دمرني_أخي
#الحلقه_7
مشت للمدرسة وبالصدفة كيف نازلة وتشوف ماري قدامها
سحر: هييي ماري😍😍
ماري: ياعمري 😍😍 ومشت حضنتها
سحر: كيف هكي
ماري: امس الليل موخر جوني طلعوني من المكان للي انا فيه وحاليا عايشة مع عيلة كويسة وبنبدا نقرا معاك
سحر: تفكرت مراد وابتسمت وكانت خطتها ماشية صح
ماري: هي تاخرنا خلي نخشوا😊
سحر: هي
وخشو للمدرسة
كملت يومها سحر وهي فرحانه بصاحبتها
روحت نفسيتها احسن من قبل
____________
عند مراد بعد ماناض وشطب اموره طلع
مشي للمكتب القي خالد
مراد: هاك وحق ربي ماعاد راد ع اتصال اليوم فديييييييييت امس طلعولي قرون
خالد: باش تعرف بس وتحس بيا وانتم تحسابوني فاضي 😤
مراد: باهي ياراجل دليتنا بيها
خالد: تي بعد انوضلك في مرتك شن مزال قهرة بعد هكي
مراد: بصوت واطي.. كان تشوف قهرتي انا لما انوضها قريب ننتحر
خالد: قلت شيء يا التعلب
مراد: لالا المهم صفقة السلاح متع الدون امتى ؟!
خالد: بعد اسبوع ان شاء الله
مراد: تم مانوصيكش 😉
خالد:تم😉شن جوك مع المراه
مراد: ماشية
خالد: بدت تغير فيك هلبة
مراد: ابتسم وقعدت يشبح هايم بعيد ويتكلم...اول بنت نشوفها قوية هكي رغم كل الي صار فيها
انا التعلب الي كلهم يخافوا مني هي وقفت في وجهي قوتها لسانها خلاني نحس بشعور تاني
كل البنات كانو يا خايفات مني يا طامعات في الفلوس
اما باش يوقفوا في وجهي باش يحافظوا ع نفسهم او ع عيلتهم هذه لا
تعرف يا خالد اليوم خلتني نصلي وكنت انا ايمامها لاول مرة حد يبيني نصلي بيه
ولا فوق هذا كله تهدد فيا بنسال امينه ع كل صلاة نصليها😂 مش عارفة شن ممكن اديرلي يعني بس ااااه تعرف مانقدرش نرفضلها طلب بكل ولما تبكي نحس في روحي نتقطع وكانه قلبي واجعني عليها البنت الوحيده الي طلعتلي في الحلم حلمت بيها وكانت تستنجد بيا لاول مره شخص يبي حمايتي كانو كلهم يبو حماية مني اما باش انا نحميهم وبنت تاني هذه كان مستحيل
خالد: اووووو شن تحبها؟؟
مراد: اهااا نحبها😂😂 مش مصدق تعرف اول مرة تصير عمري في الثلاثينات وهذه اول مره😂
خالد: وتوة كيف بدير معاها وعيلتها؟
مراد: نبيها تتعود عليا وتتقبلني وبعدين اكيد ح نرجعها لعيلتها مش ح نخليها هكي
خالد: دير بالك يامعلم البنات مافيهمش امان
مراد: ايه نعرف بالاخص البنت هذه
خالد: هي مالا نقولك حاجه سخفتني تعرف نوض نوض برالها وغير جو معاها تي مفروض شهر عسل انت مش حاشي وجهك في وجهي
مراد: وربي مافي منك وناض جري
خالد: شبحله باستغراب ...ماصدق الراجل خزي ع الحب حتى التعلب بدي يضحك وااااك محلاه قبل ديمه يكشخ ويسب اوووف ورن تلفونه
ايوه وانا هذا حالي ندور من اتصال لاتصال ( وصلت لبضاعه استلمتها دفعت) ويشوف يساره ويلقى مراد يشوفله ميييت ضحك😂😂😂😂
مراد: هههههه قصدك ههههه تتكلم بروحك هههه والله ودرت وفات فيك الفوت😂😂
خالد: طلع يجري وهو وجهه احمر من الغضب 😂
مراد: كمل ضحك وخدي مفاتيح السيارة وطلع
وصل لمدرسة سحر وقعد يستنى فيها
طلعت سحر تضحك مع ماري
شافت سيارة مراد وركبت معاه
سحر: مساء الخير 😊
مراد: مساء النور شن شكلك فرحانه
سحر: اول شيء وشبحتله بعفوية بطريقة ناعمه شكرا ع ماري اليوم احلى مفاجاه ع الصبح😍
مراد: داب في نظرتها معاش عرف شن يقول ولا كيف يتكلم
سحر: تاني شيء جاوبت في الامتحان😍😍😍
مراد: وعي ع روحه...ااا ءء كويس كويس
هي مالا مدامك فرحانه وجوك مليح نمشوا نتغدوا برا ونغيرو جو
سحر: اوك
مراد: سحر تعرفي تضربي بالسلاح
سحر: لالا
مراد: اممممممم
سحر: علاش تسال؟!
