راهب ابو غضب

تعالو نضحج 😂

تعالو انضحج 😂😂😂
يسعد مساكم يابعد گلبي ودرابينه 😜

بويه مشتاگلكم يابعد الضلع الماينشلع

اشلونكم بعد شيبي ?

انشالله كواكيين ? المايعرف شنو كواك معناتها زين

تعالو اسولفلكم علئ بطولاتي ايام غبل من چنه زعاطيط 😂😂😂😂

عدنه استقبال داخل البيت بي اثنين بيبان باب للخارج وباب للداخل

يعني اذا اتريد تنهزم من واحد يركض وراك مايكضك لو يجي الحمزة 😂😂😂

اتضل تطلع من باب تدخل من باب 😂😂

مرة جفصت بمصران اخوي عود احنه اكبار يمكن ثالث متوسط

يريد يلزمني مايكدر ضال افتر داير ماداير الاستقبال

تالي ختلت وره الباب منتضر يجي حتئ اخرعه
صادف دنيه المغرب
بقيت خاتل شفت يدة الباب انفتحت راسا عطت بوجها
واهنا جانت الصدمه من شفته ابوي گاعد بالگاع لازم گلبه مخترع مني 😂😂😂😂

مااحجيلكم الصار راح اترك السالفه المخيلتكم
بس اتخيلو العگال يلعب علئ ضهري يبسني تيبس ابن الاوادم 😂😂😂
گلبه رهيف مايتحمل 😂

ومرة منهن جنت اكره المدرسه يوميه شارد عبالك بزمان البعث وافراري من العسكريه
ولااتگول مدرسه

من ارجع للبيت ابوي يسألني ها بويه بشر اشلونك بالمدرسه
اجاوبه زين يابه ومعدلي عالي مااتنازل عن الميه

تالي حضي الفگر صادف اكو فاتحه والمدير موجود بيها
واهناك عاتب ابوي گاله ابنك خل يشرفنه للمدرسه مشتاقين الخلقته 😂😂

ابوي گاله بويه ابني شاطر ويوميه يداوم
گاله المدير يابه ابنك نشوفه بس برفعة العلم 😂

وباقي الدروس شارد

المهم وصلني الخبر ابوي سمع بسالفتي
صادف صيف حارة تسمط

رجعت للبيت اركض قبل لايجي الرعد الغاضب 😂😂

اول مالبست ابلوز ابو الرگبه 😂
وبعدها لبست ابلوز ثاني ويمكن فوكهن عشر تيشيرتات
عود ذكي گلت حتئ من انبسط مااحس بالصوندة 😂

للعصر رجع ابوي واني اتگول افسيفس من كثر الملابس الابسهن مختنگ بس اريد يصدر امر عقوبتي حتئ انزعهن

تالي شفته يضحك ومنطلق ماحجئ وياي گلت اكيد نسه السالفه

رحت للغرفه نزعت الملابس كلهن بقيت بس بالبجامه والفالينه
ومااحس غير انفتح الباب والحجي لازم صوندة

يبووووو ياگاع انشگي وبلعيني

ولااگلكم ولااتگلولي شالني فلقه

ويومين ازحف مااگدر امشي 😂😂😂😂😂

ابونه اب غاسي 😂😂

منو ياخذة وينطينه بمچانه اب ثاني 😂😂⭐⭐⭐