في الاسكندريه، السماء الصافيه، والجو الهادي،،،يوجد فيلا تدل على ثراء صاحبها،،
________________
تدخل الام وتفتح الستائر تسقط اشعه الشمس الساطعة علي ملاكنا الصغير لا بل ملاكه الصغير،،
مريم(الام):ملاك قومي بقا يا كسلانه.
ملاك(بنوم):ماما سيبيني انام بليز.
مريم:ملاك انتي عارفه الساعه كام.
ملاك(بنعاس):كام؟!
مريم،بمكر:الساعه ٨ ونص.
ملاك(بفزع تنط من علي الفراش):كام؟؟؟!ثم أكملت وهي تستعد الي الذهاب الي المرحاض الخاص بالغرفه،،حرام عليكي يا ماما مصحتنيش ليه من بدري.
مريم(بدهشه):امال انا كنت بصحي ف مين ،ثم أكملت بقله حيله وضحك،،هقول اي بس هبله ولبسوكي طبله.
ثم تخرج من الغرفه متوجه لغرفه الطعام وتتوجه الي السفره حيث يتواجد زوجها وابنها يفطرون،،
محمد(الاب):اي يا مريومه امال فين ملاك.
مريم:نازله يا حبيبي.
محمد:ماشي يا حبيبتي.
معتز(بضحك):الله الله علي الحب طب راعوا شعور واحد سنجوله قاعد معاكو.
محمد(بضحك):بس ياض انت وركز ف اكلك انتا مالك انت بيا انا ومريومه.
مريم(بضحك):وهو حد قالك متحبش دا يبقي يوم المني انك تحب وتتجوز وأشوف عيالك بيطنطوا حواليا كده.
معتز(بضحك،وبتمني):ليه يا ماما هما قرود ولا اي وبعدين ادعيلي انتي بس القيها وانا هجبلك القرود قصدي العيال.
مريم (بضحك):ماشي يا ابن الهبله،ثم أكملت بدعاء،ربنا يرزقك ببنت الحلال ويفرح قلبك.
نسيبهم بقا شويه ونروح لملاكنا الصغير يوهه اقصد ملاكه الصغير 😂.
بعد أن توجهت ملاك الي المرحاض اخذت شاور وتوضت وخرجت وأدت فرضها،بعد انتهائها ذهبت الي غرفه الملابس الخاصه، واخدت بنطلون سكيني بالون الاسود وتيشيرت اصفر وبعد الانتهاء من الارتداء سرحت شعرها وفردته علي ظهرها وأخذت حقيبتها ونزلت، توجهت الي غرفه الطعام، والقت التحيه علي والديها واخوها،وذهبت وجلست علي الكرسي واشرعت ف تناول الطعام،،
ملاك ل معتز (بهمس):جبتلي الشكولاته ياض.
معتز(بضحك وهمس):ياض بقا انا يتقالي ياض ومن مين من الاوزعه،ثم اها جبتلك يختي.
ملاك(بغضب مصطنع):بقولك اي يسطا متقوليش يا اوزعه لحسن والله الم هدومي واروح عند امي ولا تقولي كاني ولا ماني اها انا بقول اهو.
معتز (بضحك شديد):الله يخربيتك والله هبله.
ملاك(بصوت عالي نسبيا موجه حديثها للكل):اقولكوا نكته.
الجميع:قولي.
ملاك(بضحك):مره واحد كان عنده مزرعه فراخ تعب جاله ديك قلب 😂.
جميع ضحك ولكن ليس علي نكتها بل علي ضحكت هذا الملاك.
معتز(بضحك):طب والله هبله.
ملاك(بضحك،وفخر مصطنع):شكرا شكرا اهم حاجه حب الناس😂.
الجميع يضحك ثم يكملون طعامهم ثم يتوجه الاب الي الشركه ومعتز الي مقر عمله وملاك ومريم الي المستشفي.
ونسيبهم شويه ونروح مكان اول مره مروحه
__________________________________
في القاهره،، في شركه أقل ما يقال عنها رائعه
الشاب (بعصبية):يعني اي مش لاقينها الأرض انشقت وبلعتها مثلا.
الشاب التاني:صدقني مش لاقينها دورنا عليها ف كل مكان وسألنا ناس كتير عنها ف المطنقه قالوا عزلوا من ٤ سنين.
الشاب(بعصبية،حزن):اعمل اي طب الاقيها فين بس تعبت يا عدي ٨سنين وانا بدور عليها ومش لاقيها هموت ولاقيها.
عدي:اهدي بس يا قاسم باذن الله هنلاقيها.
قاسم(بحزن، واشتياق):يارب يا عدي وحشتني اوي.
استوببببببب❤️❤️❤️
عدي:٢٨ عاما،صديق قاسم تعرف عليه ف الجامعه،عيونه عسلي،جسده رياضي، عصبي،حنون،يحب قاسم،لا يؤمن بالحب فهل ليا رائي اخر😴😂😂
ونرجع تاني😂
عدي:ربنا يرجعهالك يصحبي،ثم اكمل باهتمام،عملت أي ف الصفقه اللي دخلتها.
قاسم(بثقه،وغرور لا يليق الا به):طبعا كسبتها وهنمضي العقود بعض اسبوع،ثم اكمل باستغراب،بس في حاجه غريبه.
عدي(باهتمام، وتركيز): اي هي.
قاسم(باستغراب،وشك):الشركه دي صاحبها يبقي اسمه محمد السيوفي.
عدي(باستغراب):طب واي المشكله.
قاسم(بتركيز):يبني ركز معايا دا يبقي عمي محمد عبد الحميد السيوفي ابو ملاك.
عدي(بلهفه):طب كويس اوي يبقي نروح ليه وكده هتعرف ملاك فين.
قاسم(بلهفه،وشوق):معاك حق لازم لما نيجي نمضي العقود أقوله يعمل حفله وكده وبكده هشوف ملاكي.
عدي: كاد أن يتكلم ولكن قاطعه دخول؟؟؟؟؟؟؟!
ونكمل البارت الجاي أن شاء الله
#عايزه تفاعل واكتبه ف الكومنت اي رائيكو..
أنت تقرأ
"ملاكي الصغير♥️". "قيد الكتابة"
Mystery / Thrillerهو:قاسي الطبع، ومتكبر ،ولكن يعشقها حد النخاع هي قادره علي تحويل هذا القاسم الي طفل صغير يريد دفئ أمه و وحنان أخته وحب حبيبته ،يبحث عنها ولكنها سراب ،هل سوف يجدها ام للقدر راي آخر..... هي: من تربت علي يده ،عنيده،بريئه،ولكن تعلم متي تكون شجاعه ،هو حبه...
