كملي ي صفاء دي اخر نقطه ف الحلقه الفاتت....
بعد صفاء بدت تسرد القصه وانا حاسردها ف شكل حوار زي م عودتكم:::__
مروه : طيب الحل شنو يعني
علاء : الحل انو نتزوج
مروه : كيف شنو 😳😳😳 دقيقه انت بتهظر؟؟!!!
علاء : استهدي بالله اسي مالك م بتعملي كده
مروه : لكن اسي كلامك ده م بجنن
علاء : انتي اسي فهمتي حنعمل شنو
مروه: لا
علاء : طيب م تجوطي ساي اسمعيني لي النهايه نحن نمشي المحكمه ونعقد هناك وانتي حيكون شاهدك صفاء وانا شاهدي عمار ويكون الزواج مكتوم
مروه : يعني عرفي؟؟؟ 🙆♀️
علاء : اي بس يعني م العرفي المعروف ده ده عرفي بوصلنا علي انو تبقي حلالي قدام كل الناس
مروه: م فهمته علاء انت بتجنني بكلامك البتقول فيهو ده
علاء : م ف اي جن مجرد م نحن نعقد ونمارس حياتنا عادي كاي زوجين كده لمن ترجعي لاهلك تقولي انك متزوجه وانا حاجي معاك وكده محيتزوجك ود عمك ده وصح حنسمع كم كلمه بس نحن متزوجين حلال حتى ف البدايه قدام القاضي
مروه: (بعد تفكير طويل ومده من الزمن) طيب موافقه
علاء: ايو انا عايزك كده يااخ
مروه: طيب حيكون كيف ومتين
علاء: حيكون ف يوم الثلاثاء بعد بكره يعني وانتي جيبي صفاء وانا بجيب عمار بعداك نمشي علي صحبي اللي هو قاضي بعداك حيساعدنا وينفز لينا باقي الاجراءات
مروه : طيب تمام
علاء : ولسه كمان انا اجرته شقه ودي حتكون حقتنا
مروه : هوي علاء الدين انت جنيت ول حاجه 😳
علاء : مالك مش حلالي حتبقي تاني عادي يعني
مروه : واجي اقعد فيها نهائي ارحل يعني ول شنو
علاء : لا لا بس الوقت البتكوني فاضيه فيهو ونخصص يوم ف الاسبوع ونقعد فيهو اليوم كامل غايتو اختار الاتنين عشن بكون م عندي كتير زابط معاك مش
مروه : اي زابط
علاء : خلاص يااخ فكي الكشره دي حتبقي حلالي ياخ م ف داعي للزعل ده
مروه عاينت ليهو وابتسمو الاتنين بعد م مروه رجعت الداخليه حكت لي كل الحصل وانا ف البدايه رفضته لكن اصرت علي شديد وقدرت تقنعني لحدم جا يوم العقد ومشينا وحضرنا العقد والعقد تم
ابوبكر : يعني عمار كان معاكم؟؟؟
صفاء : ايوا كان
ابوبكر : بس نفس الكنته متوقعو ميه بالميه يلى وااصلي ول تاخدي راحتك شويه؟؟
صفاء : لا لا بواصل لانو الشي البعرفو قرب يخلص
ابوبكر : تمام
صفاء : بعد العقد تم وطلعنا كلنا وهو ساقه معاهو اليوم داك الشقه وانا قلته ليها ارح الداخلية هو اصر عليها نظام اول يوم ليهم وكده المهم مشت معاهو وعدا اليوم داك ولحدي اليوم البعدو الصباح لحدي الساعه 11 م ف زول برد علي الخط بعد مده حتى ردت وصحت مخلوعه وشاكلتها حتى لبست طلعت وخلت الأستاذ داك نايم من غير م تكلمو المهم وصلت الجامعه مهزلتها بعداك واصلنا باقي الدوام المحاضره كانت 12 بعدها رجعنا الداخلية وكانت مبسوطه واتعودت انها تكتر من المشيات للشقه وكل مره بقول ليها ده م اتفاقنا المهم لحدي م عدت الايام ومرت وانا بحنس فيها انها تبطل وحصل الحصل ده 😭😭
ابوبكر : لاحول ولا قوة الا بالله خلاص الحصل كلو مكتوب وان شاء الله حقها م يضيع خلاص كفيتي ووفيتي وكان احتجناك حاطلبك تاني وحاوفر ليك حمايه لحدي م ينتهي التحقيق ف القضيه دي
صفاء : كتر خيرك ي جنابو ودي اختي واكتر ربنا يتقبلها ويقدرك علي انو تاخد ليها حقها والكان السبب ف ضياعها وضياع عمرها ومستقبلها
