#نار_الإنتقام 4
#حسن_الجامعي
ابراهيم : اءءءءء...شكلك كاتبه موهوبة بكل يعني حتى الكلام اللي تحكي بيه يبان عليه ان هو اسلوب كاتبة موهوبة زيك ❤
لميس : اهم شي العبرة من القصة او الحادثه اللي تصير مع الشخص هذا...!
ابراهيم : ايييه معاك حق...خلاص تمت الاتفاق مبروك عليك شغلك الجديد يا لميس ❤
تررن ترررن تررن:-
ابراهيم : تلفونك يرن راهو...!
لميس : اءءء...اييه منتبهتش عليه خليني نشوفه...الو ميري خيرك تتصلي ؟؟؟
ميري : يا مدام لميس...ماما منيرة مش موجود في غرفتها ولا موجود في البيت ارجوكي تعالي بسرعه...!
لميس : تغيروا ملامح وجهها وتعصبت...شنوووو شن تقولي انتي كييف هربت منك يا غبية 😨
ابراهيم : استغرب تصرفاتها...؟
لميس : ناضت بسرعه...انتي وحده غبيه وحمارة اني مرووحه دووري عليها بسرعه تحركي...اني اسفه استاذ ابراهيم رح نتواصل معاك غدوا
ابراهيم : اءءءءء استني نمشي معاك
لميس : بسسسرعه...وطلعت تجري
ابراهيم : خدي مفتاح سيارة ولحقها طول...!
لميس : دموعها بدوو يتجمعوا...يااارب احمي ماما يا رب احميها واحفظها ياااارب
ابراهيم : يسوق في سيارة...عطيني عنوان حوشكم بسسرعه
لميس : قريب من اهني هو...ياااارب احمي امي يارب
ابراهيم : قصدي نبي نعرف حاجه...امك بنت صغيرة هي باش خايفه عليها هكي
لميس : امي عندها فقدان الذاكرة ومشكلة يعني تنسى ومرات ترجعلها داكرتها وتوا طلعت اكيد رح تنسى الحوش💔
ابراهيم : انصدم...لا حول ولا قوة الا بالله...تمام رح ندورها معاك متخافيش بس وحط ايده بإيدها!
لميس : بدت ترعش وعصبت...نحيي ايدك الوسخه عليا !
ابراهيم : 😳 ؟؟؟؟
لميس : اءءءءء قصدي نحي ايدك تحششم !
ابراهيم : مستغرب من تصرفاتها الغريبه وكأن بدي يشك فيها ان تعرفه !!
لميس : خشش على يمين بسسرعه...!
ابراهيم : هدا هو الحوش ؟
لميس : اييه اييه هذا هو نزلني بسرعه ابراهيم
ابراهيم : صف السيارة على يمين ونزل معاها...!
لميس : خششت تعيط وتخبط في الباب...ميييري يا حقيرة اطلعي بسسرعه
ميري : بتموت من الخوف...اءءء مدام هي هربت مني كنت نجهز في القهوة
لميس : دفتها بالقوة وهزبتها...اني امنتك على امي وانتي تعرفي ان امي مريضه يا كلبه
ابراهيم : لميييس عييب مش هكي تنحل الامور !
لميس : انت اسسكت وين نشت مقلتلكش وين ماشيه اتكلمي راه نقتلك
ابراهيم : بصوت عالي...لميس ياااسر معاش تعيطي !
لميس : انت علاش مزال قاعد اهني اطلع برا بليز
ابراهيم : تعصب من تصرف لميس...اني الوهمي اللي جيت معاك للحوش ومداير روحي راجل
لميس : بدت تتعصب وتتكلم بهستيريه...انت وبوم وعيلتك كلهم ووهميين انت ذكر بس مش راجل اطلع برا !
ابراهيم : 😨 من وين تعرفي عيلتي انتي !
لميس : قعمزت على كرسي بحيل مهدود...اخخ ياربي امي وينها ياربي وينها قلبي بيتقطع عليها
ابراهيم : تعاطف معاها رغم الكلام اللس سمعه منها...خلاص لميس نوضي خلينا ندوروا عليها
لميس : اني اسفه ابراهيم مكنتش نبي نعلي صوتي عليك اصلا الكلام اللي قلته توا مش مني💔
ميري : واقفه وخايفه من لميس... مدام انا اسفه !
لميس : انتي مفصولة من الشغل اطلعي برا !
ابراهيم : خلاص خليها حرام مالهاش ذنب هي ازح خيرك هكي!
لميس : ناضت...خلينا نطلعوا ندوروا على امي وانتي حسابك معاي بعدين...!
أنت تقرأ
نار الإنتقام ل حسن الجامعي
Misterio / Suspenso" لميس " تعود للإنتقام بعد مرور 7 سنوات من دكتورها التي كانت تجمعهم علاقة حب...ولكن تعود للإنتقام بطريقة شيطانية وقووية جدا بدوون ما تلفت انظاره...لماذا انتقمت وماذا فعل لكي تنتقم منه؟؟؟؟ " نار الإنتقام "
