اشلونجن يروحي
والقران مشتاقتلكم كلش عطشانه علئ كلامجن الحلو
اشكر كل وحدة اندعتلي لو مادعائكم مااتماثلت للشفاء
بفضل الله وفضلكم
حاليا بديت استرجع صحتي بس بعدني موكلش
الحمدالله علئ كل حال والمؤمن مبتلئ وهذا بلاء
قبل يومين اخذت مفراز الدكتور طمنه انو الفايروس
باقي بجسمي بنسبه 25بالمئه الحمدالله اتخلصت من النسبه الجبيرة
والله العضيم مامصدكه
البارحه اكلت خبزة الوج بيها مامصدگه لان صار اسبوعين بدون اكل فقط ع اابرتقاله اكلها غصب
وكذالك بديت استنشق الروائح لان قبل ماكنت اشتم شي
حاليا بس النفسيه كلش تعبانه بسبب وفاة عمي الله يرحمه
صعب انسان تعيش عمرك كله وياه تالي فجاه بين يوم وليله تگعد ماتلگاه
صح الموت حق بس الفرگه صعبه
الله لايفجعكم بعزيز بحق هذا مصاب الحسين عليه السلام
راح اترك الكتابه فترة بين ماانفسيتي وصحتي تتحسن
اشكر كل الكاتبات الي نشرن برواياتهن وعلئ منصاتهن
يندعن الي بالشفاء الله يجعلها بميزان حسناتهم وحسناتكم
اكو ناس لحد الان مامصدكه اكو فايروس
مثلنه قبل هم كنه مامصدكين تالي لمن انجوت اگلوبنه بعمي ياالله صدكنه
ف البسو كفوف وكمامات وعقمو يرحم والديكم
امي خطيه اتگلي احجي ويه متابعاتج ادري تحبيهن وراح تتحسن نفسيتج شويه من تحجين وياهن
اي والله العضيم كلش احبكم بحيث واني مريضه اراقبكم بس ماباليد حيله
حبيت اعتذر من الكاتبه زينب ماجد
لان عتبت عليها. بمنشور قبل كم يوم
انتو تدرون الانسان مايعتب بس ع الشخص اليحبه
واني احبها بالله العضيم
ف اليحبني يتابع ام اسد
وحتئ لو متابعها يكتب علئ منصتها من طرفي ك اعتذار مني الها
مامعروف يمكن هذا اخر منشور الي وياكم والباقي كله يم الله
لتنسون احبكم بكد رحمة الله
يعمري انتن
الحمدالله فرحانه لان مااذيت وحدة ولاسمعت وحدة كلمه مو حلوة
ولااتجاوزت علئ احد لذالك اعرف تحبني مثل حبي الجن واكثر
قبل عندي بس اخت وحدة واتمنئ لو عندي اكثر
من اشوف اقاربي كل وحدة عدها سبع اخوات تحز بخاطري
اكول لو اني عندي بعد كم اخت تسال عني
الاخت نعمه بس ثقو بالله ورسوله ربي عوضني بيكم
لان صدك انتن اخواتي الماجابتهن امي
مااعرف شنو اكتب لان هلمنشور صارله اليوم ثالث اكتب بي
يوميه اكتبلي شويه مااگدر
المهم لتنسوني يبعد گلبي ودكاته
لتنسون طلبي بخصوص الكاتبه زينب ادري متقصرون
أنت تقرأ
راهب ابو غضب
ChickLit( قاسي لايعرف الرحمة) لولا انك لم تكسر شيئاً ما بداخلي لولا إنك لم تضيعني بين طرقاتي لولاقسوتك علي انانيتك واحتجازي لما مات الشعور داخلي
