اخر مره لما ابوبكر بدا يستجوب خالد وقال ليهو :
ابوبكر :يعني اسي بعد الجوطه دي كلها تجي انت ف لمحة بصر وتقول انك كتلتها؟؟؟!!!!
خالد :اي المشكلة وين يعني
ابوبكر :كلك مشاكل وتكلم بادب انت تحت تحقيق وخليك منتظرني جوه لحدي م افتح ليك بلاغ ونشوف نهايتك شنو
خالد: (بضحكة استهتار) خير ي سعادتك
ابوبكر : (يقيف ويديهو عين قويه) بعدها يطلع يمشي لعلاء كالعاده
علاء: اها ي بكري الحصل شنو
ابوبكر : والله القضيه مرات تضحك ومرات تجنن ومرات تغفله مع الواحد
علاء : كيف الكلام ده
ابوبكر : والله زي م اقول ليك وبدا يسرد ف قصة صهيب وخالد........) شفته التعقيد ده كيف بقيت بحس انو نحن ف فلم هندي
علاء: والله قصه غريبه كدي انت حقق مع خالد بكل طرقك البتعرفها وتعال نتفاهم تاني
ابوبكر : خير ي زول
#ويطلع يمشي علي مكتب التحقيق :::
ابوبكر :شوف ي خالد من غير لف ودوران وجر جره احكي لي القصه من الاول
خالد : جدا ي سعادتك والله مجرد م وراني عمار والدم بدا يغلي عروقي وقدر م حاولته ابرد نفسي م قدرته واتصلته علي صهيب وجا وبدينا نخطط...
#يقاطعو ابوبكر... :::
ابوبكر : بس علي حسب افادات صهيب انك انت سافرته الشماليه لمده من الزمن صاح ول لا؟؟؟
خالد (يسكت ويفطع مسافه) ايوا صح بس انا م سافرته انا كان بديت انفذ الجريمه
ابوبكر : بس انت ووقت عايز تنفذ براك لي اتصلته علي صهيب
خالد : عشن يكون عندو خبر وبعدين م يتحرق ويزعل عليها علي الفاضي
ابوبكر : ده كل العندك؟؟؟
خالد :"، ايوه سعدتك
ابوبكر؟ : حتترمي زيك وزي اي كلب ف السجن ونشوف حسابك بعدين
!.... ###
ابوبكر : ي علاء الزول ده حكي لي قصه المهم قصة م بتخش الراس
علاء : اللي هي شنو
ابوبكر : الحصل انو...........
علاء : صح الزول ده انا حاسي انو وراهو مصيبه كبيره
#بعد سكوت دام بيناتم الاتنين لمدة عشره دقائق ينطق ابوبكر
انت البتساعدنه ي علاء ف انو نقدر نصل للقاتل ده
علاء : بي دهشه انا؟؟؟؟
ابوبكر : ايوه انت
علاء : كيف طيب
ابوبكر : انت مش ااتبادلته الضرب مع الزول الكان كتل المرحومه
علاء : ايوا صح بس هو كان مغطي وشو
ابوبكر : اي صح لو م مغطي وشو كان عرفناهو من غير جرجره بس قصدي حاول اتزكر وصفو طولو لونو حجمو اي حاجه
علاء : والله م قادر اتذكر
ابوبكر : حاول ياخ
علاء :(بعد مده من الزمن) والله كان متوسط الطول اسمر كده لكن م اسمر شديد
ابوبكر : طيب تاني حاول اي شي اتذكر ياخ
علاء : والله بتذكر انو كان ف خاتم شكلو غريب ف اصبعو خاتم كبير والحاجه التانيه ف اثار ضربه قديمه في يدو فيها اثر خياطه ف ايدو اليمين
ابوبكر : بس تمام زي م كنته متوقع كل الحاجات دي م كانت ف خالد
علاء : يعني زي م متوقعين م هو القاتل وشكلو ف لعبه كبيره ورا الحاجه دي
ابوبكر : بالضبط كده
يقاطعم صوت علي سعدتك اسف علي الازعاج بس ف رساله من الطب الشرعي من دكتور عمر بقول انو الورقه دي م وصلت مع نتائج المرحومه بعد التشريح
ابوبكر وعلاء : ورقة شنو كمان؟؟؟!!!
علي سعادتك مع الاسف بقول انو المرحومه اتعرضت للمس من زول غريب غير زوجها وكانت بطريقة اغتصاب
ابوبكر وعلاء: شنوووو 😳😳😳؟؟؟؟؟؟!!!!!
