رواية #نار_الإنتقام 🔥
( خيال ممزوج بلواقع )
للكاتب : #حسن_الجامعي
الرواية بلهجة الليبية
حلقة 1 🔥 "
.
.
.
لميس : فتحت عيووني ببطء وشفت الدنيا سوودة قدامي جسمي كله متكسر ومش قادره نتحرك...طحت من فووق مكان عالي ولا هما طيحوني...حاسسسه بطني توجع فيا ودم معبي جسمي كله...راسي معبي دم وقاعده في مكان مظلم كله منشووفش في شي غير ان نسسمع في اصوات امواج البحر... نشبح يمين يسار ورقبتي متكسرة...ما نشوفش في شي...علاش صار فيا هذه كله بسس لأني حبيت شخص ووثقت فيه بس لأن ضعفت قدام شخص هذه وحبيته بسس لأن طلبت حقي كا بنت او بالأساس هو مكانش موجود 💔...!
________________
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
بعد مرور 7 سنوات...!
( تركيا_إسنطبول )
لميس : كيف كنت وكيف وليت من لما كانوا عظامي متكسرة ومش قادرة نتحرك وشخصيتي ضعيفة ومعنديش ثقه في نفسي وهادية وخلوقه ووليت معدومه الاحساس نفكر في الإنتقام بسس...مكنتش نتوقع يوم من الايام ان يكبر إنتقام يوم بعد يوم كانت النار تززيد اكتر واكتر 7 سنوات واني نخطط ونفكر للإنتقام على فراش المستشفى بسس نطلع من اهني رح انتقام منهم واحد واحد...!
حسن:- انا حسن مقعمز على طاولة ونكتب بالحبر في كتاب من كتب لقصص الإنتقام ووحده من هذه القصص رح نكتبها اني ونضيفها في مجموعة قصص الإنتقام رح نحكيلكم قصة لميس وشنو اللي صار معاها وكيف قدرت تنوض على رجليها باش تنتقم من الناس اللي طعنوها 💔...!
لميس :- م90 ووقفت في اول سنة الجامعة عشان الحادثه اللي صارت معاها...مواصفاتي بشرتها بيضة ونقشها ع الأسود داكن وشعرها واصل لآخر ظهرها...وحيدة امها وبوها...بوها توفى بسبب جلطه وخوها الصغير توفى قتلوه اولاد الحرام...وعايشه مع امها بروحهم وامها منيرة عندها مشكلة في ذاكرة مرة تتفكر روحها ومرات تنسى من هي اصلا...عندها زوز صحبات كانوا يقروا معاها في الجامعة وكانوا زي خواتها وفي بيناتهم ثقه وكل وحده وقصتها...وطبعا لميس ورطتهم معاها في مشكلتها بدوون قصد💔...!
الدكتور : الحمدلله على سلامتك...اليوم رح تطلعي من المستشفى بعد 7 سنين واخيرا
منيرة : يا دكتور خيرها بنتي شن فيها...؟
لميس : بصوت تاعب...يا ماما مفياش شي اني مريضه بس وتوا خديت دوا ونروحوا توا!
منيرة : الدمعه في عيونها...يا بنيتي كل يوم تقوليلي خديت دوا ومفياش شي مش فاهمه شنو اللي قاعد يصير معاك فهميني...!
لميس : ماما بالله عليك خلينا نمشوا لأي اوتييل يجي قدامنا راهو تعبانه انييي...!
منيرة : تنهدت...تي نمشوا لحووشنا علاش اوتيل العفوو...!
لميس : حطت ايدها على راسها بقلت صبر...يا ماما احني قاعدين في تركيا مش في ليبيا والله العظيم مش ناقصة نقعد نشرحلك هيا حبيبتي خلينا نروحوا...!
منيرة : تنهدت وعيطت...شنوو كيف احني برا ليبيا كيف وعلاش جيينا اهني...!
الدكتور : مش لازم ان ناخدوا امك للمصحه النفسيه بالك تستريح نفسيا...؟
لميس : لالا شكرا اني مروحه لبلادي اصلا...شكرا دكتور على وقفتك معانا...!
الدكتور : هذا واجبنا وشدي حيلك راهو 7 سنين وانتي اهني تعودنا عليك واني ولد بلادك يعني اكيده تجي وتطلعي راضيه من اهني واي مساعده اني حاضر...!
لميس : ابتسمت...تمام هيا ماما ❤
منيرة : واقفه ومش فاهمه شنو اللي قاعد يصير معاها...!؟
لميس : طلعت من المستشفى طوول غيرت اسمها من (ميس ) الى ( لميس ) ... قعدت في فندق للساعه 5 الفجر وطلعوا بالتاكسي للمطار طول وركبوا الطيارة ومتجهه طول لليبيا ورجعت لحوش بوها...ووصلت الساعه 9 الصبح...وطمنت على امها وخدت دواها ورقدت وكانت تعبانه هلبا لأن تحس في عظامها مزالوا يوجعوا فيها مزال في شووية الم...ورقدت وهي تفكر شنو ادير غدوا وكييف رح تنتقم...!
أنت تقرأ
نار الإنتقام ل حسن الجامعي
Mystery / Thriller" لميس " تعود للإنتقام بعد مرور 7 سنوات من دكتورها التي كانت تجمعهم علاقة حب...ولكن تعود للإنتقام بطريقة شيطانية وقووية جدا بدوون ما تلفت انظاره...لماذا انتقمت وماذا فعل لكي تنتقم منه؟؟؟؟ " نار الإنتقام "
