Man of Her Dreams

Kiss

Chapter Three

"DADDY!"

Biglang nanlamig si Roxanne at parang na-estatwa sa gitna ng silid kung saan siya rumarampa katulad ng mga modelo. Sa sumunod na sandali ay narinig niya ang pagbukas ng pinto at ang marahang yabag na papasok ng silid.

He's home! Oh, gosh. I hope he didn't see me looking like an idiot.

"How's my princess?" Kinarga ni PJ ang anak at pinaghahalikan sa pisngi at leeg.

"It tickles, Daddy."

"I'm sure it does."

Habang sabik na nag-uusap ang mag-ama ay pasimple naman niyang inayos ang sarili at kaswal na naupo sa naroroong couch. Malaki ang silid ni Tatiana. Sa palagay niya ay dalawang silid ang katumbas na laki niyon. At para sa isang bata ay napakalaki ng walk-in closet nito na puno halos ng mga mamahaling damit, accessories at sapatos. Tatalunin nito sa pagka-fashionista ang mga anak ng A-listers sa Hollywood.

Ang kama nito ay four-poster canopied bed. Baby pink and white ang buong color scheme ng silid. May magandang mural design ng fairies na nakasuot ng tutu at sumasayaw sa malaking parte ng dingding. Maraming laruan na iba't iba ang laki. Mayroon pa nga itong Teddy bear na kasinlaki yata nito. Regalo raw ng kanyang Uncle Teagan. Mayroon itong sitting area sa isang panig ng silid na tila maliit na sala. They had a tea party earlier bago ito naglambing sa kanya na gusto raw nitong makakita ng modelong rumarampa sa catwalk. At pinagbigyan naman niya. Hindi niya inaasahang biglang darating si PJ.

"Hi," nakangiting baling sa kanya ng lalaki.

"Uh, h-hi." Pinagalitan niya ang sarili dahil nauutal na naman siya.

"Pinasusundo na kayo ni Mama. Oras na ng hapunan."

Ngumiti siya at tumango. Wala sa loob na napasuklay ang mga daliri sa alun-along buhok atsaka tumayo. Parang ayaw na muna niyang magsalita, pakiramdam niya ay nagbubuhol-buhol ang kanyang mga internal organs. Tapos ang dila niya laging umuurong.

"Let's go downstairs."

Nauna ng maglakad si PJ patungo sa pinto. Buhat-buhat pa rin nito ang anak. Sumunod na siya sa mga ito.

"Lady first," ani PJ nang buksan ang pinto.

"Thank you," she sighed in relief. 

Ngunit pagdaan niya sa tabi nito ay hindi sinasadyang nagdaiti ang kanilang mga braso. Muntik na siyang mapapitlag sa gulat sa tila kuryenteng dumaloy sa kanyang balat. Pinilit niyang balewalain iyon at nagkunwaring walang kakaibang nangyari. 

Bumaba sila ng hagdan na tila isang buong pamilya. Isa man iyong pag-iilusyon sa parte niya, lihim siyang kinilig sa napi-picture na larawan nila.

"Wow, the three of you looks wonderful together, like a one happy family."

"Mama, stop," saway ni PJ sa ina. "You'll make our guest feel uncomfortable."

"She's a good sport," irap dito ni Margie dela Costa. "Not like someone I know."

"Have a seat, hija," anang padre de familia na si Paulo. "Huwag mo na silang pansinin. Sigurado akong tulad ko ay gutom ka na."

Maraming pagkain ang nakahain sa hapag. Sa isang ordinaryong pamilya ay maituturing na iyong parang piyesta. Merong putahe para sa vegan, mayroon ding isda at iba't ibang luto ng karne.

"My son loves beef salpicao," ani Margie. "How about you, Roxanne? Ano ang paborito mong pagkain o ulam?"

"Uhm, marami po, Tita. Pero ang matagal ko na talagang nami-missed ay 'yong sinigang sa miso ni Mama."