خطيئه كوفيد ١٩ الجزء الثاني الكاتبه بتول مهدي

خطيئه كوفيد ١٩ الجزء الثاني

خطيئه كوفيد ١٩ الجزء الثاني ٩
رجعت ساعة ١٠ هوسه كدام بابا بيتي مكافحه شرطه
شنو السالفه ابتعد ابتعد
ابو مصطفى ابني البقيه بحياتك سما لكيناهه منتحرة
مصطفى شنوووو سما ما اصدك وينهه
الشرطي ابتعد منكدر ندخلك منو انته
مصطفى زوجهه وينهه سما
الشرطي ادخل
مصطفى اشوف كدامي سما امددة على الكاع ومغطيهه بجرجف ابيض وشالات عادمة نفسهه بيهه كرسي مكلوب بالكاع كل قوتي راحت انغمى عليه ........
فتحت عيني ابويه على راسي وامي
مصطفى سما ماتت انتحرت ردت اعاقبهه ابتهه
ابو مصطفى اهدئ ابني الله يرحمهه خلص
ضابط التحقيق يريد يحقق وياك
مصطفى دخله مبقى عندي حيل بعد تعبت
ابو مصطفى ابني انته قوي شد حيلك لخاطر بنتك
مصطفى هي لارا كاسرة ظهري
ضابط التحقيق السلام عليكم
مصطفى عليكم السلام
ضابط التحقيق
البقيه بحياتك
مصطفى بحياتك الباقيه شكرا الك
ضابط التحقيق لكينه هاي الورقه اظاهر اكو بينكم مشاكل عائليه وحتى بينك وبين زوجتك
مصطفى اي بينه مشاكل عائليه هواي
ضابط التحقيق سما جانت تعاني من مشكله
مصطفى لا ما عدهه اي مشاكل
ضابط التحقيق شنو االمشاكل الي صارت وياكم بالأخيرر و وصلتكم للطلاق
مصطفى اسباب احنه تفاهمنه قل بعد ولادة بنتي
ضابط التحقيق انته علاقتكم عن حب شنو الصار بالضبط وصلهه للأنتحار
مصطفى نفسيتهه جانت اخر فترة تعبانه وهواي تطلب تنفصل عني
ضابط التحقيق زين شنو سبب طلبهه الطلاق
مصطفى ما أعرف
ضابط التحقيق زين اتركك ترتاح البقيه بحياتك
مصطفى بحياتك الباقيه
(بقيت يومين بالمستشفى وبعدهه طلعت للبيت الذكرى الوحيده الي بقتلي من حبي الي انتهى بمأساة لارا بديت افكر اشلون احافظ عليهه واشلون اوعيهه للدنيا .....)