FLOWER BOY / °Vkook°

🍑FIVE🍑

Jungkook pov.....

Heng inneihna tih vel hi engah mah ka ngai ve hrep lo e....

A lo berah ka duh a piang ka la kawp thei reng a lawm. Ka chhungte tih lunghnur ai chuan nei ve mai mai ang hmiang. Ka thriante phei chuan min la nuih san zui... Hrep tak a...!!!

Ka rin loh tak in Yeonjun.... Ah.. Taehyung ala ni zui....

A phurawm phian dawn e.

Zanin a trangin Taehyung nen in kan luah dun tawh dawn a, kan maid te pawn phur tawkin ka thawmhnaw min pack pui.... Phur awm reng pawh an ni.... Zan ka chhuah peih loh changin ka khawih khek pha tawh dawn lo a.... Chu bakah ban tu tur leh vau tu tur an nei tawh dawn lo a nia.... Zanin ah a lawmin an party hial ka ring.

ENDS....

🍑🍑🍑🍑🍑🍑🍑🍑🍑🍑🍑🍑🍑🍑🍑

Taehyung chuan a luggage chu khai in inhnuai lam chu a pan chhat chhat a.

A nu leh pa te chuan an lo en dun reng a.

Taehyung chu lungchhe thar thutin a nu chu a kuah thlawp a. A naupan tet a ta a lo chen na, a nu lah pa te nen a hlim tak a an lo chen tawh na chu, a mi hriatchian loh bul a cheng turin a kalsan dawn ta a ni a. A nu pawh a in hnit ve feih feih a. Mahse tunge sawi buai theih nei chuang? A nu leh pa ten an duh miau si a.

"Bawihte, ka tihpalh a ni, min ngaidam ang che aw.... Chuan I hlim em em ang tih ka ring tlat a ni.... Ka lo tlawh thrin ang che u" tih pahin an inkuahna a ta chu a tal hrang a.

"Kawtah sawn Jungkook an a nghak reng tawh che a nia" Mr Kim chuan a ti sap a, Taehyung chu a rilru a na kher mai.... A chhan chu a pa, a mah duat a hmangaih em em tu khan in thlahrung takin a mit ah tak pawh a en ngam tawh tlat lo.

Chiang takin a hria a ni... A pa chuan trawng vin tak pawn bia se... A lainat ve reng tih chu. Loh theihloh a nih vang zawk a ni. Chu tia a lo be duhlo kual vel te chu a in haw thar kher mai. A nu leh pa te kum chawhnu ve lek lek tawh te chuan duat an mamawh takzet si a.

"Eomma, Appa ka thra lutuk a nia, ka kal a hun tawh" tih pahin Taehyung chu a  nui lui sang a. Pawn lamah chuan an in zui chhuak ta nghal a.

Jungkook chu car ngheng in a awm reng tawh a, confi takin a kekawr ipte a zen trah bawk. Ngeiawm takin a nui sak a....... Aaa.... Hepa nen a han chen dun vel chu Taehyung chuan a van phur lo kher em. Mahse tih theih dang a awm ngang silo. Kawng dang pawh.!!!!

"Hi babe" tih pahin a lo nui sang a,  .

Trawngka a chhang lem lo in a bu nghauh.

Car kawngka chu  hawn sak in Taehyung chu a mit sir zauh a,a in la polite thar vel nge ni? Nge ni a plan dang a nei zawk?

Car ah chuan Taehyung chu a thrulut a, Jungkook  pawh  lut ve nghalin motor chu a khalh nghal.

Minutes 20 vel ngawi reng a an tlan hnu chuan a tawp a tawpah an thleng ve ta hram e.

Nghah pawh nghak loin Taehyung chu a lo chhuak nghal tharh.

An in tur chu a nawm hmel kher mai. Pahnih luah tur chuan a pawn lam a tranga en pawhin a lian mah mah tih a hriat reng.

Nghak buai loin a chhungah a lut nghal daih.

A chhung pawh a mawiin Taehyung duh dan takin a in chei thlap. Mrs Kim thluak a tel ngei a rinawm. A fapa duh zawng hi chu hre tak a ni.

In chunglam ah chho in room pakhat ah chuan a inkalh khum nghal hmak a. Tun a tan chuan mut hahdam vang vang tluk a chak a nei lo.

Eng tin nge a nun chu a hman zel tak ang? College chu Jungkook lalna ram ah a kal tawh dawn a, a pa duh dan in.