رواية ماذنبي انا
الكاتبه 👑Mony Abdullah 👑
فتحت الباب ونلقاه محمد يلي يدق انصدمت يبست في مكاني بعدين انتبهت علي روحي خشيت ورا الباب
محمد :شبحلي من فوق لتحت وعجبه شكلي
( عارفة روحي نهبل خيتك محلاني 😂 )
محمد :اه خالتي فاطمه قاعده
انا :من ورا الباب لا مش قاعده تبيها في حاجه
محمد :اه لا خلاص توا انجيها مره اخره مع السلامه
انا : باهي مع السلامه سكرت الباب واني مزال مصدومه لبست عبايتي ووشاحي منمشي تأخرت طلعت من البوابه لقيت محمد واقف في الشارع شبحلي ابتسم وغمزلي
انا :قلبي قريب وقف سرعت خطوتي عترت قريب ماطحت😂💞 خشيت لي الحوش لقيت فرح قدامي
فرح :خيرك بسم الله جايه تجري
انا :من محمد الكلب حشمني سخيف مبرده
فرح :استغربت من محمد شنو اتقولي انتي ؟؟
انا :اهاا نسيت ماقلتلكش توا بعدين انقولك
فرح :ياكلبه من محمد توا قوليلي شوقتيني تعرفيني ماعنديش صبر 😂😡
انا :باهي ياودي هذا محمد ...وحكيتلها يلي صار
فرح :مصدومه وتضحك عليا او مايقاد مستحيل طلع نفس الراجل 😮😂
انا :شفتي عليك حظ نحس عندي طلع يسكن فوق
فرح :ياحضك حصلتي طرف مره مره تكحلي بيه عويناتك😂😍
انا :غير شوفي اني وين وهيا وين خشي خشي واني فاضيه نحكيلك 😡
فرح :باهي هيا ومره مره تنابش فيا😂
مشي الوقت وحصلنا جو ورقصت ونسجمت مع البنات لان عازمه صاحباتها وبنات العيله فات الوقت بسرعه (تعرفو ديمه لمة الصاحبات ولمة العيله يفوت الوقت بسرعه حتى انتم كيفي هههه) وروحت للحوش نسكر في الشقه
جديده :جيتي يابنيتي
انا :اي
جديده :شنو جو عيد الميلاد
انا :ابتسمت يهبل غيرت جو فيه وفرغت طاقتي 😂😂
جديده : ابتسمت ان شاء الله ديمه فرحانه
انا : أمين اني منبدل ومنرقد غدوا انعدو نشرو دبش المدرسه خلاص مزال عليها اسبوع بيش انتريح عليه
جديده : ان شاءالله تصبحي علي خير
انا :وانتي من اهلوو 😙
خشيت بدلت وصليت ونطرحت على السرير وقعدت ان فكر في محمد لين خداني النوم في الصبح نضت خشيت للحمام (حشاكم )توضيت ووتيت الفطور وقعدنا نفطرو اني وجديده
جديده :في العشيه منمشو للسوق صح
انا :اي خيره
جديده :بيرفعنا محمد راه
انا :ناكل شرقت اح اح اح شنو
جديده : بسم الله عليك خيرك يابنيتي وعطتني مياه
انا :لا ياجديده خيرك قلتيله توا ترفعنا فرح
جديده :لا يابنيتي مانقدرش عطيته كلمه وانتي خيرك ماتبيشي يرفعنا ضايقك في حاجه
انا :اه لا ماضيقني في شي غير إنتعبوه معانا
جديده :لا مافيها تعب نعتبر فيه زي اوليدي وهو يعتبر فيا زي اميمته الله يرحمها
انا :استغربت قصدك امه متوفيا ؟؟ حقا انتي محكتليش علي عيلته شئ؟ ؟
جديده :اي عيلته ماتو في حادث امه وبوه كان صغير وقتها ولد واحد بس قعد عند عمامه في العطله يمشي يزور فيهم ويقرأ في الجامعه هنا
انا :ياروحي وجعني لما تسمعي مصيبت غيرك تهون عليك مصيبتك ربي يرحمهم
جديده :اي امين هدا حال الدنيا يابنيتي خلاص بيرفعنا محمد راه
انا : باهي أن شاء الله
ضميت الفطور والحوش وقعدت علي النت ونفكر في محمد احني الاثنين نفس الشئ ماعندناش أهل بس هوا أهله ماتو واني أهلي تبرو مني هوا حاله خير من حالتي 😢
جت العشيه خشينا اني وجديده انجهزو في روحنا لبست اني قميص ابيض فوقه جاكه صفرا خفيفه لان الجو حمو وسروال اسود وسبيدرو ابيض وشاح مخربش
جديده :هيا يابنتي الولد يراجي فينا ساعه بيش تلبسي اني منعدي سرعي روحك
انا :هيا هي جيت طلعت لقيت جديده راكبه فتحت الباب وركبت ومتحشمه من موقف امس
انا :السلام عليكم كيف حالك يامحمد
محمد :شبحلي من المرايا وعليكم السلام الحمدلله كيف حالك انتي
انا :كويسه الحمدلله
محمد :شبحلي عندك محل معين بتمشيله ياجنان ولا اي محل
انا :اه لا اي محل عادي
محمد: تمام
طول الطريق جديده ومحمد يهدرزو واني ساكته ومره مره محمد يشبحلي نقلنا لمول كبير وعنده كل شئ نزلنا خشينا للملابس اول شئ ومحمد معانا
جديده :شوفي يابنيتي هدوما محلاهم
انا :اي حلوات خديت واحد عجبني واجد شوفي هدا محلاه شنو رايك فيه
جديده :اي حلو خلاص بتاخديه
انا :اي مناخده
جديده :نفس مقاسك
انا :اي
جديده :خلاص تعالي نشوفو وشاح وقمصان ليك
انا :تمام هيا عدينا شرينا وشاح وقمصان ومنمشو لي الأحذية
جديده :اني يابنيتي تعبت من المشي وركوب الدروج عدي انتي و محمد خودي يلي تبيه واني توا نستناكم في المطعم لما اتجو انتعشو مع بعض تمام
جيت منتكلم قاطعني محمد
محمد :خلاص تريحي انتي ياخالتي توا نمشي معاها مافيش مشكله شويه ونجو
جديده :تمام عدو
مشيت اني ومحمد
محمد :جنان منسألك
انا :شبحتله نعم
نهاية الحلقه اسفه علي
التأخير عارفين جو قطع الضي 😢😡
#شنو يبي محمد من جنان ؟؟
#كيف حتكون علاقتهم بعد المشوار هدا ؟؟
أنت تقرأ
ماذنبي انا 💔
General Fictionاول روايه ليا روايه خياليه مع واقع تحكي علي موعانات بنت اتخلت عليها امها وبعدين بوها بسبب زوجته وفضل شخص واحد ليها في الحياة كيف حتكمل حياتها 💔 للكتابة Mony Abdullah
