قدري الضائع ( مكتملة)

البارت الحادي عشر

مساء الخير .....
#قدري _ الضائع ......
# بقلمي _ شهد السعدي ........
____________________________________

لا يُمكن للزهور حل جميع المشاكل ولكنها بداية رائعة❤️..

فهد .. بعض الاحيان يكونون الاصدقاء مثل الاخوة واكثر وهيج اني جانت علاقتي بعباس جان بالنسبة الي مثل الاخو واكثر وبقيت ويا بايامة الصعبةورجع درس وكمل وصار محامي لكن من شفت ضعفه بسبب مرضه وهو حاير بدره واشلون يعوفة طلبت منه دره للزواج واني قررت انو دره اماني عدي حالهه حال ياسمين ولازم احافظ عليه لان وعدت ابوهه ...

اجه يوم زواجي من دره واني شايل هم اشلون اوصل الهه الفكره وانو هي بنظري حالهه حال ياسمين كلت اكعد واحجي وياهه وجها لوجه وافهمه زفوني وصعدت للغرفة فتحت الباب سديت باوعت للغرفة واهنا الصدمة ....

دره .. صعدني للغرفة واني اعضامي واحد يطك بالثاني وبدت توصياتهن الي تزيد من خوفي اكثر واكثر واني مقرره قرار لو بالهدف لو بالنجف هالقرار ومااتخلى عنه شيريد يسوي مثلا ........

باوعت للغرفة جانت كلش حلووه ونازكة وره ما طلعن عماتي رحت قفلت الباب وكفت انزع بالبدلة همزين اكو مراية طويله وكفت كباله وبطلاع الروح يلا نزعته اخذت دشداشة قصيره لبست لان اني اخبله اذا البس ذاك السيت الابيض ....

عفت البدلة ع الچرباية وفتحت قفل باب الغرفة رحت فتحت الكنتور هو سحب وبي مكان ينكعد بي كعدت وسحبت الباب مالت الكنتور وعفت شوية منهه مفتوح علمود الهوا
وره شوية سمعت باب الغرفة انفتحت وادور انسدت عرفت فهد اجه ضليت خاتله ما حجيت شي ....

فهد .. طبيت للغرفة وانصدم العروس ماهي وبس البدلة ع الچرباية ياربي وين اختفت هاي وباب الحمام الي بداخل الغرفة مفتوح وما هي بالحمام صحت دره وينج لا تخبليني بهليل ..

دره .. اسمعه يصيح اسمي واني ياربي شسوي مثلا ختلت هسه بس شسوي بعد يلا هو بلكت يفهم من ختلتي انو اني ...

فهد .. دورت بالغرفة ماكو وحتى الغرفة تركية متكدر تختل جوه الچرباية انتبهت للكنتور مفتوح شوية غرفت الفاره خاتله هناك صحت دره اذا ما طلعتي راح احسب منا للخمسه متدرين شسوي بيج ...

دره .. سمعته كام يحسب طلعت راسي من الكنتور وادور طلعت وافرك باديه من التوتر ومدنكه راسي ...

فهد .. رفعي راسج دره وتعاي كعدي ع الجرباية خلي احجي وياج .

دره .. رحت كعدت ع الجرباية وهو اجه كعد بمسافة عني وكال ..

فهد .. دره هاي سوالف الزعاطيط بطليهه تدرين خبلتيني عبالي شو وين رحتي اجي اطب للغرفة الگه بس البدلة العروس وين اختفت هاي سوايه تسويه بالله اني احجي وهي مدنكه راسه بس گوه لازم ضحكتي من وره تصرفه هههههههه طلعتلي بس راسه من الكنتور طلعت چنه سنفور من وره تسريحاته وهي منا ماشاء الله شلون طويله اني وياهه رقم عشره ...