ကိုယ့်ရဲ့ ကြယ်လေး ရယ်....
တောက်ပနေလိုက်တာများ အစွမ်းကုန်ပါပဲ....
မြင့်သထက် မြင့်အောင် ပျံသန်းနေတဲ့သူ...
ရပ်မြဲအတိုင်း ရပ်ပြီး ငေးလွန်းမက ငေးနေနိုင်တဲ့ ကိုယ်ဟာလည်း သူနဲ့တော့ဖြင့် ဝေးသထက် ဝေးစေပေါ့...
မပြောင်းလဲခြင်းတွေနဲ့ ကိုယ်...
မှောက်ချည်လှန်ချည် လုပ်မရတဲ့ သတ်မှတ်ထားပြီးသား ကံတရားတစ်ခုမှာ ဘာတွေများ ဇောဒက တက်ခွင့်ရှိပါ့မလဲလေ...
ကိုယ်တို့ရဲ့ အကွာအဝေးတွေကို ချုံ့မရမယ့် အတူတူတော့ နီးလာမယ့်ရက်တွေကိုလည်း မသေချာမှုတွေကြား စမ်းတဝါးဝါး ရေတွက်မနေချင်တော့ဘူး....။
ငေးကြည့်ခွင့်ရရုံလေးနဲ့တင် ရောင့်ရဲတတ်ဖို့ ကြိုးစား
လေ့ကျင့်နေပြီမို့....
တခမ်းတနား မြတ်နိုးရလည်း မနီးစပ်နိုင်ခြင်းတွေက
ယုတ္တိတန်မှန်း အချိန်တွေ ကုန်ဆုံးလာလေ... နားလည် လက်ခံလာရလေလေ....။
အင်း....
တစ်ခါတလေတော့ ကိုယ်ဟာလည်း ပုထုဇဉ်လူသား
တစ်ယောက်မို့ အတ္တတော့ ကြီးမိသား...
အခုလက်ရှိ အခိုက်အတန့်လေးလိုမျိုး ကိုယ့်ရဲ့ကြယ်လေး လည်း အပြောင်းအလဲရယ်လို့ အထူးအထွေ သိပ်မရှိပါပဲ
လွတ်လွတ်လပ်လပ် စ်ိတ်သန့်သန့်နဲ့ အချိန်အကြာကြီး
မြင်နေခွင့်လေး ရချင်မိတယ်....။
သူဟာလည်း ဟိုး အစပထမ ကာလတွေကအတိုင်း...
ကိုယ်ဟာလည်း သူ့ကို အရူးအမူး စွဲလမ်းပြီးရင်း စွဲလမ်း
ခဲ့ရတဲ့ အချိန် အပိုင်းအခြားတွေကအတိုင်း.....
လောဘကြီးမှန်း သိပေမယ့်... မတရားဘူးဆိုတာလည်း နားလည်ပေမယ့်....
မြင်နေရင်း လွမ်းရတာကို ကိုယ့်ရဲ့ကြယ်လေး ခံစားခဲ့ဖူးလား...?
