ف. البيت عند جميلة وامير
امير ب ود:جميلة انا معاكى ف كل خطوة لغاية مااتخلصى كل حاجة ...... دالوقتى كلمى نسمة علشان نتفق معاها
جميلة:اهو برن عليها
نسمة : ايوة يااجميلة انا مش عارفة اقولك اى ومحرجة جدا. بس صدقينى كل اللى عملته دا كان غصب عنى
جميلة:بصي ياانسمة سيبك من دا كله دالوقتى انا محتاجة مساعدتك ..بس هو رامز موجود ؟؟؟
نسمة باستغراب:مساعدتى ف اى ...لا رامز مش موجود دالوقتى هو اغلب الوقت مش بيبقي ف البيت اصلا
جميلة:بصي بقي ..حكتلها كل حاجة قالها راشد ......
انت هتقدرى تساعدينى صح !!
نسمة:ايوة طبعا لو هقدر اساعدك هساعدك لانى عايزة اخلص منه لانى زهقت بس هو مهددنى بأهلى ..بس المطلوب منى اعمل اى؟!
جميلة:كويس اوى كدة هكلمك بكرة لما نكون عند راشد. بس اهم حاجة رامز ميبقاش موجود وميعرفش باللى احنا نعمله
نسمة: خلاص اتفقنا
تانى يوم ....
عند راشد...
راشد: ها عملتوا اى؟؟!
جميلة :ذي ماقولتلنا بالظبط عملنا
راشد: كويس خالص ..كلمى نسمة بقي واتاكدى منها ان رامز مش موجود
جميلة: تمام هكلمها ...
نسمة:ايوة يااجميلة
جميلة:رامز موجود؟؟!
نسمة:لا لسة طالع حالا
راشد :افتحى الاسبيكر ياجميلة
بصي ياانسمة ركزى معايا. ...رامز بيقعد ف مكان عندك كتير مثلا ومبيطلعش منه وبيخليكى متدخليش جوة؟؟!
نسمة بتفكير: اة انا افتكر انه ......
فلاش باك
فى اوضة بيقفلها دايما ومش بيخلينى اروح ناحيتها وبيحذرنى دايما منها وبيبقفلها بالمفتاح كمان
وف مرة كنا الساعة ٢ باليل
كنت قايمة اشرب مياة وعديت من جنب الاوضة دى
بس شوفت حاجة غريبة جدا
كان فى اصوات طالعة من الاوضة قربت اكتر علشان اسمع .. سمعت صوت رامز بس مش لوحده كان بيتكلم مع حد تانى
بصيت من الحتة اللى بيبقي فيها بالمفتاح لقيت رامز قاعد وكان فى واحد معاه شكله مرعب جدا. كان ضخم شعره طويل واسود جبهته بارزة ل برا عنيه مفيهاش النن ولونها ابيض بشرته فحم بوقه كان كبير وبينزل دم
كنت مرعوبة جدا لما شوفته
لقيت رامز طلع ..بس كان شكله مش بيوحى انه رامز خالص عنيه كانت حمرا ذي الدم وشه مصفر وكان باين عليه الارهاق الشديد
رامز بعصبية :انت كنت بتعملى اى هنا
نسمة بخوف: اااا نا انا. كنت قاا قايمة عل علشان اشرب ..
رامز بصوت عالى : انا قولتلك متجيش ناحية الاوضة دى. ...ونتيجة لكدا مش هقدر امنعه عنك ..هتتعذبي
نسمة بخوف وبكاء: لا ياارامز انا اسفة مكنش قصدى. سامحنى. ..
رامز ببرود : دى نتيجة افعالك..وانا مش هقدر اعمل حاجة
اليوم دا كان ذي الجحيم بالنسبالى
دخلت الاوضة علشان انام ..وقبل مانام
حصل ......
الاوضة اتحولت للون الاحمر وظهرتلى كائنات ف حدود ١٠ كدة كانوا شبه القطط بس باحجام اكبر. ولونهم اسود... عنيهم كانت حمرا كانوا حوالين السرير بتاعى ومبحلقين عليا ...هجموا عليا وانا مش قادرة امنعهم. ولا قادرة اتحرك كان فى حد ماسكنى جامد حتى صوتى مكنش راضي يطلع فضلوا يقطعوا ف وشي وجسمى وانا اغمى عليا
مصحتش غير تانى يوم وقولت ممكن يكون حلم
بس مكنش حلم ..دا كان حقيقة
حاسة بألم ف جسمى ودم كتير ع هدوم والسرير
قومت بصيت ف المرايا لقيت خرابيش كتيرة ف جسمى كله ومعلمة ولونها ازرق جريت اشوف رامز بسرعة.
رامز بصلى بلامبالاة
وكانه دى حاجة عادية وهو متوقعها
نسمة ببكاء:انت كنت عارف ان دا هيحصلى ..مجتش لى ومنعتهم عنى حرام عليك
رامز ببرود :دى قرصة ودن صغيرة علشان متفكريش تعملى كدة تانى
ومن وقتها انا بعيدة عن الاوضة دى خالص ومش بحاول افكر اقرب منها
راشد بفرحة : اكيد الكتاب اللى انا عايزه جوة الاوضة دى...اللى انت شوفتيه دا وكان قاعد مع رامز .دا يبقي فاران
مفيش غير انك تدخلى الاوضة دى وتجيبي الكتاب من هناك
نسمة : مستحيل ادخلها هو بيبقي معاه المفتاح ومعرفش حاطه فين وهو حذرنى انى مدخلهاش وكتاب اى دا اللى هلاقيه
راشد : الكتاب دا هو الوحيد اللى هقدر منه ان اخلى سلطة فاران تمشي من عند رامز ..فى طلاسم موجودة ف الكتاب هى اللى تقدر تبعد. فاران.
انت حاولى ترقبيه اليومين دول وشوفيه بيشيل المفتاح فين وادخلى الاوضة هو ومش موجود وهاتى الكتاب ..متخفيش مفيش حاجة هتحصلك انت وجوة بس رامز هيحس فانت هتاخديه وتطلعى بسرعة لان فاران هيبلغ رامز باللى حصل ......
البارت الجاى هنشوف نسمة هتوافق ولا لا ...واى اللى هيحصل؟؟🔥
