بعد يومين
جميلة بحيرة:وبعدين ياامير هنعمل اى انا حاسة خلاص ان نهايتى هتكون ذي نسمة !؟
أمير :مش عارف. يااجميلة هتجنن ..راشد اللى كان هيساعدنا مش عارف اوصله خالص وروحتله البيت مش موجود والبيت مقفول. هو كان الامل الوحيد اللى ممكن يساعدنا ..
جميلة بصدمة:يعنى اى حتى راشد مش موجود ..دا ممكن يكون رامز المجنون عمله حاجة علشان هو قالى انه هيعاقب راشد علشان ساعدنا ..احنا لازم نتصرف ياأمير
أمير بقلة حيلة :طيب هنعمل اى ..انا دماغى هتنفجر ...!
جميلة بتفكير:طيب يأابيه احنا ممكن نروح شقة رامز ونجيب الكتاب .. انا عارفة المواعيد اللى بيروح فيها رامز الكلية ف احنا هنروح ف الوقت دا. وهو يكون مش موجود !
امير باستغراب:طيب يااجميلة افرضنا جبنا الكتاب هنعمل بيه اى...وراشد موضحش هو كان عايزه ف اى !!!يعنى هو اللى يعرف بس يستخدم الكتاب!
جميلة: ماهو مفيش حل غير دا ..إحنا نجيبه وممكن نعرف نعمل اى حاجة..!!
أمير:خلاص بكرة متروحيش الكلية ونروح بدرى ونجيبه
جميلة: خلاص اتفقنا
(ملحوظة: جميلة كانت بتروح كليتها كل يوم ومبطلتش ..كل الاحداث اللى كانت بتحصل معاها كانت بتبقي بعد كليتها يعنى هى ملتزمة بكليتها وبمذاكرتها وأمير كان بياخد إجازة صغيرة من المستشفي لما جميلة بتحتاجه. وبيرجع المستشفي تانى)
تانى يوم ....
امير اعتذر من جميلة وقالها انه طالبينه ف المستشفي ضرورى ولازم يروح .
امير:نبقي نروح بكرا يااجميلة
جميلة: لا انا مش عايزة اتاخر عن كدة والنهاردا انسب يوم لانه فى محاضرات كتير ف الكلية يعنى رامز هيتأخر
مفيش مشكلة هروح انا واجيبه واجى بسرعة
امير بخوف عليها: جميلة انا خايف احسن مااتحصلك حاجة ...ابقي كلمينى لو فى حاجة حصلتلك وانا هجيلك بسرعة
جميلة:متخفشي ياابيه ان شاالله مفيش حاجة تحصل
جميلة بعد مااراحت هناك علشان تجيب الكتاب لقيت الغرف كلها مفتوحة مااعدا غرفة واحدة. فضلت تدور على المفتاح كتير جدا لغاية مالقيته ..كان تحت هدوم رامز ف الدولاب
قربت علشان تفتح الباب
كانت الاوضة واسعة جدا وديكورها مختلف عن باقي الشقة كانت كلها لونها إسود وموجودة حاجات من اللى بيستخدموها السحراء ..جماجم ناس وهياكل عظمية ..
مركزتش جدا ف الحاجات الموجودة كان كل هدفى إنى الاقي الكتاب
لقيت حاجة ذي المكتبة كدة بس مليانة كتب كتيرة معرفتش انهى كتاب المفروض اخده بس اللى لافت انتباهى ان كان فى كتاب ف ركن لوحده ومختلف عن الكتب التانية كان حجمه كبير شوية ولونها دهبي والتراب مغطى عليه روحت علشان اجيبه
كأن الارض اتفتحت وبلعتنى
انا مستغربتش لانى عارفة المكان دا كويس لانى نزلته مرتين ونفس المنظر يتكرر لتالت مرة
