انت اكسجيني❤🔥

الحلقه التامنه❤🔥

هاي حبايب 😍رجعت في بارت جديد وحبيت يكون طويل عشان انعوض التاخير يالي صار🤗❤

#لا تثق باحد فحتي ضلك يختفي في الضلام🕳🤞🔥

طلعت اماني لي علي
علي:خيرها حنين شن صاير معها توا كلمني حسن قالي امي في المستشفئ ونتصل بي بوي مقفل
اماني(اتلكمست):اءئاا اي اي داخت علينا منعرفش خيرها اكيد صيرلها هبوط
علي:خلاص معنها وتو روحكم ننقلكم
اماني: والصغار مع من بيقعدو
علي:توا البنات يقعدو احدهم
اماني:في خطرها يستر الله توا شنبندير
علي:هي عمتي واماني اي سيلين وين هيا والاولد
اماني:ائءء 😨سيلين ليهاش هلبا طالعه هي وياهم بسلامتهم قالو عندنا فيلم😅
علي:هههههه هل فرخه بتجنيني متبيش تكبر بكل😂
اماني:في خاطرها لا انت كان سمعت لي دارته بنتك بنجلط حق
علي:لمار ندي بنات بالله عليكم برقو في صغار اشويه ونجو بنمشو لعمتك حنين في المشفى
ندي: تمام عمي متشغلش بالك وستحمدولنا عليها
علي: تمام كان تبو شي قولو لمجد بسلامه
ندي:بسلامه
لمار :اي وين مجد وسجي من بكري مغيبين
ندي :مبكري سجي ضبحت عليه تعلي نشوفوهم في دار الضيوف
لمار:هي
عند سجي ومجد❤
سجي:مجد تلفوني مش عارفه خيره لما حد يتصل بيا ميديرش في نغمه ولا هزاز
مجد :باك حطيه سايلنت
سجي:تو لا هي شوف درلي رنه
مجد :باه اي شكل السبيكرو عاطل جايه عليه ميا ولا شي اعطيهولي اشويه
سجي:اممم تبي الحق معاش نتفكر
سجي:تفضل
خلفية تلفون سجي كانت صورتها لبسه شرت قصير وفي مزرعه وحدها مسبح وطالعه فضيعه😍🔥ومنتبهتش علي ها الشي لين عطت مجد تلفونها
مجد: نبهر بيها كيف سمحه في الصوره مكانش مدقق فيها هكي بحكم ان سجي وعيلتها في بنغازي فمهوش متقرب منها هلبا
سجي :مجد كنك تبحت في التلفون
مجد :لنقنك قنينه 😍
سجي:شنو
مجد:ائءء الصوره قنينه في بنغازي هدي 😖
سجي:ههه عيونك الحلوى اها فبنغازي 😅
مجد :عيونك احلى 🤗
سجي:تسلم هيا قعدنا نهدرزو ومصارش منتلفون😂
مجد :تمام خلني نشوفه اي فيه ميه عندي برنامج يدير في موجات طلع لميه راجي نحملهولك لكن صوته مزعج هلبا بتحملي 😅
سجي:عادي اهم شي يصلح باهي قداش يبي
مجد :ميطولش ساعتين بلكتير
سجي:منور مجد معروف بجد شكرا🤗
مجد :والا يهمك ادليلي😉
سجي:محبتش تنوض وكان خاطرها تتعرف علي مجد اكتر زي مقلتلك سجي من لما كانت صغيره معجبه بمجد بس بسبب ضروفها انها فبنغازي وهكي خلت اعجبها فقلبها وسكتت
سجي:تمام شكرا مجد متبي شي بنوض 😊
مجد :خليك تبي الحق كساد وخاطري نهدرز فرخ سالم مشي وسيبني ومعندي علي من نهدرز
سجي فرحت وحست ان مجد يبي يتقرب منها
سجي :اها تمام بصراحه حتي ني كساد معندي مندير حاله مفيش حد في عمري نهدرز معاه
مجد: اي اني وانتي وسراج نفس العمر ولا
سجي:لا اني اصغير منكم بسنه
مجد :اي نفس العمر المهم اي خطرها وين سراج مريته بكل مجاش معاكم
سجي:سراج لا جي بس عنده صاحب طرابلسي اول موصلنا مشاله طول بايت عنده يومين القرد ونا بروحي مكسد لمار وندي 24 ساعه فوجه بعضهم وني بروحي
مجد:ههههه اي
لمار:باك ساد حش فينا انت وياها ليكم ساعه هنى شديرو
مجد : شدخلك انتي نهدرزو😂😂
ندي :ما شا الله كبرتي وقعدتو تهدرزو شن هدرزتو 😂😂
سجي :مالك ومالنا انتي درقي وجهك انتي وصحبتك اربعه وعشرين ساعه حدا بعض شن تهدزر بس نموت ونعرف
مجد : اقوا عليهم عشيرتي 😂😂😂ام لسان
سجي:نعجبك ولا😂😂
لمار :باهي ساد هي كنا نشوفو فيكم وبنعدو مع اني مستغربه سجي ومجد يهدرزو صبحان الله يرحم ايام سجي تنتش في مجد ونفكوها بسيف
مجد:حقيييي😆😂😂😂
سجي:معاش نتفكر ودرقي وجهك يكلبه منك ليها 😣😡
مجد :حي علمها تكنطت 😂😂😂
ندي :تباهي كلتونه هي لمار اطلعي خلينه منهم

