نور : ورا شويه خليت الجهاز جوه راسي دانام واجاني اشعار شلته راسا مكتووب ( ماجاي اطلعج من راسي ) ردت اجاوب ونحذفت الرساله ابتسمت ورجعت الجهاز ونمت
(بعد مرور سنه )
فردوس : بده وضعي يتحسن وترجعلي عافيتي وحسيت بنفسي رجعت فردوس القديمه مرت الاشهر وبدينا نداوم هالسنه اني ونور ثالث متوسط نور خطيه كلشش ضايجه عليها اخوانها تفرقو وصارو بعيدين عليها من صدك فرغ البيت علينه اني ونور اشرف مستحيييه منه كلشش مادري شلون جنت اعامله بهيج قسوووه كلبي هسه ناار علي بودي بس اشووفه وارجع اشم عطره هاي اول سنه خلصت من دون اشرف واكرم وماما 💔 مامستعده اخسر بعدد اكرم جان بمثاابه اخ الي جنت دائما اكوول لو اوكع الكه اكرم وبعدين علاقتي تحسنت باشرف بس اني الي خربتهاا بأيدي كلل مااتذكر روحي تشوغ وتحترك وتضل لايبه علي كل مااحجي ويا بالتلفون واسلم علي نبرته ونبرتي تكول شي وگلوبنه تكول شي لهفته مبينه بصوته بكلامه وشوگي اله والريحته ((انه الماشفت راحه وخير من بعدك انه الماقدرت حبك وكتلك رووح وبحجه ضروف تعمدت صددك !! سمعتك كلام المايقبله انسان شلون تحملتني شكد صبر عندك ؟ على كلشي انتقدك وجنت قاسي ويااك !! منك بيش احسن خاطر انتقدك ؟ دحجيلك حجايه اجرحني مرره وروح ! حتى اقفل عليك وتنحسب ضدك وتبعد وعدتني وجنت گد وعدك 💔 بس تعرف شنوو ؟ كل ثااانيه افتقدك ابيض جان كلبك مشتريني بالروح من تكوول احب تكولها بجلدك ،بحساسك العالي يدووخ البسدك وبرقه كلامك تنفررد وحدك صحااني البعدد وبقيمتك حسيت ابشررك اي حسسيت وتريد الصدك ؟محد حابني بگدك 😔♥️ شكد عليه مرو من قارنتهم بيك حتى الكال احبك حااول يقلدك تذكر من كلتلي الفرصه مره تصير ؟ توني استوعبتها وحللت قصدك يافرصه حياتي البعد ماتنعاد رحت للابد لو گلبك يردك ؟ )) نفضت افكاري ومسحت دمعتي وطلعت للحديقه وافتر بالبيت اتذكر كل سالفه كل حجايه وكل موقف كلل الحنييه الجانت بالبيت اجتي نور من ورا وحضنتني من وره ، هاا لازم المززاج ورردي
نور : ايي كوولش وردي جنت متعااركه ويا علي صارلي يومين واجاا يتووسل ويريدد يصالحنيي
فردوس : هههههههه عفييه علييج بطله ديربالج لاتحس بيج مريم
نور : دخترووح واذا حست اصلا يريد يجيي يخطبني بس اخلص الثالث
فردوس : يااه مطوره الامور
نور : ايي لعد شعبالج
فردوس : اهوو كعد وميض روحيله انتي فدوهه بس هزي هسه ينام ، عمر وميض صار سنه وشهرين
راحت نور الوميض وسحبت تلفوني شفت مسج من اشرف بتسمت وكعدت احجي ويا