ابوبكر : ان شاء الله اتفضلي وان شاء الله حقها يرجع
بعد م وصل صفاء للباب :_=
ابوبكر : ي عسكري
عسكري : تمام سعدتك
ابوبكر : انت تبقي عشره علي البت دي وتوصلها ف اي زمن وتخلي بالك منها لحدي م ينتهتي التحقيق ده
عسكري : حااضر سيادتك،، اتفضلي ي مدام
أبوبكر : ي علي
علي : نعم ي سيادتك
ابوبكر : عليك الله علي بال م اصلي المغرب جهز لي علاء الدين ده ف مكتب تحقيق الضباط
علي : اوامرك سعدتك
بعد م ابوبكر صلى والدنيا ضلمت شويه دخل مكتب المفاوضات علي ضوء خافت وكان ف كرسين وتربيزه ونور موجه علي واحد من الكراسي اللي هو كان فيهو علاء
ابوبكر :( من غير اي مقدمات) م توقعتها منك!!! معقول ده انت؟؟؟ لا لا!! م اظن الزول الانا وهو شغلنا عشن نقبض البعملو عمايل زي دي!!! مستحيل (طاااخ يضرب التربيزه وبطول صوتو : وصلت بيك لحدي هنا 😠
علاء: ابوبكر حتى انت م بتصدقني
ابوبكر : اصدق شنو ياخ اكتر من كده
علاء : انا م كتلتها ياخ والله م كتلتها
ابوبكر : كل الادله موجهة عليك
علاء : بس انا م كتلتها! (وقعد يبكي)
ابوبكر : بتبكي كمان والله انت م البعرفو انا اسكت 😠 وخلي امور البطاله دي وقت م بتقدر عليها بتدخل فيها لشنو
علاء : يااخ والله العظيم انا م كتلتها
ابوبكر : تسوق البت وتتزوجها باالدس وتقضي معاها ايامك شكلك زهجته منها بعداك قتلته خايفه تكون حامل منك مش؟؟ هههه والله ي حليل اخوي ياخ هزلت نحن نقسم علي انو ننضف الرزائل وهو مُصر علي انو يعملها
علاء: يوكرك باقصى صوتو وزهج 😡😡😡 انا م كتلتها يااخ طفح الكيل انا عملته ده كلو بس م كتلتها والله العظيم م كتلتها واكتلها كيف وانا ميت فيها حب وم قادر انساها
ابوبكر : الحب بقاك ضعيف طيب لي مشيت خليتها
علاء : انا كنته جاي راجع اليوم داك قريب المغرب راجع علي الشقه وهي علي اساس هناك منتظراني وصلته الشقه حسيت ف حاجه م تمام عاينته بالعين السحريه لقيت ف دم ف الا رض اول م فتحته الباب دخلته سريع عليها وانا منهار قعدته جمبها بقيت بصحي فيها كل مره وم عايزه تصحى قلبتها لقيت فيها 5 طعنات وانا اتخلعته م مصدق بعد شويه حسيت بي انو ف حركه وراي بحركه سريعه قدرته ازوق بس م قدرته اشوف الزول لانو مغطي وشَو بي شال واتلاوينا واتضاربنا بعداك قام هرب ونطى بالشباك حق الشقه وانا رجعته جوه بقيت م قادر ولافهمته اي حاجه ومن الخلعه لقيت نفسي جاري ساي حتى قدر م احاول ارجع واشوفها باالمنظر ده م قدرته وقلته لو بلغته انا الحاتورط بعدها قمته اتذكرته التافه الاسي ده عمار وبعد مشيت ليهو هناك قعد يستفز فيني انو حيتصل بالشرطه وانا افتكرتو بهظر انا اصلا كنته جاي اسلم نفسي بس فجأه لقيت علي بالعربيه وجا ساقني لكن والله العظيم م كتلتها
ابوبكر : ده كل العندك
علاء : اي والله ي بكري
ابوبكر : خير تمام( بعدها ابوبكر طلع برا ولقى نفسو جايط لانو المشاكل الزي دي لمن تحصل كان بستعين بعلاء صحبو لانو زكي شديد وكان بحلوها سوا واسي علاء زاتو متورط بقى بسأل ف نفسو ياربي الحل شنو ي رب تلهمني الحل!!! بعدها قرر يرجع لعلاء الدين لانو ااتغفلت ف وشو........
**ابوبكر غفلت ف وشو وم قدر يبدي حل ف المشكله دي ف اتطرأ انو يرجع لعلاء لانو صحبو الوحيد وم ف جريمه صعبة عليهم الاتنين.......
