خطيئه كوفيد ١٩ الجزء الثاني الكاتبه بتول مهدي

خطيئه كوفيد١٩ الجزء الثاني

تذكرتك في صلاتي وكان الفراق بيننا
اقسم لك يا حبيبي انه خطأ لم يكن مقصود
اقسم أني احببتك حد الجنون
اقسم لك يا من بكلماته تحيا دقات قلبي أنه خطأ لم يكن مقصود أن افعله
صمتاً اتعرفين الله بعد الخيانة
وهل للخطأ مبرر ام للخيانة مبررات
عذراً أقبح من ذنب تباً لك ايتها اللعينه
كيف خدعت بك ك الثعبان ناعمة ورقيقه لكن الخيانة والغدر طبعك !
مصطفى مر شهرين وكلت محامي يمشي بقضية طلاقي من سما أما العصابه الي هددو بدينه نتعقب موقعهم

ام مصطفى يمه ليش طلكت مرتك
مصطفى (بيدي جكارتي والهم وخيانة سما وكاره نفسي وأمي تسأل تسأل ) يمه ما اريدهه ولا اريد اسمع سيرتهه
ام مصطفى يمه صلِ على محمد كافي بعد ما اسألك براحتك
مصطفى اي سدو السيرة وبعد لحد يفتحهه
حديث بين ام مصطفى وابو مصطفى
ام مصطفى اكولك ابنك متغير حتى بته واخته قاسي عليهم
ابو مصطفى انتي اول ما ازوج سما اتعاركتي ويه البنيه والا اطلعهه ابدال متكسبين البنيه هججتيهم
ام مصطفى وطلاك مرته كول اني
ابو مصطفى ما حجالج شي
ام مصطفى لا ولا كلمه بس يكول ما اريدهه
ابو مصطفى عوفي الولد يحبهه واكيد جرحته جرح جبير خلته ميكدر يكول سبب طلاكهم لا تنسين ترة سما حب حياته
ام مصطفى اترك ابني هيج اشلون
ابو مصطفى اسمعي مني وتركي جرحه الزمن يطيبه انتي متكدرين اسوين لأبنج شي بس بيدج شي واحد تدعيلة بس
ام مصطفى الله يهدي بالك يا يمه ويبرد كلبك حسبي الله عليهه اسوتلك وخلتك بصفنتك وجكارتك بس
ابو مصطفى الله كريم عوفي راح اخذه ونطلع
ام مصطفى اي اخذه بلكت يغير جو
...............
مصطفى مشهد جنت صافن وادخن ايدي على راسي والثانيه على التخم ..... فزيت أيد على أيدي
ها بابا اشلونك
ابو مصطفى زين بابا وانته
مصطفى زين الحمدلله
ابو مصطفى ابني عندي موضوع وياك امشي نطلع
مصطفى اي بابا تدلل
ابو مصطفى ابني شنو الصاير وياك
مصطفى مصاير شي بابا مصاير شي (اخ يا سما خليتني اتحسر على حبي الج شكول الهم طلكتهه لان استغفلتني خانتني .....)
ابو مصطفى مصاير شي وكل هاي الحسرات الطلعن من صدرك
مصطفى بابا الحسرات الطلعن على نفسي وعمري ما فرزنت ناسي عدل
ابو مصطفى وهسه فرزنت
مصطفى بعديش بابا فرزنت ورة ما انطعنت والطعنه من شخص حاربت الناس والدنيا علمودة
ابو مصطفى ابني الزمن كفيل يبرد جرحك (حطيت أيدي على قلبه )ويبرد كلبك
مصطفى ان شاء الله يسمع منك بس ما اعتقد انسى
ابو مصطفى تنسى ابني تنسى مدامك مراح تبقي الحقد بكلبك
مصطفى الحقد هههههه مراح ينسي ولا يروح لحد ما يبرد كلبي
ابو مصطفى ابني انسى النسيان نعمه عيش حياتك لخاطر بنتك
مصطفى الله كريم الله كريم (والله لأندمج يا سما لأخليج تتمنين الموت )
سما مرت شهرين حاولت وحاةلت اتواصل ويا
سما يمة فدوة روحي لمصطفى اشوف بتي ساعه
ام سما والله تستاهلين كل الي صار وياج انتي لو عندج عقل وحكيمه جان هسه انتي ابيتج ويم بتج كولي الحمدلله ستر عليج وبس طردج
سما يمه بتي طك كلبي عليهه ساعه اشوفهه
ام سما لا تلحين وما اروح للولد بيا وجهه تردين اكوله يشوفج البنيه نزلتي راسنه
سما (كعدت بالكاع وابجي واتوسل بأمي وفجأة دخل ابويه ....)
ابو سما شكو شبيهه البنيه
ام سما مبيهه شي على بتهه تريد اشوفهه
ابو سما اني اجيبلج بتج كومي بابا
ام سما وين رايح يا رجال وين عوفهه لبتك
ابو سما مشوفيهه عيونهه راحن من البجي
ام سما عوفهه طبهه مرض تستاهل كل الي صار بيهه
ابو سما رايح لهذا اريد افتهم سبب مانع البنيه مشوف بتهه لأن هو بالدوله رافع خشمه
ام سما اوكف يا رجال ....... ارتاحيتي كملي نوحج كملي اذا عرف ابوج المسدس الي حطه براسج مصطفى وما كتلج بي ابوج يطم عارة ويكلتج
سما يمه وين رايحه
ام سما اروح ورة ابوج قبل لصير المصيبه