ماذنبي انا 💔

❤الحلقه الاول❤

الحلقه درتها قصير شويه 😊
كل مره انطول فيها اكثر 😍
صوتو بليز 🙈😙
قرا ممتعه💕

الكاتبه 👑Mony Abdullah 👑

رواية ماذنبي انا

في المدرسه نراجي في بابا قاعد في مكتب المديره لانه كنت مدايره عركه مع بنت واهل البنت شكو عليا والمدرسه استدعو بابا المهم واني نراجي فيه منلقاش غير بابا طالع ومعصب ووجها مايبشر بخير 😢جبدني من يدي وركبني في السيارة وطلع واني مش عارفه شنو بصير ساكته وخلاص 😑

في مكتب المديره شنو صار :
المديره :أستاذ بنتك كل مره طايحه في مشكله واكبر من يلي قبلها وتفسد علي الطالبات وسمعت المدرسه والمعلمات يشكن منها ماعندنا حل الا انا تحطها في مدرسه تانيه احني معاش نقبلو فيها تفضل الملف متاعها☺
بابا :حامق ويادوب يحكي نعتدر علي المشاكل يلي سببتها بنتي وان شاء الله معاش اتشفوها تاني
المديره :أستاذ اني فهمت من تصرفات بنتك ان في حاجه مخليته ادير الحاجات هدينا فشوف بنتك وافهم منها شنو يلي يخليها تعمل هكي خير مايضيع مستقبلها في الدراسة
بابا :ابتسم ومازاد ولاحرف في نفسه توا نعرف وين انحطك اني سكتلك هلبا

*خليني نعرفكم عليا وعلي عيلتي *😊
انا جنان مواليد 2001 شهاده ثانوية ماعنديش خوال ولاعمام بابا وماما وحيدين أهلهم بيضه عيوني خضر قصيره شعري قصير طبعي زي الولد و الفضل لي أهلي هما خلوني هكي😵

ماما انتحرت بسبب بابا تشوف فيه يخون فيها ماتحملتش خيانته لها وطلعت أنانيه اختارت نفسها ورحتها ومش همها بنتها وعدت وسيبتني صغير عمري وقتها 3سنوات مع مرت بابا يلي ماعمرها حبتني 😢😳

بابا فتحي يمشي علي كلام مرته وبس زوجته اسمها ليلي وعندها بنت اسمها آسيل موليد 2003 هيا طيبه لكن امها خلتها تكرهني بسبب حقدها عليا ماتحبني بكل الله غالب عليا ياحنه😟😢

[نرجعو للروايه و الشخصيات الثانيه نعرفكم عليها بعدين لان مزال في شخصيات هلبا😊]

طول الطريق بابا ساكت وماحكاش بكل حتى اني ساكته وبعدين عرفت وين بيرفعني توا انشوفو اخرتها اي علي قولت المصريين هههه😂 بعد ماوصلنا
بابا :انزلي
انا :نزلت وقعدت انشوف فيه
بابا :خدي شنطتي و لوحها عليا ومعاها ظرف فلوس وقال معاش نبي انشوف وجهك فهمتي اني معاش عندي بنتين عندي بنت وحده اسيل وبس فهمتي وركب في السياره وعدا
انا:مصدومه والكلام مقدرت انطلعه لدرجه هادي مش طايقني ومايبينيش وطحت علي رجليا ونشوف في سياره بابا يلي عدا وسيبني وقعدت نبكي 😢😢

نهاية الحلقه عطوني رايكم انكمل ولا 😊
#شنو تتوقعوا يصير في جنان ؟؟
#وين حطها بوها وعدا؟؟

للكتابة Mony Abdullah 💕💛