#دمرني_أخي
#الحلقة_4
سحر وحسن يعيطوا لاااا غمولها فمها وغطولها وجهها ودخلوها في السيارة
طلعوا بالسيارات
مراد وخالد في سيارة بروحهم
وسحر بروحها في سيارة مع الشباب
وصلوا لمكان غريب زي العمارة وفيها شقق صغار
نزل مراد وخالد ووراهم سحر شادينها الشباب
خش مراد لمكان فيه هلبة بنات وغريب وسراير هلبة
مراد:بصوت عالي يخوف مريم يامريم
مريم: طلعت تتمستك وشاده الدخان وادخن::: التعلب عندنا ليك فترة مغيب
مراد: ابتسم بهزوة... تفضلي جبتلك بنت جديده
مريم: وينها؟! وشافت لسحر.....اممممم حلوة البنت تمشي امورها تعرف هذه تجيبلك ثروة
مراد: ابتسم ع جنب...البنت شوي هكي عصبية نوصيكش ربيها
مريم: خليها عليا
مراد: اشرلها بايدها هكي 🖒 وكيف بيطلع
مريم: في بنت عندي تسعدك وتهبل نبعتهالك؟
مراد: ابتسم...ااييي ياسلام ابعتيها
مريم: ضحكت ضحكة المصرية هذيكا المستفزة وخشت
دخلوا سحر معاهم وحطوها في الدار وفكوها وبدت تضرب وتريش في الشباب تبي تهرب بس ضربوها كفين باش تهدا
قعدت في سريرها تبكي والبنات يشوفولها
جتها بنت اسمها ماري
ماري مسحت ع خد سحر تمسحلها في دموعها: معلش اهدي ياحلوة انا جنبك
سحر: قعدت تشبحلها وتبكي وفي عالم تاني
قعدت ماري جنب سحر اطبطب عليها لننن سحر خداها النوم من البكي والتعب
_____________
عند مراد
روح مع البنت للحوش وطبعا بين شرب وسكير ومع البنت وبعدين داروو ال 🔞🔞🔞
وبعدها
رقد ....وجاه في الحلم
سحر: مراااد مرراااد انا مكاني مش هني مراد
مراد يشوف مصدوم
سحر كانت كانها تغرق في تراب او طين وتنادي لمراد
سحر: مراااد مراد ساعدني مراد ماتخلينيش
مراد فاق لروحه وكيف بيمشي ينقذها بس هي غرقت في الطين
مراد: لاااااااااااااا
ناض مراد مخلوع وجهه عرق وقلبه يدق بسرعه شاف جنبه القي البنت راقده شاف الساعه القاها ال6 الصبح ناض دوش وطلع بروب الحمام للبلكونه ويدخن كان مش حاس بالصقع وهو سرحان بقصة سحر ومتعصب كيف بنت خلاته هكي يفكر فيها
بعدها خش غير حوايجه واتكى ع الصالون الي في الدار وقاعد يفكر في الحلم
مراد الي يسمو فيه التعلب التعلب المكار الي مستحيل يخاف من شيء وقلبه ومعبي قسوة في لحظة خاف
خاف من الحلم لانه الشيء هذا اول مرة يصير معاه وخاصة مع بنت
_________
عند حسن
حسن رفعوه لامه في المستشفى وطلعوهم
رفعوهم للمطار يبو يسفروهم
حسناء: وين رافعني ياولدي ووين سحر
حسن: شاد دموعه بالسيف...سحر خليتها عند صاحبتها عندها امتحانات المده الجايه
حسناء: وعلاش حني مسافرين انا الحمد لله ياولدي هيا ردني للسحر تعرفها تحبش ترقد غير ع سريرها
حسن: لا يا امي هذا كله ع حساب الشركه نمشوا اسبوع ونرجعوا
حسناء: سكتت وكان قلبها قابضها من جيهة سحر
حسن: يلي كان كل شوي تنزل منه دمعه بس يدرق فيها من علي امه
جي موعد الطيارة وطلعوا وسافرو 💔💔وخلو سحر بروحها في هذاكا للمكان
أنت تقرأ
دمرني أخي
حركة (أكشن)قصة تتكلم عن بنت يتورط خوها مع مافيا وبسبب القصة هذه اطرت البنت اضحي بنفسها وتكون أسيرة رئيس المافيا شن ممكن يصير فيها ؟ تعالو نشوفو في القصه
