لارا،،طلعنه اني وفاطمه مفزوعين
الصوت جاي من غرفة غزل فاطمه دخلت واني واكفه بالباب اباوع الراهب شال ايهم خشمه بي دم
عمتي لطمت علئ وجها وغزل تبجي بهستيريا اتريد اتجرة من ايد راهب دفعها واخذة منها حل گماطه والحضينه مالته الطفل عبالك متخشب
رفع ثوبه وصار يسويله تنفس ويضغط علئ صدرة وكل شويه ينفخ بحلگه
غزل عيونها جاحضه علئ ابنها من شافت مابي استجابه بيد راهب ماانحس غير لطمت علئ وجها بثنين اديها
راهب اخذة شايله يركض بي واكماطه يسحل بالگاع
الحجيه عباتها بيدها صعدت وياه حطت الطفل بحضنها
بمجرد ماصعدت شخط السيارة
رجعنه الغزل الجانت فاقدة تلطم علئ وجها بثنين اديها ملخت روحها اتصيح
غزل، ،انيييي كتلته اااني موتت ابني بيدددي
فاطمه. ركضت لزمتها انريد نفهم الطفل اشبي
غزل،،والله رض رضعته و وحطيته بكاروكه
مااذكر. اشلون ج جبته ورضعته واني نايمه
ولجن گعدت اريد ارضعه لگيتته جواااااي خانگته ماادري بي
لارا،،جسمي ارتعد نايمه علئ ابنها ماتدري بروحها مخليه صدرها بحلگة وغافيه ماخذتها النومه ومگلوبه فوگه بحيث ساعتين هو جواها ماتدري بي لمن نزف خشمه
بقت تفتر واحنه وياها نبجي كل شويه واتصلت براهب مايجاوب وهي منهارة اني ماعندي غير دموعي ودعائي ادعي الله يرجعه لحضن امه كون يطلع كلشي مابي مهما يكون هو طفل بريء ماله شغل بعمايل امه
ورة ساعه اتصل راهب جاوبته ملهوفه الابتسامه شاكة حلگها كل ضنها تسمع خبر يفرحها
تالي ذبت الموبايل بحضنها وعاطت بصوت دوة بالمنطقه
غزل،، يبوووووووو
ماااات ولجن ااابني ماااات
كتلته كتلته كتلللللته
لارا،،فاطمه لازمتها وهي تمعش براسها واتكوم الشعر بحضنها
الناس فزعت علئ صوت العياط الجيران كل واحد صعد سيارته ولحگ راهب للمستشفئ ونسوانهم ضلن يهدن بغزل الكتلت روحها
للساعه 6الصبح ياالله رجعو انفتح الباب ودخل راهب ظهرة محني وعيونه دم والحجيه تسحل بروحها وراه لازمتها ام قاسم عبايتها كلها اتراب
گمزت غزل ركضت علئ راهب شمرت روحها جوة رجلي منظرها كسر خاطري
غزل،،وووينه رااهب ابني ويين وديته ?
راهب،،دفننننته واجيت
لارا،،نامت غزل نيوم بالگاع تتگلب مثل الطير المذبوح
تلطم واتصيح صدري يدر ولللك يمممه
الحجيه،،ايهممم اليوم خطار يمك يضياااااء
لارا،،كزبر جلدي كلها ضجت تبجي نسوان وزلم اكثر الناس ماتدري راهب متزوج وعندة طفل عبالهم بس اني كلها مصدومة بزواجة
للساعه 8راحت العالم وبقينه بس احنه وام قاسم وسارة
غزل ماگعدت تلطخ راسها بالحيطان فاقدة فد مرة وتهذي بحجي مامفهوم
أنت تقرأ
راهب ابو غضب
ChickLit( قاسي لايعرف الرحمة) لولا انك لم تكسر شيئاً ما بداخلي لولا إنك لم تضيعني بين طرقاتي لولاقسوتك علي انانيتك واحتجازي لما مات الشعور داخلي
