بعد يومين وانا ف الكلية وخلصت محاضرتى وخلاص ماشية دكتور سليم وقفنى...
سليم: جميلة تعالى معايا نسمة تعبانة اوى ومحتاجلك
انا لما سمعته بيقول كدة اتخضيت ومن غير تفكير قولتله طيب يلا بسرعة بعد ماركبت معاه ووصلنا عند العمارة اللى ساكن فيها نزلنى وقالى رايح يجيب لنسمة اى مسكن من الصيدلية
سبنى ومشي..
وبعد كدة ركبت علشان اشوف نسمة لقيت باب الشقة مفتوح ..دخلت والباب اتقفل فجاءة
كنت مرعوبة والشقة كانت ضلمة حولت انور اى حاجة معرفتش. جبت تليفونى وشغلت الكشاف و فضلت انده على نسمة سمعت صوت .حد بينده ف قولت اكيد دى نسمة فضلت ماشية ورا الصوت لحد ماالقيت نفسي ف الحمام والباب اتقفل عليا فضلت اخبط وازعق ومفيش حاجة مسكت الكشاف وفضلت انور قولت ممكن الاقي حاجة افتح بيها الباب بس اللى حصل ان لما النور جه ع المرايا شوفت حاجة ورايا مخيفة كان كائن طالع منه دخان وضخم ولونه اسود وبيبصلى جامد حولت افتكر شوفته فين؟؟!طلع نفس الكائن اللى شوفته ف الصورة اللى كانت ع الموقع وكان مكتوب تحتيها ملك الموت حرفيا رجليا مكنتش شايلانى والكائن دا كان ف عنيه نظرة خبيثة فضلت اقوله انت عايز منى اى ..وهو مبيردش بس كان بيقرب عليا جامد مقدرتش استحمل اكتر من كدة واغمى عليا ...
فتحت عينى لقيت نفسي مش فى بيتنا دى كانت. شقة نسمة لقيت سليم واقف ونسمة قاعدة جنبي .
جميلة:هو فيه اى ..ايه اللى حصل؟!
سليم :انا دخلت الشقة لقيتك مغمى عليكى ف الحمام ف جبتك وحطيتك ع السرير
جميلة:ونسمة كانت فين انا دخلت وملقيتهاش وفضلت انده عليكىها ومردتش عليا..!
نسمة:انا كنت تعبانة كان عندى دور برد ونايمة ع السرير ومعرفتش اتحرك وباب الاوضة كان مقفول وانت اكيد مسمعتنيش والمشكلة النور كان قاطع ف مكنتش شايفة حاجة..
جميلة:باب الشقة كان مفتوح لى ؟!
نسمة :انا كنت طالبة شوية حاجات من البواب وهو دخلهم وشكله نسي يقفل الباب
سليم:هو انت اى اللى حصلك ..واغمى عليكى لى ؟؟!
جميلة مش عايزة تقولهم ع اللى حصل :انا بخاف من الضلمة ف اغمى عليا ..
طيب همشي انا بقي واسيبكم المهم انى اطمنت على نسمة .
نسمة :طيب استنى شوية تفوقى وبعدين ابقي امشي.
جميلة:لا معلش الوقت اتاخر دالوقتى وانا لازم امشي..
سليم: طيب استنى هوصلك علشان مش هتقدرى تمشي
جميلة بسرعة:لا مفيش داعى ومش معقولة هتسيب مراتك لوحدها وهى تعبانة ..
بس انا عندى سوال انت عارف ان نسمة كانت تعبانة جيت الكلية لى؟؟
سليم:انا معرفتش غير ف اخر محاضرة هى رنيت عليا وقالتلى وكمان قالتلى هات نسمة معاك علشان كدة قولتلك .
جميلة:اة فهمت طيب هستاذن انا بقي..
مشيت وطول الطريق بفكر وحيرانة وبدور ع اى تفسير للى حصل ملقتش فكرت انى ممكن يكون لبسنى جن...اى التخاريف اللى بقولها دى هما اصلا مش موجودين ولبسنى جن اذاى يعنى وانا كويسة ...اهو طب وبعدين هعمل اى انا هفضل ف الرعب دا كتير ..يارب دبرها من عندك
بعد دوامة من التفكير لقيت نفسي ف البيت..
سميرة:اتاخرتى كله دا لى ياجميلة؟!
جميلة:انا اسفة ياماما بس نسمة كانت تعبانة وروحتلها البيت ونسيت اقولك.
سميرة: طيب يابنتى انا رنيت عليكى كتير كنتى فتحتى وطمنتينى عليكى انا كلمت امير وخليته يسيب المستشفي ويروحلك الكلية يشوفك بس بعد ما اسال عليكى قالوا انك مشيتى.
جميلة:معلش ياماما الفون كان سايلنت ومخدتش بالى وعموما انا دالوقتى قدامك اهو وبخير.
سميرة :طيب يابنتى يلا علشان تاكلى معانا
جميلة:لا يماما انا مش جعانة انا عايزة انام بس
سميرة:طيب يابنتى براحتك
دخلت اوضتى وانا محتارة اعمل اى لحد مااجاتلى فكرة مسكت اللاب بتاعى وفتحت النت وبحثت عن..........!
عايزة تفاعل بقي ع الرواية
واعملولى فولو علشان تشوفه الجديد
الاحداث الجاية هتبقي حاجة مش هتتوقعوها خالص💀🔥
