#نار_الإنتقام 5
#حسن_الجامعي
لميس : تفضل نسمع فيك...بس لحظة اني حابه ان نشكرك على وقفتك معاي ابراهيم انت راجل ونادر ما نلقا شباب الايام هذه محترمين زيك...!
ابراهيم : عادي مفيش داعي تشكريني بس اني حبيت نساعدك وهكي يعني مش موضوع مهم!
لميس : اييه تفضل احكي شن بتقول....!
ابراهيم : لميس اني من اول ما شفتك اعجبت بيك هلبا وحسيت ان عندي مشاعر اتجاهك...!
لميس : ولى وجهها احمر😳
ابراهيم : بصراحه اني بديت نحب شخصيتك وانتي البنت اللي كنت ندور عليها....!
لميس : كييييف😨
ابراهيم : لميس اني نحبك❤.........!
لميس :😨اءءءء...كيف يعني مفهمتش عليك
ابراهيم : مش عارف شن قاعد نقول اني بس انتي البنت اللي كنت ندور عليها
لميس : اني اسفة لكن منقدرش نكون معاك لأن عندي مسؤلية وامي ومش مفكرة في الزواج
ابراهيم : ايييه انتي تتهربي مني بسبب نفسه
لميس : منهربش منك معنديش اييه سبب يخليني نتهرب منك...!
ابراهيم : علاش تكدبي عندك اسباب هلبا...وواحد منهم ان انني اكبر مني بسنتين...!
لميس : فتحت باب السيارة...تصبح على خير !
ابراهيم : تعالي اهني متمشيش اني صريح بمشاعري لميس💔...!
لميس : شبحتله بنضرة حزن وكأنها تبي توصله ان حتى هي تحبه...!
ابراهيم : حط ايده على راسه...اخخخخ
لميس : نزلت ودارت ظهرها وكانت ابتسامة الشر معبيه وجها وقدرت كيف تخلييه يحبها ومزال دور على يوسف...!
ابراهيم : شغل السيارة وطلع يجرب بأقوى ما عنده من العصبيه...!
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
_____________________
جمال : اني شفت حاجه...في بنت يكلم فيها يوسف واليوم الصبح تسجيلات الكميرات شفناها...!
جسار : بلع ريقه بخوف...انت شنو قصدك ؟
جمال : مش عارف لكن اني شبهت عليها البنت...!
جسار : افتح لابتوب بسسرعه خليني نشوف...!
جمال : ان شاء الله مش في للي بالنا بسس؟
جسار : لالا ماتت هي من قبل 7 سنين شنو بترد من المووت هي...؟؟؟
جمال : اسسكت شويه جسار خليني نشوف!
جسار : افتح الفيديو شنو تستنى...!
جمال : فتح الفيديو وكانت لميس تحكي مع يوسف...!
جسار : مسسسستحيلا😨...!
جمال : شووف مش تشبهلها هلبا...!
جسار : تي هذه هي يا راجل ضروري نعرفوا مكانها هاذي مزالت عايشه...!
جمال : اهدى شويه شووف مش هي قصدي واضحه شوف شعرها اسود وميس اصفر شعرها...!
جسار : اييه صح لكن منو البنت اللي يكلم فيها يوسف...!
جمال : اكييده بنت وحده من الجامعه احني ضروري نعرفوا من هي ووين تسكن ووين عايشه!
جسار : ديرلي معلومات على كل واحد يقرب من صغاري كل كبير وصغير فاهم...!
جمال : تمام توا نقدر نجيبهم المعلومات...!
جسار : ايه بالمناسبة...العرس بعد غدوا يعني لازم تجهزوا كل شي للعرس والعروس لازم تكون جاهزة...!
جمال : جسار بالله عليك فوته الموضوع خلي كل واحد يشوف نصيبه اصلا من بدايتها واضحه مش خير !
جسار : ابتسم على جنب...هههه لالا خير خير وزهرة راح تشوف حياة حلوة عندنا انت متخافش!
جمال : بلع ريقه بخوف من كلام جسار اللي يخوف!
أنت تقرأ
نار الإنتقام ل حسن الجامعي
Misterio / Suspenso" لميس " تعود للإنتقام بعد مرور 7 سنوات من دكتورها التي كانت تجمعهم علاقة حب...ولكن تعود للإنتقام بطريقة شيطانية وقووية جدا بدوون ما تلفت انظاره...لماذا انتقمت وماذا فعل لكي تنتقم منه؟؟؟؟ " نار الإنتقام "
