#معاناة_يتيمه_2
.
.
.
.
نضال : السلام عليكم
بيسان: وعليكم السلام
حمزة: الله علي اصحابي المؤدبين😂
نضال : 😒😒
حمزة : تعرفو علي بعضكم
نضال : اني نضال مواليد 1992
بيسان: اني بيسان مواليد 1997
نضال : شن جوك
نضال : بالجوده بيك
بيسان: بيك اكثر ❤
بيسان: من كثر التعب سيبتهم يهدرزا واني خذاني النووم😴😴
________________
الصبح
جوري : نضت كالعادة علي صوت مرت خوي تبيني نخدمها هيا و صغارها ... نضت توضيت و صليت وخشيت المطبخ ندير في فطور
ابراهيم (أخ خوله وفي نفس الوقت ولد عمي): خش من باب المطبخ الخارجي....... صباح الخير جوري ❤
جوري : 😳شبحت لروحي كيف طالعه بالقفطان😭
.........ااااااا صببباااح النننوور
ابراهيم : 🤨خيرك فيك شي ؟
جوري : ااااا لاا لاا وخشيت نجري لداري منغير قفطاني تقول مغربيه 😭😭 صح ماعندي قفطان سمح نلبسه بس خير من القفطان اللي لابساته ...... كان قفطان امي الله يرحمها كبير وواسع علياااا هلبااا
خوله : صباح الورد علي وخيي الغالي ❤ باهي خطرنا علي بالك
ابراهيم: والله كنت مروح من المصرف قلت نخش نفطر معااكم❤
خوله : احلي مفاجأه ❤.......... جوري يا جوري
ردي يا بهيمه
ابراهيم: 😳عيب عليك يا وخيتي تعاملي في البنيه هكي
خوله : كيف تبيني نعاملها ... ناخذها بالأحضان مثلا ولا كيف؟ ؟؟؟؟
ابراهيم: ماقتلكش تاخذيهاا بالاحضان بس البنت يتيمه وحرام يندار فيها هكي💔
خولة : بالله فكني من محاضراتك الدينيه علي الصبح
ابراهيم : تنفرز بس ماعنده مايدير
خوله: بنوض نشوفها من بكري وهيا ادير في الفطور 😩🤨
ابراهيم: ربي يهديك يا خوله
ابراهيم كان انسان طيوب ومحترم عكس خواته بالضبط يحب الخير وكان معجب بشخصية جوري شكلا واخلاقاا❤
____________________
للكاتبة❤
🔥 بقايا الحنين 🔥
.
.
.
.
❤ممنوع نشر روايتي بدون اذني❤الكاتبه ماريا❤
.
.
.
.
بيسان : فتحت عيوني لقيتها الساعه 9 ونص
خشيت دوشت وتوضيت وصليت ومشيت للمطبخ نفطر❤❤
بيسان : صباح الخير ماما
سالمه : صباح الورد علي بنيتي❤❤
بيسان: وين بابا ليش مفطرش معانا
سالمه : قال عندي عمل مستعجل.
بيسان : ربي يعاونه❤
سالمه : ان شاء الله ❤
بيسان : فطرت وغسلت الماعين .... شديت النقال لقيت رسايل من نضال علي الخاااص
نضاال : صباح الخير يا عسوله.... غير دري علينا يا عسل😉❤
بيسان: 🤢🤮 قصدك هذا من نظام المعسلين...... مثقل دمه...... شفت الرسايل و مارديتش
خشيت علي حمزة علي الخاص
بيسان: صاحبك🤮🤮درااه
حمزة : غير وسعي بالك😐شن دارلك
بيسان: 🤢 كلامه معسسل🤮 واني منحبش الناس اللي هكي🙂🙂🧡
حمزة : 😂😂😂 كيف تبي معناهاا
بيسان: ما نبي شي بنديرله حظر
حمزة : هي هي انتي ماتطلعينش عيل قدامه
بيسان: والحل؟
حمزة : زيدي معاه يومين و بعدين ساهل
بيسان: علي شان خاطرك بس ❤
حمزة : اوكي💚
