ماذنبي انا 💔

♥الحلقة الرابعة ♥

الحلقه الرابعه
رواية ماذنبي انا😢
للكاتبه :👑Mony Abdullah👑

محمد :تنرفز عليك نهار ما مغبر شكله ونزل وشاف السياره مخبوطه واجد وبدا ياحنه
محمد :خير ياعن...... متشوفيش سوقي زين ولاخلي السواقه لأصحابها عقاب فرخه وعطينها سياره استغفر الله العضيم وخلاص
انا :شبحتله كملت خلاص كلامك ولا مزال😏
محمد :شبحلي خير جد.....و...... شوفي هكي سيارتي خبطتنها وانتن الغلطانات
انا :عصبني احترم نفسك خيرلك لما تتكلم معايا فاهم
محمد :ولله حق صدق من قال ان لم تستحي أفعل ما شئت هدا هوا انتن
فرح :سيارتي عدت فيها كلا منك وهو العكس كلا منها هيا قلبتها ههههه😂
محمد :حمق قريب يطربق شنو قلتي شنو ماسمعتش كلا مني اني اني جاي مندرس ومداير فليتشا لكن انتي عقلك مش عارف وين ايدور
انا :باهي ساد وانت كبرت المشكله والناس تشبح فينا خلاص السياره توا إن صلحوهلك تمام
محمد :شبحلي وقعد مركز فيا لعند نزلت عيوني 
محمد :لا مسامحكم علي تصليح السياره غير درقن وجهكن من حدايا
فرح :باهي فيك الخير توا منمشو اصلان احني مش ميتين عليك
محمد :شبحلها بنضرت استحقار وعدا وحتى حنى ركبنا في السياره 
فرح :واك نكد علينا
انا :خلاص بسيطه حصل خير واصلان الحق فيك انتي مش منتبها
فرح :باهي تمام بس تعرفي
انا :شنو
فرح :عليك طرف يهبل هههه
انا :هههههه بعد الهزايب يلي قلتي له توا اتغزلي فيه كلا انتي مطرشقه ههه
فرح :ههههه حتى هيا سيارتي يلي حصلت خبطه ياحبيبتي وانتي تعرفي شنو سيارتي قصدك انتي ماعجبكش
انا :لا الكدب علي ربي حرام يهبل بس عصبي وشايف روحه
فرح :هههههه ماشاءالله حللتي حتى شخصيته 
انا :ههههه وحق ربي الا مجنونات هيا وقت نمشو للمحل ونروحو توا اتعاركني جديده
فرح :ههههه باهي هيا
خدينا حاجتنا وروحنا وحطتني فرح في الحوش نزلت
انا :باي فروح
فرح :باي جنو
انا  :خشيت من البوابه واني قاعده نفتح في الشقه شنو ايصير مالقيتش غير الولد يلي خبطنا سيارته نازل من الشقه يلي فوق وقعدت مصدومه وفي نفسي نقول ان شاء الله مايسكنش هنا توا يقول لجديده علي الموقف واك عليك حظ 😢
محمد :انصدم وقف في نص الدروج وفي نفسه شنو جابها هنا زعما تلحق فيا

Mony : عليش بتلحقك علي جمالك
محمد :وخيرني كل البنات يحلمون بيه😎
Mony :😂ياعبد الوثوق إنت
محمد :باهي شنو جابها هنا قوليلي
Mony :😁😂لا توا تعرف بروحك اصبر
محمد :اف باهي هيا طولتي عليا وعليهم 😬

نرجعو للروايه
انا :شنو جابك هنا إنت
محمد :اني في حوشي انتي شنو جابك
انا  : في نفسي واك زي مافكرت عليك هم 😣
انا :من رد عليه جديده تفتح باب الشقه وماشبحتش محمد
جديده  :خيرك طولتي يابنيتي انشغلت عليك وشبحت محمد
جديده :حميده روحت الحمد لله علي سلامتك
محمد :نزل تعنقها ويشبح لجنان يبي يعرف شنو جابها هنا الله يسلمك كيف حالك خالتي فاطمه وكيف حال صحتك
جديده :الحمدلله ياوليدي خيرك طولت
محمد :ولله كان عندي عرس صاحبي الاسبوع يلي فات حضرته وجيت
جديده :باهي مبروك عليه وعقبالك ان شاء الله
محمد :ان شاء الله خالتي سلمك
جديده : ماعرفتكش علي جنان حفيدتي تسكن عندي قعدت
وهنا صدمت محمد 😂😁
محمد : مزال مصدوم 😮اي ما شاء الله عليها ربي يحفضها باهي تقعد معاك تونسك
جديده : ويحفضك يارب جنان هدا محمد مأجر الشقه يلي فوق كاين مسافر توا رد يقرأ في الجامعه
انا :اهااا تشرفنا
محمد :ضحكلها وغمزها بيك اكتر 😉 توا نستأدن صاحبي يراجي فيه
جديده :مع السلامه
محمد :باي وعده
وخشيت اني وجديده داخل
جديده :الحمد الله يلي شفته بخير
انا :شكلي منغار منه محمد هدا علي حبك ليه درت روحي زعلت
جديده :ههههه لا يابنيتي غلاك انتي بروحك و محمد بروحه
انا :اهاا باهي فكرت انستيني بعد ماشفتي محمد
جديده :ههههه لا اني ننساك عمرك شفتي حد نسي روحه انتي زي روحي يابنيتي
انا :ربي مايحرمني منك يارب وتعنقتها
جديده :يابنتي شنو صار في موضوع المدرسه
انا :خلاص قررت منكمل قرايتي
جديده  : وهدا الصح يابنتي توا غدوا نمشو بيش إنسجلك تمام
انا :تمام جديده منعدي منصلي المغرب ومنرقد شويه باهي
جديده :عدي يابنيتي تريحي نوم العوافي
خشت لداري بدلت ونطرحت رقدت طول من التعب
نضت خشيت للحمام (حشاكم) توضيت طلعت صليت ومشيت انوتي في الفطور ناضت جديده جت عندي
انا :صباح التفاح كل مانشوفك نرتاح 🍎😂
جديده :ههه صباح النور ياعيوني انتي
انا :بسرعه نفطرو بيش نمشو للمدرسه بكري ونسجلو
جدبده :تمام
فطرنا وبدلنا دبشنا وطلعنا للمدرسه سجلنا وروحنا
جديده :توا في العشيه نمشو نشرو دبش متاع القرايه
انا :لا خليها غدوا نسيتي عندي عيد ميلاد لين اخت فرح في الليل نبي انوتي روحي بشويه عليا
جديده :اي نسيت باهي غدوا نمشو ان شاءالله
انا :ان شاء الله
في العشيه عدت جديده لجارتنا تهدرز عليها واني دوشت وبديت في شعري نستشور فيه كملت منه ودرت ميك اب بسيط حلو ولبست أفارول لونه أخضر هادي ومعاه صندل اسود ولبست اكسسوارات وطلقت شعري بخيت عطر شبحت في المرأه عجبتني روحي من زمان مالبست هكي وسمعت الباب يدق قلت اكيد جديده طلعت فتحت الباب نلقاه محمد انصدمت 😮

نهاية الحلقه🙈
شنو رايكم و تابعوني ارجوكم بليز 😊

للكاتبه👑 Mony Abdullah 👑