علي : زي م قلته ليكم
ابوبكر و علاء : بس كيف يعني؟؟!! 😳😳😳
علي : ده الحاصل سيادتكم دي كل المعلومات الوصلتني
#لحظة انهيار وصدمه 💔
علاء : [قعد يبكي ويصرخ ووقع ف الارض]
ابوبكر : ي زول استهدى بالله وقوم شد حيلك ده م انا علاء البعرفو
علاء : [بصوت مبحوح] كيف ابوبكر عان البحصل ده شنو وحصل كيف ومتين وده منو العمل كده ده والله م حارحمو!!! 💔
ابوبكر : قوم ي صاحبي وان شاء الله حنقدر نحلها وناخد حق مروه اصلو م تاكل هم انا بستمد منك القوه م تخزلني
علاء :(لحظه من الصموت ووقف علي حيلو) صدقت ي اخوي م وقت الانهيار وانا معاك
ابوبكر : اي ده رفيق دربي البعرفو
علاء : الخطوه الجايه اللي لابد نعرف ده منو الاغتصبه ده
#يقاطعو //ابوبكر :الخطوه الجايه لازم اخلي خالد ده يعترف واكيد عندو خبر بس لازم استدرجو واحستدرجو بي طريقه لازم تخلينا نعرف المغتصب منو والقاتل منو
علاء : صح عقلك كلامك ف محلو خلاص اتوكل وربنا يسوي الفيهو خير
ابوبكر : عديله
#مكتب التحقيق
غفل المراوح وغفل الانوار وخلى اضواء خافضه وادوات تعزيب اكعب من الكانت فيهو
ابوبكر (بطول صوتو) جيبو الكلب ده هنا
خالد (بدت تظهر عليهو اثار الخوف والفزع ومخلوع)
ابوبكر : (بكل غضب ووصل الحد) شوف من غير لف ودوران معاك انا م فاضي لكذبك اللي انا وانت عارفنو كذب ومصر تكذب واذا انت لسه مصر تكذب والله العظيم الكهرباء والمويه الا تاباك
خالد : (بدى يقطع ف الكلام) ف شنو فشنو..... 😳😳
ابوبكر : قبلي شويه وصلنا تقرير من الطب الشرعي كان اتنسى ف الجنائيات وبقول انو المرحومه كانت مغتصبه وبعنف كمان
خالد : شنو 😳؟؟!!!
ابوبكر:( بغضب )اسكت 😠 م تعمل فيها م عارف لانك انت الاغتصبتها
خالد : انا 😳 والله م اغتصبتها
ابوبكر :اسكت ي جبان لانك اغتصبتها تغتصب بت خالتك وانا اسي حاتصل علي عم عبد الحكم واوريهو انك انت اغتصبتها وبعدها كتلتها وحاسلمك ليهم يعملو فيك الدايرنو وبعداك تتحاكم (بعدها ابوبكر بقي طالع مع واثناء م عايز افتح الباب)
خالد :(صرخ بطول صوتو) انا م اغتصبتها ده هشاااام
ابوبكر : (وقف وابتسم ابتسامة نصر) بعدها اتهجم هشام ده منو كمان 😳
خالد : ده واحد كان معاهم ف الجامعه وكان مراقبه من زمان
ابوبكر : وانت عرفته كيف واسي هو وين ةة؟؟
خالد : انا لمن كنته براغب الشقه كانت ف وحده منغبه بتجي كل يوم قبلي علاء ##(ايوا يلى هنا اتذكرتو دي المنغبه الكان شافوها الجيران تتذكرو يلى نشوف الحصل شنو) المهم شكيت ف امر المنغبه شديد وقبل يوم من جريمة القتل اختطفته البت دي
ابوبكر : 😳 واصل
خالد : لم اختطفتها وخدرتها بي بخاخ ووصلتها علي مكان مهجور ف.***** وفتحته النغاب لقيت انو المنغبه دي ولد وانتظرته بعد فتح عيونو وصحصح ورشيتو بي مويه وكفتو وطلعته ليهو سلاح واستجوبتو وهددتو وبدا يعترف لي بانو كان بهدد المرحومه عشن يقيم معاها علاقه جنسيه وكان بهددها بانو حيخرب سمعتها ف الجامعه وهي هنا وافقت #(هنا ابوبكر بدا يتذكر المنغبه وحكاية الرقم الفيهو استفهام وده كان رقمو هو) وانا هنا م قدرته عرفته انو المرحومه اتويخت وسخة شرفنا اكتر والموت م خساره فيها
ابوبكر : طيب هشام وين اسي
خالد : ف مكان ف *******
ابوبكر ( بعدها طلع ومشى علي علاء وحكى ليهو الحاصل وحرك قوه بقيادة علي وجابو هشام ورموه ف السجن وبعدها ابوبكر اتصل علي عبدالحكم وكلمو وبعدها عبد الحكم جا وعرف الحقيقه وانهار اكتر ومشى تفه خالد عشن عملتو وطالب بي محاكمتو
أبوبكر : بكره ي عم عبد الحكم ده كلو حيبان ان شاء الله وتعال عندنا محكمه بكره ضد العواليق ديل كلهم
عبدالحكم :خير ي ولدي
ابوبكر( يرجع لعلاء) :انت عترف بكره انا عامل ليك فيهم عمليه
علاء: كيف؟؟😳😳
ابوبكر : انا حليت الجريمه وحاتوكل وم حاتراجع اذا طلع كلامي صح او غلط
علاء: عايز تعمل شنو؟؟
ابوبكر : اصبر وحتشوف بكره........ يتبع 🖋️🖋️