#في المشفي
حسن :هي امي متبي شي اني طالع
حنين: سلامتك وليدي جيبلي خواتك بعدين
حسن:تمام
علئ خشت علي واماني ومنى
حسن :دار لمه نضرت ديري زي مقتلك
حنين: فهمت عليه وقعدت تبتسم ابتسامة مكر
علي:السلام عليكم ان شا الله لباس مرت خوي
حنين:الله ليوريك باس تفضلو
اماني :ومهيش عارفه شتقول
اماني :الحمد الله علي السلامه سلفتي
حنين:ابتسمت وهيا فخاطرها بتموت
حنين:الله يسلمك ويبارك فيك
مني:الحمد لله على السلامة ان شا الله بسيطه
حنين :الله يسلمك باهي الحمد الله
اماني&مني: خيرها هادي شكل جها فقدان ذاكره
علي:............
#خلينه نرجعو لسيلين والولاد
نور :ما شالله نسخ لصق
سيلين:تعرفي الاغنيه اهيا وخدتها قانون فحياتي كلامها اول شي في قاموسي
نور :واضح اصلا😂🤞
سامي: هي انزلو كان بتشرو حوايج
نور :ياااي منسافرو مع بعض مش مصدقا😄
سند:توا تصدقي😂
سيلين :نموت ونعرف من وين جايب هل براده كلها حنتي شن كانت تاكل وهيا حامل تلج
سند:اول شي جايبها ملفريز البراده تاني شي كانت تفطر في عسل بيش جيت اني عسل
سامي:لا واضح والله تغير هيا انزلن
نور :سيلين تعالي بنمشو للمحل هدا
سيلين:زكري هي نهاري مش حيفوت علي خير🤦‍♀️
سند:امشي سلم ولد اختي بالك تولي انثى وصير منك يا سعدو😂😂
سيلين :يعن استغرف الله وخلاص اني عارفه نور بتجبلي الجلطه خصارت فلوس عارفه ني بيلبسهم الدولاب🤦‍♀️
سند:باااه امشي هي خليتي نور بروحها تسوح
سيلين:باهي وانت خايف عليها تقول مرتك
سند:محلاها الكلمه زعما تشد معيا يفرخه 😣
سيلين:خليها علي بنت اختك بس😁اصلا واضحه انها معجبه بيك يمراهق🤣
سند:والله ربي يستر منك امشي لحقي علي مرتي امشي
سيلين:اوووووووو مرته باهي ياخال باه
سندتحشم:باااه هي انتلفي خير متجيك طريحه 😡
سيلين:باهي يا دراه اي برا شوف سامي وين مشي راح منك حتي انت وعدت
سند:اي وين راح هدي😰😰
مشي سند يدور في سامي وسيلين لحقت علي نور
عند سامي
سامي:ايو السلام عليكم كيف الحال عمي احمد
احمد :ايو وعليكم السلام الحمد الله وانتي ي سامي كيف انك وين ليك فتره مغيب معاش ريناك
سامي :والله ضغط الخدمة والكليه متعباتني
احمد :باهي ربي يعوانك ولدي خيرك انت تبي شي
سامي:والله طلبتك يا عمي كان مفيش مشكله
احمد:اتفضل ولدي خود لتبيه
سامي:مشكور عمي متقصر والله غدوا مسافر اني وسامي وسيلين واختي ومنبي حد يسمع لين نوصلو انت عارف بحكم بوي عند معارف واجد نخاف توصله الدوه ياريت اتحول ان ميوصله شي هوا وعمي علي عندنا شغل فتركيا وبنروحو قبل رمضان
احمد:تمشو وتجو صحيحين وتمام خلي الموضوع عليا بذن الله ميوصل فيهم شي وسلملي علهم
سامي:منور عمي صحيت سلمك يوصل نشاالله😁
احمد: سلمك هي متبي شي
سامي:سلامتك منور بكل عمي
احمد:سلمك هي بسلامه
سامي سكر من احمد ولفت نضره قفطان لونه ازرق ملكي نضام حوته ومخصر ومن وارا فيه فيونكه كبيره نفس اللون وضهرا سبعه ومفتوح من جيها الرجل ايمين لعند الفخد عجبه 😍😍❤
سامي في خاطره:حي علي ام القفطان محلاه بجي علي سيلين زعما نخدا ولا لالا بصفتي شنو بناخد لالا بناخده بصفتي خوها عادي وشن فيها وعرس مصطفي قريب خليني ناخده وخلاص 😣🌚❤🤞
خش للمحل
سامي:السلام عليكم
الولد:وعليكم السلام تفضل خوي
سامي:بالله عطيني القفطان هدا
الولد:اما واحد الازرق قداش الرقم
سامي:اي بقولي كان مش غالط xs
الولد : مقاص حلو لخيبتك ولا مرتك
سامي:ضحك عجنب خطيبتي😏
الولد:باه مبروك عليكم
سامي: الله يبارك فيك بكم
الولد:راجي نزلك السعر اشويه هديه مني عل خطوبه 850
سامي:منور ياغالي تفضل هي
الولد:ملبوس الهني
طلع سامي وجاه سند يجري
سند:تي وين كنت يبهيم
سامي:هههه😀تبي الحق عجبني القفطان قلت بالك ناخده لسيلين لعرس مصطفي
سند:اي ونور ومقلتش نجيب حاجه سند الكلاب بكل
سامي:تيباهي يا برو نور باك تحسابها بتبطل شري وني تخيلت سيلين فيه وانت جيب الروحك😂😂😂
سند :لي ماذا يا هذا🙂💔اي عاد احممم
سامي :باهي بطل هي كلمت عمي احمد قتله ميجيبش سيره الحد عسفره ومتوصلش لبوي وبوك وعمي علي عسبت الفالطه يالي درتها سيلين في العشيه🙂
سند:باه وووك منها فرخه سيلين متعرف اتحطنا خاطي في المصايب☺😂😂
سامي:..............

#يتبع
خبروني حبايب عجبتكم ولا 😋