#دمرني_أخي
#الحلقة_2
ثاني يوم☉⛅
حسناء: بصوت عالي..... هيااااا نوضي ياسحر وانتي تشيطي في الريق ساعه باش تنوضي يامصيبة
سحر: واااك نضت ها 😤
حسناء: معاش تعيطي وتوكوكي صبح
سحر: شبحتلها مصدومه ....وبدت تعيط😭😭 وااااكك امالا من كان يعيط ساعه توة
حسناء: انا كنت انوض فيك وانتي حتى الواحد يحطلك زكرة تحت وذنك ماتنوضي
هيا خفي روحك مدرسة
وطلعت حسناء وتتكلم
حسناء: اااه هالمصايب كل صبح مشيطيلي ريقي
وتعيط : نووووووضضيييي يرزززييييني فيييك نوضي ياعطيك مايرفعك
اااه ياربي عندي مرارة وحده لو انفقعت بنعيش بلا مرارة انا
ناض حسن: اووف يام خيرك تعيطي الزح
حسناء: مشاء الله علي ولدي بلكي تحسابني مرتك الي بنوضك كيف ماتبي نوض اتسبب ع خدمتك وانت طالع لعماتك تمبال
حسن: وااااك يام تمليش من الاسطوانه هذه؟
حسناء: لا مش ح نمل وح نقعد هكي لننن تولي وتتعدل انت واختك
جهزوا نفسهم سحر وحسن وطلعوا وحسناء تسقد فيهم
حسناء: ان شاء الله مربوحه ان شاء الله مفتوحه في وجوهكم صغيويرتي في امان الله استودعكم الله
حسن: يام شن يقربلك السديسي😂😂😂
حسناء تنحي الشبشب من رجلها وتحدفه بيه بس حسن تفاداه
حسناء: فروخ العازة حرام فيكم😤😤
حسن وسحر😂😂😂😂😂😂
مشت سحر للمدرسة ع رجليها مع صاحباتها
وحسن مشي يدور في خدمه
_______________
مراد تلفونه يرن
مراد: خيرك الزفت تتصل ع الصبح
خالد: نوض الساعه 9
مراد: سكر في وجه ورجع رقد
التلفون ترن ترن
مراد : ياعننننننن رد عليه نضت ياخرا نضت
خالد: ابتسم وسكر الخط
الكاتبة.... طبعا خالد كل يوم ينوض في مراد هكي 😂😂
ناض مراد دوش وزي العاده لبسته كلها ع الاسود وعطر قوي وطبعا مع شخصيته والنظرة الحاده
وكان يجنن 😍😍😍
نزل لدار الاكل
طبعا مجهزين فطور ملوكي
ملاك: صباحوا حبيبي
مراد:سكت وقعمز يفطر
ملاك: حبيبي شن صار في سفرتي لباريس
مراد: توة نتفاهم مع الشباب
ملاك: اخيرا ياقلبي😍
مراد: ياكل
ملاك:بتمشي معاي ولاه
مراد: ابتسم بهزوة😏
ملاك: اوووف اووف اوف😤
مراد: امممم وابتسم😏 ويشد يدها بقوووووه ويجيبها لعنده وبنظرة رعب وبصوت يخوف هادي ..ملاك..تتالم وساكته تشوفله بخوف
...لما مراد يفطر تسكتي ويزيد يضغط عليها..دموعها نزلوا ...
مراد:جو النقيق والنفخ الي ديري فيه مش ع التعلب ويحدفها بقوة وناض وبصوت عالي يخوووف وجههك المسخ هذا معاش نبي نشوفه لن تنتلفي وتسافري
طلع وسيبها ملوحه ع الارض تبكي
ملاك هذه تكون عشيقة مراد عايشة معاه طبعا همها الوحيد الفلوس مهما يدير معاها راضية بالذل والاهانة ع خاطر الفلوس والسفر بس
___________
في المدرسه
سحر ماشيه هي وصاحبتها ندى
ندى: كلمك نبيل؟
سحر: ايه كلمني كان زعلان مني وبعدين رضيته
وخطمت بنت من جنبهم بدت تلقح في الدوة
البنت: كمشه مزيتات خاطمين من هني ماحاسبين في روحهم
سحر رجعتلها وتكلمها ببرود
سحر: شن تفضلتي ياكناسة؟ شن قلتي بالزبط؟
البنت: زي ماسمعتي
سحر: عاودي ماسمعتش كويس
البنت خافت من برودها كيف بتمشي وتشد يدها وتسحبها سحر بقوووه وهذه اخر مره تجي جنبي ولا توقفي قدامي وتلقحي الدوه والا والله تشوفي شيء مايعجبك فاهمة انا عارفاتك علاش اديري هكي يا مسكينه تسسسخخخخففييي😏
وطلقتها ومشت
ندى: اوووبا والله منوره تعجبيني😂
سحر: هذه ميته في نبيل هذا علاش محروقة مني مسكينه
ندى😂😂😂😂
___________
في الكافي.....
حسن: والله ندور في خدمه من الصبح ولا حصلتها الزفت مافهمت شيء
كريم: توة تحصل تي قول لامك اطلع المدسوس الزفت وتفتح محل وتسترزق
حسن: امي كان عندها المدسوس الي تحكي عليه راه مش هكي حالي اسكت بالله عليك
كريم: اووووو سلومه شن جوك
سالم: اهلين يابرو والله تمام شن جوك
وسلم ع حسن
كريم: بخير ....قعمز كسد معانا
سالم: والله مشغول شوي بس يلا مابين ماجي الراجل نهدرز عليك
من الاخ هذا؟
كريم: هذا صاحبي حسن
سالم: منور حسونه
حسن: بوجودك ياقدر
كريم: ايه قولي شن جو الخدمه وشن الطرحات واللبس والسيارات تي بديت عااالم
سالم: والله التعلب مش باخل علينا في شيء تي حاجه صححح
حسن: قصدك تخدم مع التعلب😨😨😨
سالم: تي ايه نخدم معاه تي وربي الخدمه معاه ولاه خياااال
كريم : خش معاه حتى انت يا حسن شوف حياته كيف صارت
سالم: خش معاه حتى انت يا كريم علاش تعزم فيه بس
كريم: لااااا الحمد لله الرزق المحل وعندي والحوش نبني فيه وبنية الحلال واتيه انا اموري تمام شوفوا روحكم انتم
شاف سالم لحسين :شن ياشب؟ موافق؟! خلي انظملك امورك؟
حسن: قعد يشقلب الامور في راسه وقعدوا سالم وكريم يعبوله في راسه باش يوافق
حسن: خلاص غدوة انرد عليك
سالم: تمام هاك رقمي 092*******
حسن: منور ياقدر صحيت
طلع سالم وقعد كريم وحسن طبعا حسن قعد يفكر في الموضوع
__________
وصل مراد للمكتب متعه
أنت تقرأ
دمرني أخي
Actionقصة تتكلم عن بنت يتورط خوها مع مافيا وبسبب القصة هذه اطرت البنت اضحي بنفسها وتكون أسيرة رئيس المافيا شن ممكن يصير فيها ؟ تعالو نشوفو في القصه
