_حكاية تمني _
( بقلم بسمة البياتي)
_البارت الثالث و العشرون _
ارتاحيت شوية بعدين سيف وصلنا البيت شهد
شهد تلكتنا من الباب
شهد... مو كتلني الجوع صارلي ساعة انتظر
امنية... هذا خوش استقبال دسلمي صخمي
... ديلا عيني اليكول صارلي سنين مشايفتكم
لوما يومية طالعات بوجهي
يبووو الوجه احمر والعيون دم ومنفوخات شمسوية بروحج ولج
تمني... اني والدموع اخوان من الصغر
امنية... امشي صبيلنا غدا قبل لاتفتح النافورة من جديد وبعد شيسكتها
... صبتلنا الأكل ما اشتهي وروحي طاكة كعدت على واهسهن لان ادري مراح يفكن ياخة مني
خطية شهد كومة اكل جايبة من المطعم
كملنا كلت الشهد اريد اتمدد من البارحة منايمة
... روحي الغرفتي حتى الجهال لايضوجوج
...فرشيلي بالكاع
.. ترى والله فراشنا نظيف مابينا جرب
.. اهووو اكلها نعسانه وهاي بعدها تلغي
... ماشي تعالي
... فرشتلي تمددت انعاد عليه موقفي بالمحكمة ويا وطلاكي رجعت ابجي الى ان غفيت
ماكعدت غير المغرب
طلعت من الغرفة لكيت شيرين موجودة
هاي انتي هم اهنا
.. من سمعت مجتمعات بدوني
حكمت على علي بعز الظهرية يجيبني
اجيت لكيتج نايمة
... اي والله نعسانة ومحسبت بروحي
شهد... اسويلج شي تصبيرة تاكلي لو تنتظرين العشا
.. لا ما اريد موجوعانة الظهر كومة علفتوني
جيت كعدت يمهن اجت توتة كمزت الحضني اخذتها ابوس بيها والعب وياها
امنية...تمني اشكد تحاول تبين نفسها قوية كدامنا بس ادري بداخلها جاي تتكطع
العصر جواد اتصل عليه يسالني عليها
ما ادري شنو من حب حبهم
يحبها وراح الغيرها
تحبه وعافتة واثنينهم دبتعذبون
حجة بصوت بقهر يكولي ديربالج عليها
صوت بجيها لهسه باذني لج امنية من طلعت من المحكمة ردت اگلب السيارة بيه حتى ارتاح
.. جواد البينكم انتهى انساها وادعيلها بلكي هي هم تنساك
... اكو واحد يدعي على روحة اذا ادعيلها تنساني معناها جاي اكطع الهوا عني
... انت الوصلتها ووصلت نفسك الهذا الوضع
جنتوا عايشين احلى عيشة والناس كلها تحسدكم على حبكم
بالحظة ضيعت كولشي
... اني كلب ابن كلب الله عماني وسويتها
... حشاك الصار صار بعد ماكو فايدة من الحجي