اشرف : صار سنه مشايف جنتي ولاعيوني ملاگيه عيونها الحلوات مشتاگلها هوواي حسيت بيها متغيره ومتغيره تصرفاتها ردت اعترفلها بس مو ووكتها لان مراهقه وبالها يجررخ بعيد وتضل تفكر بهلامور وتنسى دراستها مثل ما اني وصلت وراح تصير عندي شهاده اريدها توصل فضليت احجي وياها عالكد السلام واريح بالي وكلبي ولو شويه (( واتحدى البعد يجبرني لوو يووم انساج وعمت عين الصدف غيرك تشوفني رغم بعد المسافه وانتي ترس العين والناس الشفتهم ماجزوو جفني خيالي شكدد صوور ماخذلج وولقطات من اشتاگ كلشش هووه يسعفني شلتت حبج حرز يحفضني من السوء ♥️ واحلف كمت باسمج لليحلفني ابجي بحضرتج بجيه طفل مفطوم واتوسد احضانك لو تجتفني واشعلج بالحناان من الجدم للراس ممثل مانتي شااعله ابوو الخلفني )
فردوس : ضلينه نسولف بحدود النص ساعه واني الابتسامه مثل كل محادثه شاكه حلكي حتى سن العقل طالع كملت منه وكمت اكمل قرايه شويه واندكت الباب نزلت نور تركض
نور : انيي افتحهاااا انييي
فردوس : استغربت من رده فعلها هاي شبيها ؟ طلعت تفتحها واني وكفت يم شباك المطبخ اباوع منوو وشفته علي عززاا صخاام هااذ شعنده جاي هاي نوويره متخاف احد يشوفها بعدني واكفه واكل باضفري من القلق ونزلت مريم ووجهي كام ينطي الوان شفتها مبدله تريد تطلع عززاا ، هه هها وو وين طالعه
مريم : وشعليج انتي ،هاي منو واكفه ويا نور ؟
فردوس : تبلعمت وكمت امتمت ماعرف شحجي وشو هاي ابتسمت ابتساامه تنكط سم ورفعت حاجبها وجرت الكرسي وكعدت
،،،،
نور : اتفقت ويا علي يجي لباب البيت جايبلي هديه وماكو احد بالبيت ابويه بالبصره ومريم هاي شمدريها فكلتله يجي ، هلا حبيبي شلونك
علي : هلا بسورها ونورها يعمري زين بشوفتج وانتي
نور : ذااايبه بهل انسااان اني اموووت علي عبالك مو سنه مرت على حبنه سنيين ، يرروحي انته الحمدالله
علي : حبيبي يلا خلينه لانطول وكفتنه هنا اخاف عليج لا احد يشوفنه اخذي هاي هديتج تلوك الرگبتج تكول مرمر مو رگبه (العنق)
نور : اخذتها منه وراح ، طبيت للبيت ولكيت فردوس واكفه ووجهه ينطي الوان ومريم كاعده توزع ابتسامات
مريم : هلاوو عييني بنت وساام الهدايه ركعع علييج
نور : م م مريم لا لاتفهمين غلط
مريم ؛ لاعيني شأفهم رجال مرتين جاي للبيت ومرتين انتي طالعتله وهسه طابه وبيدج هديه شأفهم يعني
نور ؛ تخبلت مااعرررف شسوووي رحت لزمت ايدها واني اذا تذبحني قطره دم مابيه مرريم فدووه شترريدين اسوي كله عد عيناج بس فدوه لاتكولين الابويه والله احبهه والله أحلفج بغاليج استريني الله يستر عليج ايييشي تررررريدين اسووي ايشيي
فردوس : اباوعلها شلون تتوسل بمريم الحيوانه وهيه ولايمها ررب البرود ولا هزت شعره من عدها واني ميته خوووف على نور لاتروح تخليها بحلك خالو يذبحها ويذبح الولد والله وهيه مريم ماتصدك تخلص من عدنا ضليت اردد ياساتر ياساتر مستعدين ايشي تطلبه مررريم نسوووي بس متحجي الخالو
أنت تقرأ
جحيم الفردوس (مكتمله)
Roman d'amourروايه عراقيه تروي طعنات الزمن لطفله وخذلان وفقدان ومعارك مع القدر إلا ان يقف القدر بجانبها لمره واحده ويدخلها مغامره في الحب فهل سينصفها للاخر ام سيغدر ؟تتابعون ذالك في القصه بقلمي 💓