مراد: شن قلنا ع الاسئلة ؟؟؟؟!
سحر: لا وربي تنقلبش هذاكا الشرير خليك هكي
مراد: خليك هكي؟؟! هكي كيف؟!
سحر: يعني عادي اهو نقدروا نتفاهموا معاك
مراد: والشرير خيره تتفاهميش معاه
سحر: تي حي هذاكا تظلم عنده الحكاية وكان عرفت تقول كلمه معاه تعالى خود الي تبيه صح تاخد ضرب تخزريطه مقومه اما تفاهم وهدوووء مسسسستتتحيل
مراد: ضحك من قلبه ههههههههههه
سحر: شبحتله وكانت هذه اول مره يضحك قدامها
مراد: انتبه لسحر احم
سحر: نزلت راسها تحشمت
وصلوا لفندق فخم ونزلوا
مراد شد ايد سحر وسحر تفاجات😳 كيف بتحول ايدها مراد شدها بقوة
مراد: خلي ايدك
سحر: اوووف .....وصلوا للطاولة والناس كلها تعطي في احترامات لمراد والي يخدموا في الفندق جو يجروا ومالك الفندق جي ورحب بيه قعمزوا في المطعم
مراد: هممم شن تطلبي؟
سحر: طلبت اكله ومراد كذلك
سحر: خيرهم يشبحولنا لن توترت
مراد: شافلها ..التعلب جاي يتغدى مع بنت في الثانوي
سحر: شافت للزي متعها...ياريتني غيرت قبل مانجوا هنايا
مراد: تعدليش غيري جوك ولا كانهم موجودين
سحر: سكتت اما مراد كان لاهي في التلفون وقعدت تشوف للمطعم وبعدين حطت ايدها تحت خدها بملل
مراد: ركز فيها قلقتي
سحر: لا عادي😅
مراد: نحبش ناكل في المطاعم انا يا اما نحجز المطعم وناكل بروحي هذا في حالة لو في عشاء عمل
سحر:ليش ؟!
مراد: هكي نكره الزحمه غير توة اهو ع خاطرك باش تشوفي الناس
سحر: قعدت تشبحله
مراد: قام عيونه فيها ....في حاجة؟
سحر: في حاجات بس عارفة ح تقولي وبدت تقلد في صوته ... سحر شن قلنا ع الاسئلة حني 😠😠
مراد: شاد ضحكته... صار انا هكي
سحر: اها هكي وطلعتله لسانها انننننن😜😜
مراد: بتكشيخ سحححر حني في مكان عام مش في الحوش شن الحركات هذه
سحر: انصدمت وسكتت نزلت راسها
مراد: في خاطره...شن درت يا مراد كل مانقولو ها انفكت العقده نرجعوا لنفس النقطه
سحر قعدت ساكته وتشوف تحت جابوا الغذاء وسحر دوب ماتغذت ومراد لاحظ الشيء هذا
روحوا وطول الوقت ساكته
خشت غيرت حوايجها وتوضت وكيف بتصلي خش مراد
مراد: هيا نصلي بيك
سحر: استغربت وبعدين ..تمام
كملوا صلاة ومراد مشي للمكتب متعه اما سحر فا خشت للسرير ورقدت
مراد: في المكتب يفكر...شن درت يامراد كيف ضحكت معاه هي كيف بنصلح الوضع توة هي 😤😤 استغفر الله
أنت تقرأ
دمرني أخي
Actionقصة تتكلم عن بنت يتورط خوها مع مافيا وبسبب القصة هذه اطرت البنت اضحي بنفسها وتكون أسيرة رئيس المافيا شن ممكن يصير فيها ؟ تعالو نشوفو في القصه
