بعد مرور اسبوع علي موعد الخطوبة
في بيت المصري
ياسين معزوم على طعام الغداء
عبير :كل يا حبيبي بالف هنا علي قلبك
ياسين : حاضر يا أمي
و كان يجلس علي السفرة كل من عبير و أحمد و نهال و ياسين و فيروز و انهوا طعامهم
و جلس كل من نهال و ياسين بمفردهم
ياسين : خلاص بقا انتي مش هترجعي الشركة تاني
نهال: ياسين عشان خاطري عاوزة أفضل هناك
ياسين: نهال الموضوع خالص و مفيش شغل
نهال: تمام
ياسين : انا مش عاوزك تزعلي والله عاوزة اريحك و بعدين عمر حيجيب بنت تشتغل بكرا مكانك
نهال: بنت اه طيب
ياسين : ابتدينا الغيرة قولي بقا انك غيرانة عشان كدا
نهال: و انا هغير من اي عادي جدا
ياسين : بذامتك عادي جدا بردو
نهال: ياسين اه غيرانة و مش متخيلة واحدة هتقعد مكاني و كل شوية تدخلك و الجو دا
ياسين: انتي اللي في القلب ولا اكنها موجودة و بعدين هتفضلي زعلانة كدا هقوم امشي
نهال: مش زعلانة
ياسين : علي فكرة وحشتني اوي
نهال: انت كمان وحشتيني
و قعدوا يتكلموا سوا نسيبهم بقا
في بيت الحريري
ياسمينا : ماما باقي تلاتة اسابيع علي الفرح و خلاص هروح بيتي انا مش عارفه هقعد في بيت انتي مش موجودة فيه ازاي
نادية: يا روحي ربنا يسعدك و يفرحك و بعدين انا متفقة مع يوسف انه هيجيبك هنا علطول و بعدين انتو هتقعدوا معانا هنا يومين في الأسبوع
ياسمينا : بس هتوحشوني اوي يا ماما و عمر و هزاره هفتقده جدا و ياسين هيوحشني اوي و بابا
نادية : يا روحي دي سنة الحياة و بعدين انتي واخدة يوسف عن حب و هو محترم و ابن ناس و مش هخليكي تحتاجي لينا خالص هيملي وقتك كلو..
في شركة الحريري
عمر: ايوه يا فيروزة قلبي
فيروز: ممكن تسكت انا زعلانة منك
عمر : و الله ما اقدر انا مشغول و كمان ياسين عندكوا و مش هينفع احنا الاتنين منكنش موجودين و يوسف في الفرع التاني
فيروز: هعديها المردي بس
عمر: طمنيني عليكي عاملة اي و المذاكرة عاملة اي معاكي
فيروز: الحمد لله تمام كان في واحد بيقول هيذاكر معايا بس شكله ناسي
عمر: الواحد دا هيجيلك باليل والله
فيروز: تمام هستناك بقولك انا هخرج اشتري شوية حاجات ناقصني
عمر: تمام ومتتاخريش و خلي بالك من نفسك
فيروز: و انت كمان
يوسف : ياسين فاروق الصفقة بتاعته بعد بكرا و رجع مصر امبارح
ياسين : لازم نخلص منه في اقرب وقت لانه ناوي علي الشر
يوسف : تمام كدا هننفذ خططنا
ياسين :توكلنا على الله
في فخ هنا فاروق البدري مراقب ياسين و عمر و كل تحركتهم و مخلي واحد واقف تحت العمارة اللي فيها نهال و فيروز و هنا بقا المفاجأة السودة
في بيت المصري
فيروز : انا خارجة يا بابا هشتري شوية حاجات و مش هتاخر
احمد : تمام يا فيروز خلي بالك من نفسك
عبير : ما بلاش انهاردة يا بنتي خليها يوم تاني
فيروز: مش هتاخر والله
عبير: خلي بالك من نفسك
و نزلت فيروز
و كان في واحد مستني تحت البيت بعربية
فيروز قدام العمارة مستنيه تاكسي
مجهول : يا هانم عمر بيه تعبان جامد وانا كنت لسه طالع لحضرتك العمارة
فيروز: عمر ماله في اي
مجهول: طيب اركبي حضرتك و هنروحله المستشفي
فيروز : يلا بسرعة هو حصل اي طمني
مجهول : كان بخير و فجأه اغمي عليه و تعب جامد و هو في المستشفي دلوقت و انا السواق بتاعه عشان كدا جيت لحضرتك بسرعة
فيروز: اطلع بينا علي المستشفى بسرعة
و بدا المجهول يطلع مخدر من جيبه ورش عليها حتي اغمي عليها
المجهول : تمام يا فندم انا معايا خطيبة عمر
فاروق : الله ينور عليك اما اشوف ولاد الحريري هيعملوا اي و هياخدوها ازاي..
وصل المجهول في مكان عبارة عن صحراء و فيه بيت صغير
المجهول : اترزعي هنا بقا
فيروز بدات تفوق انا فين وانت مين و فين عمر
المجهول : انتي مخطوفة يا حلوة و زمان الكبير علي وصول
في مكان اخر
فاروق : ايوه يا عمر يا حريري
عمر: ايوه يا كلب نهايتك قربت
فاروق: المحروسة خطيبتك معايا ابقا وريني هتاخدها ازاي
عمر: يابن الكلب فيروز لا يابن الكلب والله ما هسيبك.. يتبع
أنت تقرأ
أحببت فتاة بسيطة "الرواية كاملة"
Romanceتدورالاحداث حول بطل الرواية ياسين الحريري وهو شاب من عيلة غنية وشخصية صعبة جداً، نهال وهي بنت عيلة بسيطة وعاوزة تشتغل بعد تخرجها من الكلية وهتقابل قدرها في شركة الحريري ويلا نشوف الاحداث..
