أحببت فتاة بسيطة "الرواية كاملة"

الفصل التاسع

في المستشفى

يوسف: طمني يا دكتور

الدكتور :الحمد لله اتنجد علي اخر لحظة و في كدمات في جسمه و كان في جروح خيطنها بس اطمن الحالة مستقرة دلوقت

يوسف: اقدر اشوفه

الدكتور : طبعا اتفضل يا فندم

يوسف : طمني عليك يا بطل

ياسين: اطمن انا بخير

يوسف : اي اللي حصل يا ياسين

ياسين : الكلب فاروق كان بعت حد ورايا بس الحمد لله بس اطلع من هنا بس و حسابه كبر اوي هخليه يتمنه الموت

يوسف : اهدا بس و نشوف الموضوع دا بعدين
انا هكلم عمر و اخليه ميعرفش طنط و عمو حاجة

ياسين :تمام

يوسف : الو ايوه يا عمر

عمر : ايوه يا جو اخبارك

يوسف : هقولك حاجة بس طنط و عمو ميعرفوش حاجة ياسين عمل حادثة بسيطة و هو تمام

عمر : ياسين ماله و انتوا فين عرفني بسرعة

يوسف :مستشفي حدائق المعادي التخصصي

عمر : مسافة السكة و هكون عندك

وصل عمر المستشفى

عمر : مالك يا ياسين انا قلبي كان هيقف

ياسين : اطمن انا بخير بس أهم حاجة محدش يعرف في البيت انا هكلمهم اقول مسافر يومين لحد ما اطلع من هنا

عمر: حاضر اهم حاجة تقوم بالسلامة

فون عمر بيرن

فيروز : ايوه ياعمر عامل اي

عمر: الحمد لله وانتي

فيروز : الحمدلله صوتك ماله

عمر : ياسين عمل حادثة بسيطة

فيروز : ينهار ابيض الف سلامة عليه

عمر : فيروز محدش يعرف عندك في البيت لان عندنا احنا معرفينهم ان ياسين مسافر

فيروز: تمام حاضر و ابعتلي مكان المستشفى عشان نجي انا و نهال نزوره

عمر: ملهوش لازمه

فيروز : ازاي يا عمر بس اخلص

عمر : حاضر اوعي حد يعرف يا فيروز

فيروز : حاضر.

في بيت المصري

فيروز :نهال عاوزه اقولك حاجة بس تفضل بينا

نهال: اكيد طبعا

فيروز : بس اتمسكي كدا

نهال : فيروز انطقي

فيروز: ياسين عمل حادثة

نهال في صدمة
ياسين مين يا فيروز انطقي

فيروز: اهدي بس كدا عمر قالي انه كويس والله

نهال: اهدا اي انا عاوزه اروح حالا

فيروز : اهدي هنلبس ونروح بس اتمسكي كدا عشان هنقول لبابا وماما اننا هنشتري حاجات

نهال والدموع تسيل علي وجهها
حاضر

في المستشفى

عمر : ياسين انا عرفت فيروز و نهال و عرفتهم ميقلوش لحد

ياسين : عمر انت اتهبلت

عمر : اعمل اي فيروز سألتني و مقدرش اسكت

يوسف : اهدا يا ياسين كدا كدا نهال كانت هتعرف

ياسين : يوسف خد عمر و اخرجوا دلوقت

يوسف : حاضر اهدا عشان الجرح ميشدش عليك

وصل كل من فيروز و نهال علي باب المستشفى... يتبع