#دمرني_أخي
#الحلقة_5
روح مراد لسحر
ومشي لدارها وطبعا خش بدون مايطق عليها
سحر انخلعت منه
مراد: خش بدون كلمه وقعمز ع الصالون الي مقابل السرير وسحر تشوفله بخوف
مراد: تكلم...من هو نبيل؟!
سحر: انصدمت😨 وبعدين تنهدت
مراد: تكلمي
سحر: هذا كان حبيبي💔
مراد: تعصب بس حاول مايبينش...كملي....
سحر: بدت تحكيله شن صار وكيف شافت الفيديو وهكي
مراد: هو نفسه الي ضربتيه كف لما مروحه من المدرسه
سحر:😨😨😨😨 كك ككيف عرفت؟!!!
مراد:ابتسم ع جنب😏 يوم الاحد بتبدي قراية في مدرسة تانيه
ح تقري ووراك الحراس وسيارة ترفعك وتجيبك
تهربي برقبة عيلتك
وح تقعدي هني
سحر: لامتي بنقعد هني
مراد: بصوت يخوف ....انا الي نسال بس ونتكلم بس
سحر: قعدت تشبحله مصدومه
مراد: انزلي تعشي
سحر: لانبيش
مراد: شبحلها شحبة تخوف
سحر: ناضت طول وراه
مراد: كان يحس بفرحة غريبة معاها بس مش عارف متشتت
نزلوا تحت وشافت سفرة ملوكيه عشاء فاخر
سحر فاتحه فمها ومراد قعمز في مكانه
مراد: بتقعدي هكي متنحه وفاتحه فمك
سحر انخلعت ووعت لروحها : وقعمزت جنبه
مراد: بدي ياكل بصمت
سحر:دوب ماتاكل
جت امينه شن يابنتي عجبك
سحر ابتسمتلها وهزت راسها بايه
مراد ياكل وساكت
وسحر جنبه خايفة
كان حاس بخوفها وكان الشيء هذا مش عاجبه
بس حاول انه مايبينش
سحر كانت ساكته وفي لحظة قام عيونه مراد شافها وتنزل دمعه من عين سحر 💔
مراد معاش عرف يكمل ماكلة
سحر: بصوت مخنوق..... شبحتله وعيونها حمر ودموع ....كيف حال ماما وحسن؟!
مراد: سكت ...امك خشت في غيبوبة وخوك حسن معاها
سحر حطت ايدها ع فمها وبدت تبكي في صمت
مراد: وقف عشاء وناض ومشي ركب فوق لانه كان في لحظة يبي يحظنها ويطبطب غليها بس قسوة قلبه متحكمه في كل شيء
سحر ركبت لدارها وصلت وبدت تدعي
كان مراد خاطم من دارها ويسمع فيها
سحر: تبكي وتدعي...يارب اجبر بخاطري يارب يارب هون عليا يارب اشفيلي اميمتي يارب اجمعني بيهم يااارب
يارب اهديه وخليه يرجعني لاهلي ياارب😭😭
مراد كان يسمع فيها ومش عارف شن يدير كان ممكن هذه اول مره حد يدعيله بالهداية او بالاحرى يدعيله دعوة خير
___________
عند حسن
حسن زي العاده مقعمز قدام دار امه في المستفشى يستنى فيها وكانت حالته تعبانه هلبة ونادم
حياة تشبحله وقريب تموت عليه
حياة: حسن ياحسن
حسن شافلها
حياة: ابتسمتله هاك شكلاطه
حسن: نبيش
حياة: وراسك وراسك وراسك خودها
حسن: اوووف هاتي
حياة: قعمزت جنبه اعطيني رقم تلفونك وانت برا ارتاح شوية في الحوش وكان صار اي شيء نكلمك
حسن: لالا خليني مع امي نبيش نسيبها
حياة بحركة عفوية حطت ايدها ع كتفه : والله ياحسن خود كلامي وبرا ارتاح وانا جنبها ووعد نقولك طول
حسن : هز براسه واقتنع بكلام حياة ومشي للحوش غسل وحلق وارتاح شوية
_________
تاني يوم☉⛅
أنت تقرأ
دمرني أخي
Actionقصة تتكلم عن بنت يتورط خوها مع مافيا وبسبب القصة هذه اطرت البنت اضحي بنفسها وتكون أسيرة رئيس المافيا شن ممكن يصير فيها ؟ تعالو نشوفو في القصه