الساعه 12:00 صباحا::::____
بعد تفكير شديد ف الليل داك ابوبكر يفتح زنزانة علاء
ويدخل عليهو وصحاهو
ابوبكر : علاء، علاء، علاء...
علاء: ايوا ي ابوبكر (بخلعه _ ف شنو ف شنو 😳
ابوبكر : م ف شي بس انا تغفلت ف وشي وم قادر افكر براي ونحن متعودين نحل قضايا زي دي برانه
علاء: صح والله بس الليله انا خذلتك م قدرته اأدي واجبي واقيف معاك
ابوبكر : م ف داعي للكلام ده المهم اسي اقيف معاي عشن نقدر نتخطى المرحله دي ونثبت برائتك
علاء: 😳😳😳 اتأكدته كيف اني برئ؟؟
ابوبكر : نحن اصحاب من كم سنه؟؟
علاء : اكتر من17سنه
ابوبكر : طيب دي محتاجه. ليها سؤال كيف م اعرفك بريئ وانا بثق فيك اكتر من نفسي
علاء : طيب بداية تحقيقك وزلتك لي
ابوبكر :انت اهبل مالك م بتعرف قوانينه شنو بعدين م ممكن اتعاطف معاك او تعامل كزميل اوصاخب ف وضع حرج زي ده كان لازم اقسى عليك ف التعامل لانو القانو بيتطلب كده زايد انا زعلته من تصرفاتك العملته دي اللي وصلتنا مرحله زي دي كنته بشاكل فيك كاخو بشاكل ف اخوهو عشن غلط كبير
علاء : دموعو بدت تنزل
ابوبكر : وريتك حركات الناس الم كويسه دي م تعمله قش دموعك دي عشن نقدر تتخطى الوضع ده (وبعدها حضنو بعض)ان شاء الله بنتخطها ي اخوي م تخاف
علاء : ان شاء الله
ابوبكر : كدي اسمع كلامي ده وركز ونخش ف التفاصيل دي لانو انا غلبني البسوي
علاء : طيب
ابوبكر : كدي وريني انت ف رايك البكون عمل العمله دي منو
علاء: والله ي بكري انا زاتي محتار
ابوبكر : طيب انت ف زول عارفك متزوج غير صفاء وعمار
علاء : لا م ف زول
ابوبكر : طيب عندك عداوه مع زول؟؟؟
علاء : لا والله
#بعد سكوت منهم الاتنين علاء يتكلم :
كدي دقيقه انتو عرفتو اني ف الشماليه كيف؟؟
ابوبكر : عمار اتصل وكلمنا
علاء : كيف كيف؟؟ شنو 😳😳 والتعجب مالي وشو
ابوبكر : اي عمار لي مالك
علاء : كيف ولي؟؟
ابوبكر : والله السؤال ده انا زاتي محيرني انتو مش اصحاب وهو كان شاهدك
علاء: اي ده الحصل!! اقول ليك شي
ابوبكر : اي
علاء : اعتقلو عمار ده
ابوبكر : اصلا هو معتقل معقول انا افوت حاجه زي دي
علاء : بس تمام ده اول متهم
ابوبكر : تمام ده امر مقضي بس ف زول عندو معاك حساسيه كده ول كده او ف اي زول كان عندو عداوه مع المرحومه؟؟
علاء : م اعتقد لكن ف واحد ودعمها كان عايز يخطها ويتزوجها بس هو ف السعوديه وهو كان عندو معاها مشاكل لانو هي م دايراهو
أبوبكر : اممممممم اسي هو ف السودان؟؟
علاء : والله م اعتقد اسال اهلها
ابوبكر : تمام
علاء. : لكن ي بكري استدعي صفاء بكره برضو وحاول تخليها تتذكر لو كان ف اي زول كان عندو مع المرحومه عداوه
ابوبكر : صح والله برضو فهم
علاء : زايد استدعي صاحب الشقه والجيران الف الطابق الارضي عسى ولعل نوصل لحل
ابوبكر : يااخ صح لسانك عرفتك م حتخيب ظني يااخ
علاء: ابشر ي اخوي وان شاء الله تتحل ويتحاكم الكان السبب
ابوبكر : ياريت لو اقدر اعمل ليك ضمان ابراء زمه عشن نقدر نحل الموضوع ده سريع لكن الموضوع فيهو قتل عمد م بقدر اطلعك
علاء : انا واثق من الحته دي وان شاء الله انا هنا بساعدك بس انت خلي الموضوع سر وامشي اخد راحتك للصباح راجياك تحقيقات كتيره
ابوبكر : خير وبركه للصباح ان شاء الله...... يتبع🖋️🖋️🖋️
