أحببت فتاة بسيطة "الرواية كاملة"

الفصل الرابع

"احببت فتاة بسيطة"

"في بيت نهال"

فيروز : اظن كدا مفيش اي حاجة متخلكيش ترجعي الشركة دا ياسين الحريري بنفسه اعتذر منك و الحمدلله ان بابا كان في الشغل و ماما تحت و الا كنتي هتفتحي سين و جيم معاهم و جاي ليه و الكلام دا

نهال: تمام انا هرجع بس ياسين بيعتذر غصب يا فيروز و بكل كبرياء و عادي يعني لو بابا و ماما موجودين انا مش بعمل غلط سوء تفاهم و مديري بيعتذر مني

فيروز : نهال انتي واخدة بالك مين اعتذر دا ياسين الحريري

نهال: علي نفسه اي حد يغلط لازم يعتذر مهما يكون مين كلنا ولاد تسعة و لعلمك انا رجعت عشان ظروفي صعبة و اخف علي بابا مش عشان اعتذره اللي من غير نفس دا

فيروز : طيب يا كبرياء هانم يلا تصبحي على خير

نهال : و انتي من اهل الخير ياختي

"في صباح يوم جديد"

"شركة الحريري"

جلست نهال علي مكتبها في انتظار وصول ياسين و عند وصول ياسين طلب منها الدخول بالقهوة

ياسين: صباح الخير بعد اذنك القهوة و تعالي محتاج اتكلم معاكي

نهال: امر حضرتك

أحضرت نهال القهوة و قامت بدق الباب واذن لها بالدخول

نهال: اتفضل حضرتك محتاج تتكلم معايا و انا بسمع حضرتك

ياسين : اولا الموضوع بتاع الورق اتقفل و بلاش كلام فيه نهائي و سبق و ظلمتك و اعتذرت ثانياً اللي عملت كدا عقابها كبير اوي و ياريت متساليش مين ثالثاً اعتبري نفسك اول يوم شغل اظن كدا انا جاوبت علي كل الأسئلة اللي في دماغك

نهال: تمام اللي حضرتك تشوفه

ياسين: اتفضلي علي مكتبك

نهال: بعد اذن حضرتك

خرجت من مكتبه
في تفكيرها
اي الغرور و الطريقة دي بجد الله يكون في عون اهلك بني ادم مغرور و حتي طريقة كلامه صعبه تفوق من تفكيرها علي صوت

ياسمينا: ياسين موجود جوه

نهال :ايوه يافندم ثواني ابلغه ان حضرتك موجودة اقوله مين

ياسمينا: لا ياحبيبتي شكرا هدخل انا

نهال ومين دي كمان علي الصبح و هدخل انا اتفضلي ادخلي هتشوفي اي يعني مغرور افندي

بعد مرور نص ساعة من الوقت

ياسمينا : باي يا حبييي بابي و مامي منتظرينك علي الغدا

ياسين : تمام يا حبيبتى

نهال حبيبي و حبيبتي اي المحن دا ما بيعرف يتكلم اهو اومال الطريقة الوحشة ليا انا بس

تفوق من تفكيرها على صوته
ياسين: ياسمينا اختي الصغيرة و اتفضلي شوفي اللي وراكي

نهال: ازي حضرتك انا نهال