بعد يومين .....
جميلة قاعدة بتذاكر لقيت مكالمة من نسمة ..
نسمة:ايوة يااجميلة ازيك
جميلة:اى دا نسمة معقولة يابنتى انت لسة ليكى يومين متجوزة !!؟
نسمة : عادى يابنتى انا قولت اطمن عليكى وعايزاكى ف حاجة كمان
جميلة:كتر خير ياحبيبتى...اى بقي عايزانى ف اى !؟
نسمة:كنت اقولك تيجي تقعدى معايا شوية .
جميلة باستغراب:وجوزك فين ..دا انت لسة متجوزة!؟
نسمة :عادى سليم راح الكلية وكدة وبعدين قالى انه هو وراه مشوار وانا قاعدة زهقانة ف قولت انك تيجى تقعدى معايا .
جميلة :طيب ماتروحى تقعدى مع اهلك !
نسمة:مااهو بصراحة يعنى سليم مش بيخلينى اخرج .
جميلة:لى يعنى دول اهلك مش ناس غريبة!.....بس ع العموم ماشي هجيلك ..فين المكان ..
نسمة:عند شارع...........
جميلة بصدمة :انت متاكدة من العنوان دا !!!!
نسمة :اة يابنتى انا ساكنة هنا ..لى فى حاجة ؟!
جميلة:ها ...لا مفيش خالص ..انا هجيلك يلا سلام
قفلت الموبايل وانا مصدومة دا نفس الشارع اللى فيه القصر اللى روحته وقابلت فيه رامز وشالح ..معقولة طب اذاى ..ممكن تكون صدفة!؟انا هروح واقعد معاها وهى كمان وحشتنى جدا
روحت عند نسمة فتحتلى الباب واستقبلتنى وقاعدنا نحكى مع بعض شوية وسرقنا الوقت لحد ما جه سليم
نسمة راحت فتحتله ودخل
سليم:ازيك يااجميلة
جميلة: الحمدلله يادكتور وحضرتك عامل اى ؟
سليم :انا تمام
جميلة:طيب استأذن انا بقي علشان معملكوش ازعاج .
نسمة :لا طبعا انت تفضلى معانا وتتغدى مش هتمشي
سليم:ايوة نسمة معاها حق مش معقولة تمشي دالوقتى.
جميلة: لا معلش علشان متأخرش عليهم ف البيت
نسمة : برضوا كدة هتزعلى صحبتك ..
وبعد اصرار كبير منهم اضطريت اقعد واكل معاهم
احنا وبناكل ....
سليم :قوليلى يااجميلة اشمعنا قسم علم نفس اللى حبيتى تدخليه .
جميلة : علشان من خلاله هقدر افهم اللى حوليا وانا بحبه من الاول علشان كدة دخلته .
سليم :اة طب كويس واى رايك ف الناس اللى بتقتنع بالجن والعوالم السفلى والحاجات دى
جميلة استغربت السوال دا جدا بس قالتله:انها مش مقتنعة انهم موجودين وكل حاجة بتخص العوالم السفلى مجرد هراء وكلام ملهوش اى صحة .
سليم :اممم بس دا ماايمنعش انهم موجودين برضوا ولا اى ؟؟
نسمة :ايوة فعلا هما موجودين فعلا هحكيلكم حاجة حصلت معايا
فلاش باك ....
نسمة :كنت ف الحمام وباخد شاور والنور قطع فجاءة لقيت انفاس جاية ف وشي وحسيت حاجات بتلمس جسمى انا قاعدت اصرخ .. والحاجات دى بتزيد دوستها ع جسمى لدرجة انى حسيت انى جسمى كله نزل دم ..النور جه وفعلا لقيت علامات ع جسمى زرقة .بس مفيش حد موجود خرجت بسرعة من الحمام وانا مرعوبة والعلامات دى فضلت يوم واختفت
نهاية فلاش باك
نسمة :من وقتها وانا بحس انهم موجودين فعلا
سليم :اة فعلا هما موجودين.
