#نار_الإنتقام 2
#حسن_الجامعي
عمر : معاش تسسب امي يا فرخ ال🔞 وطااحوا يضربوا في بعض ونااار عبت الحووش كله وقريب توصل فيهم هما الزوز...!
يوسف : ضرب عمر بوكسس طيحه على الارض...وحااول يهررب لكن النار قدامه...يا هووو النار بتحرقني...يا عمر نووض مش وقتك توا نوووض 😨
لميس : خششت بفززع.. هاااات ايدك نطلعك هاات !
يوسف : انصدم... منوو انتي😨
لميس : بفزع...مش مهم منو اني هات ايدك تربح بسسرعه...!
يوسف : حط ايده بإيدها وهو مستغرب منها...!
لميس : جبداته وطلعوا من الباب ونيران معبية الحوش...!
عمر : النار وصلت فييه وحرقاته وحرقت الحوش كله!
يوسف : يشبح في الحوش ودموعه تجمعوا وبدي يبكي...عمرر حصل داخل عممممرر...بيخشش يطلعه!
لميس : شداته من إيده...انت وين ماشي تبي تحرق روحك 😰...اتصل بإسعاف والمطافي بسرعه!
يوسف : طلع تلفونه وايديه يرعشوا...اءءء الو بسسرعه سيارة إسعاف واطفاء في حريقه في شارع (........ ) رقم الحوش 12 في نهاية الشارع بسسرعه بالله عليكم!
لميس : انتبه على نفسك...وتلفتت وبتمشي!
يوسف : قعد يشبحلها كيف ماشيه...لحظة استني
لميس : تلفتت...ايوا ؟
يوسف : انتي شنو اسمك وكنتي موجودة معانا في الحفلة...؟
لميس : سلام توا مش فاضية...ركبت السيارة وولعتها وحاوولت تهرب من اسئلة يوسسف !
_______________
🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
عند منار في الحوش:-
حنين شن امورك شن مدايرة
حنين : فتحت الشنطة وطلعت منها كيس صغير...شنو هذا ؟
منار : بلعت ريقها بخووف...انتي وين لقيتية هذه😨...!
حنين : إبتسامة الشر توزعت...حبيبتي هذه الكيس لقيته في شنطتك يوم عرس حنان اختي!
منار : وجها اصفر وبخوف...اءءء حبيبتي حنين بالك ملخبطة في الشنطة ههه قصدي هذه مخدرات صح ؟
حنين : بإستحقار...اي حبيبتي مخدرات انتي شنو ديري بالمخدرات ؟
منار : ناضت وقفت بفزع...انتي شنو قصدك يعني اني...وقطعتها حنين ...!!
حنين : بصوت عالي...انتي تاجرة ومدمنة مخدرررات ! 😏
منار : دموعها تجمعوا...ايييه اني مدمنة مخدرات وتاجرة شنو تبي مني يعني شن السبب اللي خلاك تفتحي الموضوع غير انك جايه تهدديني!
حنين : ابتسمت بخبث...بزززبط حبيبتي جايه نهددك لكن يا حسرة على شنو بنهددك اني🤔
منار : حنييين...اختصري شنو المطلوب راهو مش ناقصة هم على هم تاني !؟
حنين : خلاص يا حبيبتي علاش تحرقي في اعصابك خليكي ريلاكس يا عمري ههههه....!
منار : كلمتي واضحه ( شنوو المطلووب ) ؟؟
حنين : ان بنتي زهرة تتزوج ولدك ابراهيم ويكتب نص الشركة بأسمها...!
منار :قعمزت بحييل مهدوود...شنوو يعني
حنين : شنوو اللي مش واضح من كلامي...يعني يتزوج ولدك نديرولهم عرس فهمتي عليا توا...وبعد الزواج نص الشركة تقعد لبنتي زهرة!
منار : حطت ايديها على راسها...حنين بالله عليك اطلعي توا نفكر ونرد عليك تمام!
حنين : ناضت وبقوة عين...اسمعيني زين اني مش زي اي وحده تمشيني وتضحكي عليا بكم كلمة غدووا الصبح تردي عليا فاهمه والا رح نمشي للشرطة ونبلغهم بكل شي قاعده اديري فيه!
منار : نااضت دفتها...انتي شنو تحسابي رووحك تهددي فيا وفي نص حووشي وبكل وقاحه!
حنين : صووتك ميعلاش عليا منار...راهو في اسرار تانيه اني نعرفها كلها ومززال منسيتش قصة هديكا البنت اللي اسمها ميس!
منار : بدت ترعش...اسمعي الا قصة هذه معاش تفتحيها الملف تصكر من زمان معاش تفتحي الدفاتر القديمه راهو مصدقنا افتكينا منها!
حنين : خلاص معناها الخطبة الاسبوع الجاي كان عطانا ربي عمر☺️...!
منار : تمام حاضر توا يصير اللي تبيه كله الا قصة البنت هديكا البنت هديكا خط احمر...ردي بالك اضيعينا كلنا في جرتك...!
حنين : خدت شنطتها...يلا اني طالعه توا غدوا نتفاهموا سسلام...مع شبحة مستفزة😏
منار : قعمزت بحيل مهدود وحاطه ايدها على راسها من الخوف وتفكير...!
سعدية : طلعت من مطبخ تجري...مع سلامة يا ست هانم تشرفينا في اي وقت😃
حنين : نحي من قدامي بالله مش ناقصتك...وطلعت وصكرت الباب وراها...!
سعدية : هي مالها دي اي القرف ده...!
منار : سعدية احترمي نفسك وخففي من دوه راهو راسي مصدع...!
سعدية : اعملك قهوة يا مدام 😄
منار : لا كملي خدمتك واول ما يروح يوسف حطيله العشي وقوليلهم امكم راقده تمام ؟؟؟
سعدية : حاضر يا مدام مع السلامه 😎
منار : شنو هو اللي مع سلامه...اني بنركب فوق بنرقد مش مسافرة شنو العبط اللي انتي فييه ...!!
أنت تقرأ
نار الإنتقام ل حسن الجامعي
Mystery / Thriller" لميس " تعود للإنتقام بعد مرور 7 سنوات من دكتورها التي كانت تجمعهم علاقة حب...ولكن تعود للإنتقام بطريقة شيطانية وقووية جدا بدوون ما تلفت انظاره...لماذا انتقمت وماذا فعل لكي تنتقم منه؟؟؟؟ " نار الإنتقام "
