خطيئه كوفيد ١٩ الجزء الثاني الكاتبه بتول مهدي

خطيئه كوفيد ١٩

مَرت الأيام مُرةً ذُقتُ بها مَنَّ العذاب ومن خطيئة لم تكن بالحسبان قتلتني من الوريد الى الوريد فقدت
أحيانا الخسارة المضاعفة يكون وقعها أصعب على الأنسان خسارة حبيب وزوج تلك الخسارات الكبيرة لا يعرفها الا من مر بها خسرت رجلاً كان لي السند والأهل لم أكن اقصد الخطأ لم أكن اقصد الخيانه انها لست أنا لست أنا كيف فعلتها ...........
سما مشهد (رجعت لبيت أهلي أمي تعرف الي صار وياي بس ابويه يعرف اني زعلانه........)
ام سما ها عيني أم المصايب
سما يمة فدوة اروحلج كافي والله مو قصدي اسوي وكعت بعصابه واني غشيمه ما اعرف للفيس
ام سما الغشيم يتعلم يالله يدخل ويصخم وجهه بالفيس طلعي باليوتوب سألي أحد يفتهم
سما يمه فدوة كافي ابوس ايدج اني كلبي على بتي لارا
والله
ام سما لو كلبج عليهه مسويتي سوايتج السودة
سما يمه وداعة لارا ما ادري وما متقصدة والله
ام سما لا تحلفين ابتج انتي وحده ادبسز لو عندج عقل من طلبو منج بالملابس الداخليه تفهميهه يالبعيرة
سما (بقيت الطم وابجي من أمي وتعيرهه الي بكل وقت وتهديدهه تكول لأبويه على عملتي مصطفى اختفى وانطاني بلوك وكل أهلي من كل مواقع التواصل حاولت اتواصل ويا بكل الطرق ما فاد.......)
مصطفى مشهد (بعد الي سوته سما كرهت النسوان بسببهه حبيتهه حب عاندت أهلي علمودهه عاندت الدنيا اخ سما اخ جازيتي تعبي بيج خيانه بس والله الا اذلج .. مرت الأيام بنتي يم امي واني أكثر وقتي بالدوام )
ام مصطفى يمه مصطفى مرتك على شنو زعلانه حتى انروح انرجعهه
مصطفى منرجعهه ولحد يوصل بيتهم فهمتوووو ولحد يفتح الموضوع شيلي هاي من كدامي
ام مصطفى يمه صلِ على محمد بتك لارا شعليهه
مصطفى شيليهه من كدامي يمه لذكرني بأمهه.
ام مصطفى اي يمه هاي شلتهه بس اهدئ
مصطفى فقدت اعصابي بنتي اذكرني بأمهه تشبهه أمهه بكلشي ضحكتهه واعيونهه طلعت برة بالحديقه ادخن فكرت انتقم منهه من الي سوته واذلهه قررت ارفع اوراق بالمحكمه طلاق من سما وبنفس الوقت تتنازل عن لارا اتصلت بيهه ب١٢ بالليل
سما اتصل مصطفى ب١٢ بالليل
أءءءلو مصطفى اسمعني
مصطفى اش ولا كلمه سمعي لج ارفع اوراق طلاك للمحكمه والبنيه تتنازلين عنهه
سما لا فدوة مصطفى كلشي ولا البنيه بكلشي عاقبني بس البنيه لا والله ما اعرف ذول عصابه
مصطفى عوفي سالفتج مال عصابه عرفتي اصورين معرفتيهم عصابه مشتغل عقلج العندي كلته ولا تحاولين بعد تتواصلين وياي ولا ويه أهلي اي احد يسألج زعلانه وبدون سبب فهمتي
سما فهمت بس بتي مصطفى
مصطفى انسي عندج بنيه وخلفتي والبنيه اذا سألت عنج اكولهه ماتت من جابتج للدنيا مع السلامه
سما الو مصطفى فدوة جاوب سد التليفون يمة كلبي بنيتي حرمني منج يروح أمج والله مو قصدي اسوي الي سويته (بقيت ابجي والطم الليل كله لحد ما نمت ب٤ الفجر حلمت اني بحفرة ظلمه وحواليه ناس كلهه تحجي عليه وناس تشمت بيه ومصطفى داير ظهرة الي وماخذ بنتي لطريق بعيد كلما أصيح بأسمه يبتعد اكثر لحد ما صحيت مختنكه .....
يتبع