سَجين هواها

الفصل الثالث عشر (الجزء الثاني )

الفصل يا قمرات ❤️متهخيبوش ظني والتفاعل يكون حلو زي الفصل اللي فات ❤️

البنات اللي هتقول قصير شوية هو فعلا كدة بس علشان ده اصلا الجزء الثاني ❤️

علقوا علي الفقرات وقراءة ممتعة ❤️😍
......................................................................

نظر الي الواقفة امامه بفستانها البسيط يتأملها من اول حذائها المرتفع قليلا الي طرحتها ووجهها الخالي من اي مستحضرات تجميل سوى ملمع شفاه انيق

اقترب منها ببطء وحذائه الرجولي يطرق الارض مع ضربات قلبها
التقطت عينيه اللامعة مع عينيها الخجولة وهو يقول

-ايه ده!؟

نظرت بتوتر

-ايه وحش ...صح !؟ انا قولت انه مش لايق عليا هو حلو جدا وانا وح...

قاطعها بصوت متحشرج نابع من صميم قلبه

-كمون ...

نظرت الي عينيه ليقترب يقبل جبينها بحنو بالغ وانفاس مختلطة بمشاعر عديدة

-زي الكمون في حلاوته ...وروحك لاذعة زيه
لاذعة حلوة جدآ

لم تفهم هل هو يمدحها ام ماذا لكن قبلته الدافئة جعلت قلبها يخفق بشدة ابتعد يبتسم بخفوت وهو يمسك يدها ويذهبا الي زفاف صديقه ...
......................................................................

دخل الي منزلها وهو لم يرتدي حلته بعد لتقول والدتها بخنق

-ايه اللي جاب سيادتك انت مش عارف ان العروسة بتلبس !!!

لم ينظر لها من الاساس بل تعداها بهدوء وهو يذهب الي غرفة حبيبته ويطرق الباب وهو يقول

-انا "قاصي " يا روحي

فتحت له الباب بشعر مبتل ومن الواضح انها كانت تغتسل لتقول بمرح مدلل

-انت رجعت في كلامك ولا ايه لا يا حبيبي استر عليا يسترك ربنا !؟

انفجر ضاحكآ وسط دهشة والدتها التي تقسم انه منفصم يعاملها بجفاء ومع ابنتها يتحول لطفل مرحب للعبته المحببة

-لا انا مقدرش ارجع في حلمي ...حلم سنين

ابتسمت بخجل قبل ان يدخل الغرفة ويلقى نظرة الي والدتها ويبتسم بسماجة واستفزاز

-معلش ياحماتي دقايق بس ...

ثم اغلقه بعنف في وجهها لتقول بشهقة وهي تضع يدها علي صدرها

-شوف الوااااد وقلة ادبه!!!
********
كانت جالسة علي كرسي صغير وهو ينظر الي الفستان الموضوع علي السرير وبجانبه اشيائه ليقول بعتاب

-كان لازم تصممي ان مجبش ميكاب ارتست او حتى حد لشعرك مش فاهم عنادك ده ليه!!

-يا حبيبي انا عايزة ابان طبيعية جدا النهاردة "عليا" وبس مش عروسة المولود