ف احد احياء مدينة بحري ف قسم من اقسام شرطتها تم رفع البلاغ التالي بالعثور على جثه داخل شقة من الشقق **
الملازم اول ابوبكر :ي عسكري حرك قواتك نمشي نشوف الحاصل شنو
العسكري: تمام سعادتك ✋
*طلعت الدوريه متجه ل مكان الجريمه بعد م لقو صاحب الشقه وفتح ليهم الشقه وبعد جمهر من الناس عرفو الجثمان بعد دخوله للطب الشرعي لانو كانت متغيره ليها اكتر من تلاته يوم الجثمان كان حق بت
ابوبكر: لازم البت دي تتعرف اهلها وهي من وين وبتقرا وين وكل التفاصيل دي
العسكري علي : تمام ي ساعدتك كلو محلو
**بعدها تم اعتقال صاحب الشقه لانو المتهم الوحيد وبدو يسألوهو مأجر الشقه دي لي منو
صاحب الشقه :والله ي ساعدتك انا كنته مأجره ل واحد وهو طول م جا هنا وم بعرفو ساكن وين
ابوبكر: بغضب ونهره 😠 كيف يعني تأجر لزول م بتعرفو
صاحب الشقه والله ي ساعدتك قعد يقطع ف الكلام من الخوفه
ابوبكر : م تقطع لي انا بسأل فيك اتكلم زي الرجال
صاحب الشقه : ي سعدتك...
يقاطعهم صوت المتحري سعدتك قدرنا نتحصل علي المعلومات الكافيه باقل التفاصيل وقدرنا نصل علي اقارب البت بس ي سعدتك المصيبه م هنا
ابوبكر ف شنو 😳ي علي
علي : سعدتك الزول الكان ماجر الشقه وسكت علي مسافه
ابوبكر : اتكلم ي علي ف شنو وده منو 😠
علي: والله ي سعادتك مع الاسف الزول ده كان سعادة الملازم اول علاء الدين
ابوبكر:شنو😳؟؟
علي: زي م قلته ليك سعدتك ودي الصدمه النزلت علي
ابوبكر : طيب هو وين اسي جيبوهو لي
علي: دي المشكله هنا مختفي ليهو تلاته يوم
***علاءالدين ده كان صاحب ابوبكر وهم الاتنين اصحاب ف الشغل ومو زمان وابوبكر اتفاجئ انو يكون علاء متورط ابو بكر رجع لي صاحب الشقه عشن يسألو فعلا طلع انو علاء الدين الكان مستأجر الشقه ابوبكر انصدم شديد وبدا يمسك خيط عشن يحل الجريمه دي اول خطوه استدعى اهل المجني عليها
بعد م اتصل والبت كان اسمها مروه عبدالحكم واتصل علي ابوها وجا ابوها واخوها لحدي القسم واخوها كان اسمو محمد وبدو يتعرفو علي الجثمان وفعلا طلعت هي زاته وبعداك التحقيق اخد مجراهو وتم استدعاء زملاء ف الجامعه وكلهم بقو ف القسم وف واحده بتبكي بكاء شديد ابوبكر قام هرشه ي بت اغفلي خشمك ده 😠والموت حق دي كانت اقرب وحده لي مروه اسمها صفاء بعد داك ابوبكر ساقها المكتب وبدت تحكي عنها من البدايه.......
.
.
.
ابوبكر :عم عبدالحكم ربنا يتقبلها بواسع رحمتو وان شاء الله نجيب ليك حقها والعداله حتاخد مجراها باذن الله
عبدالحكم:(والقهر والزعل ماليهو وعيونو مليانه دموع) لي يحصل كده يااخ
محمد ولدو:: استهدى بالله ي ابوي كلنا راحلين وان شاء الله العمل العمله دي ليهو يوم والحق يبان
ابوبكر: انشاء الله يحصل كل الخير خلاص ي عم عبدالحكم انتو ارجعو استرو الجثمان واعملو عزاكم وبعد تحصل اي مستجدات تاني بطلبكم حالا بس اسي خلو لي زملائها وناسها البتعرفهم
عبدالحكم خير ي ولدي الله يكون ف العون
ابوبكر ساق صحبتها البتبكي ومشو غرفة التحقيق وبدار التحقيق بالحوار التالي ::::_____
ابوبكر: اسمك كامل؟؟
البت وهي بتبكي وتقطع ف الكلام...
ابوبكر استهدي بالله ي بت الموت حق اتكلمي معاي عشن نقدر نفهم الحاصل واجيب ليك حقها
البت لسه مصره وتبكي
ابوبكر :طاااخ يضرب التربيزه ويجوط فيها بطول صوتو
البت سكتت شويه وبدت تتكلم:......
اسمي صفاء عبدالعظيم عبدالله
ابوبكر:بتقرو وين ي صفاء وعلاقتك بي المرحومه مروه ممكن تبدي تحكي لي كل شي عشن انا اقدر افهم الحاصل ورجاءا عشن الواحد يقدر يحل المشكلة وياخد ليها حقها
صفاء: طيب ي جنابو
نحن بنقرا ف جامعة *** بنقرا إدارة اتعرفت علي مروه ف الجامعه وبقت لي اكتر من اختي ف فتره بسيطه قدرنا نعرف بعض شديد واكتر واكتر كنا ساكنين ف داخليه زينا وزي اي بنات بجو من بلدهم عشان يدرسو
ابوبكر: اممممم الداخليه كانت قريبه للجامعة؟؟؟
صفاء :، اي بس م قريبه شديد يعني تلت ساعه بالكتير اذا راكب عربيه ونص ساعه اذا ماشي برجولك
ابوبكر : طيب انتو كنتو بتمشو بشنو
صفاء: نحن احيانا كنا بنمشي ساي والونسه تشيلنا لحدي م نصل
ابوبكر:، طيب ف كان حاجه بتاوجهكم ف الجامعه؟؟
صفاء:، م فهمته قصدك
ابوبكر :، هل كان ف مضايقات بتحصل ليكم من زول شباب كده يعني وانتو راجعين مثلا ف زول قاعد يتعرض ليكم؟؟؟
صفاء: بالعكس كل الجامعه كانت بتريدنا وتضحك معانا وم ف زول برضى فينا حتى احيانا اصحابنا بجو معاهم ناس ونحن بنتعرف عليهم وببقو اصحابنا شديد حتى بسبب الحاجه دي مروه ارتبطت ليها مع واحد كان تقريبا ليهو رتبه
ابوبكر : قلتي شنو وهو مخلوع 😳😳؟؟؟
صفاء زاته اتخلعت وبقت محتاره::
صفاء:، مالي سعدتك
ابوبكر عيدي كلامك قلتي مربطه مع شنو؟؟
صفاء : ايوا مربطه مع واحد رتبه
ابوبكر بس عايز اعرف كل شي عن علاقتهم دي بالتفصيل الممل
صفاء : طيب
ابوبكر : بغضب 😠 من غير نقصان او كذب سامعه
صفاء :، جاته خوفه كده😥 طيب حاضر
🖋️🖋️🖋️يتبع....
