راهب ابو غضب

تفاااااعل

يسعد مساكم غوالي
طبعا اكو كم شخص يگولون قصص علي خياليه
يابه الله شاهد مايوم كتبت قصه خياليه

صاحبة الرواية ادزها الي ويادوب اعدل بيها كم مشهد لسهولة السرد ولزيادة جماليه القصه لااكثر ولااقل والكل يعرف مااحب الجذب المسفط يعني الروايات الخياليه

ويمكن اني الكاتب الوحيد الي من يريد يكتب رواية مايعتمد فقط علئ الكلام اذا مااشوف بعيني مااصدگ

من حجت وياي هند بخصوص رواية جبروت الشيخ هذال اخذت منها كامل معلومات القصه
ومن گالت ابو هذال وعمامه ماتو بيوم عرسهم اهنا ماصدگت وطلبت منها عنوان بيتهم لان گالت احنه شيوخ ومعروفين

من صارت زيارة الاربعينيه مال الامام الحسين عليه السلام ورحت مشايه
اتعمدت اضيف. بمضيف شيخ مگصد
وفعلا. اتفاجئت من شفت عشر بيوت من نفس نوع وتصميم الخريطه

ومو بس اني حاضر اهواي زوار گاعدين بوقتها وكان عدنه فضول سوينه السالفه بالشقه ويه الشيخ

بس من سرد علينه احداث موت اولادة الخمسه اهنا صدگت بكلام هند وبديت بنشر الرواية

اما بخصوص ابو درع والقاصر ف الاحداث قريبه علينه واعرفها كلش زين وهم بيها بعض الاضافات

قصة زهور اذبلها جنس ادم القصه الوحيدة الي اعتمدت بيها علئ كلام صاحبتها

وبيها اهواي اضافات لان جانت الاحداث ماكامله
واضطريت اختمها بعشر بارتات

بعد فترة دخلتلي صاحبتها خاص وگالت انخطبت ل نقيب محمد ماجاوبتها بوقتها لان انختمت الرواية

بعد فترة كلش قصيرة دخلتلي كالت اتزوجت وبعد كم يوم لگيت رسائل من حساب مكتوب علي ابو شبل گال اني زوج زهور واريدك تكمل روايتها

ماصدكت بكلامه تعرفون ليش?
لان ماكو شخص وخاصتا الرجل الشرقي يقبل زوجته تنشر قصة حياتها ومحاولة اعتداء الضابط حسام عليها ماكو رجال يقبلها علئ نفسه
وثاني شي هو نقيب يعني عندة دوام والتزامات وماعندة وقت للروايات والقصص

بعد خمس ايام دخلي خاص مرة ثانيه وگال زهور ماتت
وهو اصلا ماذكر سالفه حملها گال اتزوجنه قبل فترة
واني شخص يصعب عليه اصدگ الكلام بسرعه
واذا عندة دليل علئ موتها ويهمه المتابعين مابيها اشكال اذا نشر شهادة الوفاة مالتها وهي اصلا اسمها الحقيقي موجود بالروايه

والعلم عند الله بعد ماادري

علئ كوله امي اتگول انته وني يعني غثيث ماتخش السالفه بعقلك بسرعه اضل اتحقق منها

زين نفرض انگول ماتت
اشلون انته تحبها سنتين ونص ومرتك وابنك يموتون وانته حاير بنشر الروايه ?
خمس ايام علئ وفاتها وانته اتريد جزء ثاني
وين راح حبكم ?

بعد فترة يمكن او مويمكن اني متاكد غير اسمه وصار ينشر روايات
لذالك قصه زهور الرواية الوحيدة الي ندمت عليها

اما بخصوص راهب ابو غضب اخذت المعلومات كامله من صاحبة الرواية واخذت حساب زوجها الي هو حاليه رائد

وستفسرت ودققت بااصغر التفاصيل وهم شلعت گلبها من كثرة الاساله ياالله بديت انشر

بس اني موكاتب مثل مايگولون مضبوط يعني جديد بالساحه وصارلي تقريبا سنه من دخلت للوات
يعني بعدني ماضابط السالفه ضبطة الاعگال

طلبت منها صورة الها ولراهب طبعا دزتهن بعد فترة وحلفتني احذفهن وفعلا حذفتهن لان اعراض عالم والموبايل معرض للسرقه مااريد اتحمل ذنبها

بس جاي ادور علئ شبيها الها مالگيت
بس البطل صورته لگيته اليشبها

ومن شفت صورة البطله الحجي بيناتنه شبعت النقيب مسبه 😂😂😂
لو عندي بنت عم تشبها لو ابوها كاتل ابوي هم اسامحها فدوة الها انه والعشيرة شلع قلع 😂😂😂⭐⭐⭐
اليحب رواياتي اهلا وسهلا واحطه علئ راسي
بس مال يكتب عني بغير روايات وايگول قصص علي خياليه يابه ترة مامجبور اتابعني
اني حلم احلمه بليل اصبح الصبح مااذكرة الله وكيلكم 😂😂😂😂😂
انوب تردون اكتب قصص خياليه

ترة عادي قصصي من رحم الواقع ولتنسون احنه بالعراق العضيم كل شي بي مباح
اكو رواية عندي بعدني ماكاتبها غير لعنة حب بس منتضر صاحبتها تكملها
الله شاهد اذا قريتوها تستغربون كمية الاذيه والضلم البيها

عن قريب احذف لعنة حب لان صاحبتها خايفه ومترددة واني مااريد اسبب مشاكل لذالك راح احذفها وانشر اعلان الرواية الثانيه

بيناتنه العباس. الروايات حقيقيه بس انتو ماتصدكون 😂😂😂⭐

وشغله ثانيه يشهد الله ورسوله وغلاة امي نضر عيني احبكم بگد رحمة الله

لاشايفكم ولااعرفكم ولاشايفيني وتعرفوني بس احسكم عائلتي الثانيه

وبيوم الماانشر اضل احوص 😂😜😜😜

المهم هذا كلامي تصدگون بكيفكم وماتصدكون بقت يمكم هاي

المهم عندي اليتابعوني ذهب صافي مشجعين اريال مدريد مومثلكم 😂😂

هاي اشبيها الوادم ?مضغووووطين

وبعد?مثلحجية

بصوت ابن اخوي الماعندة اسنون يلفض ال ص ث
😂⭐

اما بخصوص البارت اذا كملته بليل انشرة تاخذونه من عيوني يابعد گلبي ودرابينه 😜😘😘