_حكاية تمني _
( بقلم بسمة البياتي)
_البارت الواحد الثلاثون _
.. بنت الكلب اليوم امووووووتج سلمتي نفسسسسج خليتي يطخج
.... شبعني كتل كنز تجر بي وتعيط
حتى هي ضربها
السجينة بعدها على الكاونتر شالها
وعاط ذبحج حلال
كنز ظلت تكمز وتصرخ مجلبة بيده
من شفت السجينة ويريد يضربني انرعبت
لزمتها بيدي اريد ادفعها مني
على صوت الصراخ والعياط نزلن يقين واختها يركضن اجن جلبن بجواد يريدن يوخرنة مني
هلكد ما لأزمة السجينة قوي وادفعها
كصت بطن ايدي والدم كام ينكط
نسيرين.. خووية بداعة بناتك عوفها لاتورط نفسك
يقين.. جواد الله عليك وخر اني وبناتك منو النا غيرك
... من شاف ايدي فاضت دم وخر مني عاف البيت. وطلع
كعدت بالكاع ارجف كنز ركضت جابتلي خاولي خلتة على ايدي
نسرين... وتالييييييي وياج عفتي رجلج ورجعتي تحومين عليه تريدين تكسرين رگبتة وتهجمين بيتة
كنز..... مو جاية البيت الخلفكم وجاي تحاسسسبيها روحن من كبالي لا اخلي هاي السجينة بطنكم نزل ويدبج على السطج اشكد متستحن
نسرين... مراح ارد عليج يجي عمي واخلي هو يتصرف وياج امشي يقين
.. طبكم طوب من يوم الشفناكم ماشفنة الخير
كومي تمني يروحولج فدوة
... كمت ويا كنز رحت للمغسلة وخرت الخاولي
فتحت ايدي اريد اغسلها منظرها مرعب مفتوحة الجرح عميق للحم طالع السجينة جانت حيل حادة
كنز من شافتها داخت رادت تفقد الوعي
اما اني من المصايب الدتوكع فوك راسي صار كولشي عادي عندي وماكو شي يخوفني
غسلت ورجعت لفيتها بالخاولي الي صار، قطعة دم
كنز تركض وتبجي
... تمنيييي ايدج مفتوحة ودمج راح يخلص شسوي هسسسه ماما ما اخذه تلفونها وانتي تلفونج عاطل
... تمددت اباوع على السكف همست لاتهتمين مابيه شي
...يا مابيج ششي الخاولي غرك بالدم
عفتها وطلعت اركض فتحت باب الحوش شفت محمد وابن نسرين يلعبون بالشارع
صحتة بصوت عالي حتى منتبهت منو بالشارع
شافني اجة بركض
... هااا شتريدين ليش تبجين
... اركض روح البيت خالة شوف منو موجود اهناك صيحهم كلهم تمني انجرحت ايدها والدم مجاي يوكف روح بسسسرعة
محمد مجذب خبر طلع يركض وابن نسرين ويا
قبل لا افوت لمحت مروان واكف يم بابهم يباوعلي بستغراب اوووي هذا وكتة فتت وطبكت الباب
رجعت يم تمني صافنة حتى دموعها نشفن
وجهة مثل النومية الله يساعدها فوك الضرب الضربهيا انوب ايدها
كلما اشوف الدم روحي تموع وافقد التوازن
اندكت الباب طلعت اركض كلت بلكي احد اجة
فتحتة ام مروان وبنتها
