كان قاعد فى مكتبه بيتابع آخر الجرايم اللى حصلت فى الفترات الاخيرة عن طريق الجرايد والنت.... رن موبايله.. هو فزع لانه كان سرحان مع الجرايم بيربط احداثها ببعض... مسك موبايله ورد:
- ايوه يا باشا..... آه بس انا..... لا اصل كنت بفكر آخد اجازة.... لا اكيد طبعا يا فندم.... حاضر يا باشا... تحت امرك.
بتكلم عن المحقق الشاب " يامان جيرمو مارتن " اذكى واكفأ المحققين واللى كان بيتكلم معاه هو العقيد " روبرت روجان " واللى حط فوق عاتقه قضية خطيرة وكان المحقق مستغربها لحد ما وقعت عنيه على الخبر اللى نازل على النت....
تقرير صحفى عن عدة جرائم متتالية فى اوقات زمنية متساوية تقريبا.... واللى اثار دهشة المحقق اكتر هو اسم القضية.... القضية كانت بعنوان " اسطورة العين الحمراء " قتل بطريقة بشعة.... اول جريمة كانت فى ١١ من ايلول.... جريمة قتل مدير شركة " اوڤى ستار " فى نيويورك... واللى لقوه مقتول فى فندق " فورفوار " فى الولاية بطريقة غريبة جدا... ايديه اليمين مقطوعة والشمال صباعه الاوسط بس اللى مقطوع وصدره عليه آثار تشريح... ده غير رقبته اللى لقوا عليها آثار من السلك النحاس.... وبعد ده كله الراجل غرقان فى مياه فى البانيو...
يامان مستغرب وبيقول لنفسه:
- غريبة اوى.... طريقة واحدة من دول كانت كفيلة بإنها تقتل الراجل ده....؟!؟!
الجريمة التانية... جريمة قتل شابة لم تتعدى ال ٢٥ من عمرها واللى اترمت من فوق مبنى ١٧ دور... وبرضه اكتشفوا انها ميتة قبل ما تترمى من فوق المبنى بحوالى ١٥ دقيقة ؟!!
واللى كان بيدور فى راس المحقق عن سبب تسمية القضية بالاسم ده.. جاوب عليه التقرير الصحفى... لأن كل اللى اكتشفوا الجثث لاحظوا وجود علامة بالدم على الجانب الأيسر العلوى من منطقة الصدر... رغم اختلاف الجثث واماكن مقتلهم الا ان العلامة هى نفسها....؟!؟!
ومحدش اكتشف سبب وجود العلامة اللى شبه العيون دى معناها ايه؟!
الجريمة التالتة... جريمة قتل موظفة فى البنك... عمرها حوالى ٣٠ سنة لاقوها مقتولة فى شقتها عن طريق الشنق ولقوا آثار ابرة سامة على رقبتها.... يعنى برضه اتقتلت قبل ما تتعلق وتتشنق؟؟؟
الجريمة الرابعة... حادث مقتل متعمد لاسرة مكونة من ٣ افراد... اب وام وابنهم... اكتشفوا السيارة وهى واقعة من جسر ارتفاعه حوالى ٢٥٠ متر تقريبا فى المياه وبرضه نفس العلامة الحمراء؟؟؟؟
لكن الاسرة دى كان فيها فرد رابع مكانش موجود معاهم ساعة وقوع الحادثه... " تامى جينيفر دانييل " ابنة " جينيفر دانييل " صاحب مطعم "دانتاميرون " وابنه ١٦ سنه " دانى جينيفر " وزوجته " كاميرون هانس " والبنت الوحيدة اللى فضلت عايشة وعمرها ٢٠ سنه!!
الجريمة الأخيرة حتى الآن هى جريمة قتل السيدة " ميجيل دى تيم " سيدة عمرها ٣٥ سنه وعندها ثروة كبيرة ومجموعة شركات.... دى بقى طريقة قتلها اغرب بكتير من اى جريمة شهدها المحقق... لقوها ميتة فى عشة للدواجن واللى لقوا فيها افعى من نوع غير موجود فى المنطقة دى اصلا... واكتشفوا بعد كده انها ميتة بغاز الميثان السام؟؟؟؟!
أنت تقرأ
القضايا العشر
Science-Fictionمحقق وسيم بياخد قضايا صعبة جدا... لكن هو ذكى جدا ويحلها بسهولة... هيقابل بنت خلال قضية من قضاياه وهتشتغل مساعدة ليه وهتكمل معاه مشواره للآخر وهتبقى جمبه طول الرواية.....
