة وقت اكل وبعدين ما انا باكل اهوه ثم رفعها على الرخامة الباردة
؛ حبيبي الرخامة ساقعة اوي
؛ ما تقلقيش يا روحي دلوقتي هتولع دلوقتي من اللي هعمله فيكي
بعد أن خلع ملابسه بنفاذ صبر جثي فوقها وقبل كل انش في وجهها
وحشتيني اوي يا سوسو بقالي شهر مش عارف اتلم عليكي
؛ وانت كمان يا حبيبي واحشني اوي اوي وحشني حضنك و لمستك ليا كل حاجة فيك وحشاني
بحبك يا حمادة
؛ وانا اكتر يا روح حمادة بس ايه بقا احنا هنقضيها كلام نحن رجال أفعال لا أقوال
؛ هههههههههههههه
وغرقا معا في بحور عشقهم التي لا تنتهي
*******************************
على متن طائرة عائدة من لندن الي القاهرة
تجلس ميرا على احد مقاعد الطائرة وهي تتذكر ما حدث معها خلال الثلاث سنوات الماضية.
Flash back
انا مش فاهمة يا دكتورة انا عندي ايه بالظبط
الدكتورة؛ انا اسفة يا انسة ميرا بس لازم ابلغك ان عندك ورم في الرحم وهنعرف نوعه لما ناخد عينه
وعشان ما ابقاش بكذب عليكي واضح انك في مرحلة متأخرة لان انا شايفة الورم متشعب داخل الرحم
انا هكتبلك على شوية تحاليل عشان نعرف الورم اتنقل لمكان تاني داخل الجسم ولا لا
واما نعرف نوعه نحدد بعد كدة هنعمل ايه.