جميلة:بس حضرتك مهتم لى باالحاجات دى اوى .
سليم :لا عادى مش مهتم ولا حاجة
جميلة:اة طب الوقت اتاخر دالوقتى وانا لازم امشي .
سليم :استنى هوصلك احسن لان الدنيا ضلمت دالوقتى ومفيش امان
نسمة :اة معاه حق خليه يوصلك
جميلة:ذي ماتحبوا ماشي
بعد منزلنا ركبت العربية مع سليم وطول الطريق هو سرحان وكانه بيفكر ف حاجة وصلنا البيت ونزلنى ومشي من غير ماايتكلم خالص
نزلت وروحت البيت وذي اى اسرة بتقعد تحكى
كنت قاعدة انا وأمير فجاءة سالته :امير هو انت بتعتقد ان فى حاجة اسمها عوالم سفلى والكلام دا
امير:اامم بصي ياجميلة الحاجات دى موجودة ومحدش يقدر ينكر هحكيلك حاجة حصلت معايا ف المانيا
جميلة:ماشي احكى
فلاش بااك
كان ليا صديق معايا ف نفس الاوضة هو كان مصرى كنا صحاب جدا وهو بيدرس معايا بس كان تعامله معايا كويس جدا بس هو كان يعنى بعد الساعة ١٢ باليل بيعمل حاجات غريبة وبيقول كلام مش مفهوم اللى هى الحاجات اللى بيسموها السحر والشعوزة وكان كل يوم بيعمل الحاجات دى
ف جه يوم وسالته قولتله هو انت بتعمل اى باليل
كريم صاحب امير:مش بعمل حاجة انت اللى بيتهيألك حاجات
امير:اة ممكن برضوا
انا قولت اكبر دماغى واسيبه يعمل اللى عايزاه بس بعد كدة خليت تعاملى معاه ليه حدود مش ذي الاول يعنى
وف مرة كنا نازلين عملى ف المشرحة كل واحد كان ف اوضة ومعاه جثة انا خلصت اللى. بعمله وروحت علشان اشوفه لو خلص علشان نمشي ..
بس اللى. حصل ان لقيت الباب مفتوح ووقفت ع الباب وانا ومصدوم الجثة اللى المفروض يشتغل عليها كانت واقفة وكريم كان بيتكلم معاها وكانوا بيقولوا كلام مش مفهوم والدخان طالع من كل حتة والجثة كان شكلها مرعب وعنيها كانت عاملة ذي الدم وكريم برضوا كان ذيها انا من بعد ماا شوفت دا جريت وروحت اوضتى وانا ومرعوب ومقدرتش اقعد معاه ف نفس الاوضة وروحت عند واحد زميلى قاعدت معاه وبعدين طلبت ان اتنقل من الاوضة اللى انا فيها وفعلا اتنقلت وف مرة قابلنى كريم وقالى انت سيبت الاوضة لى بس انا قولتله مكنتش مرتاح ف القاعدة فيها طبعا كريم مصدقنيش خلاص وشكله كان عارف انى شوفته يوم مااهو كان ف المشرحة بس سابنى ومشي ومتكلمش خالص ومن وقتها وانا بتجنب انى اشوفه وهو كمان مكنش مهتم عادى ..
نهاية فلاش بااك
جميلة مصدومة؛ معقولة الكلام دا حصل حقيقي
امير:شوفتى ياستى فانا بقولك اهو العوالم السفلى دى حاجة من الواقع وفى قصص كتير حصلت معايا كمان غير دى
جميلة:احكيلى تانى ياامير. قصص
امير:لا الوقت اتأخر دالوقتى وانا عندى مستشفى ف الصبح والايام كتيرة ابقي احكيلك بقي
يلا تصبحي على خير
جميلة:وانت بخير
دخلت انام وصحيت الصبح وروحت الكلية .
وبعدين ف الكلية حصل ........
عايزة تشجيع علشان اكمل بقي ..الاحداث الجاية مولعة نار🔥
