ابوبكر : يلى ابدي لي ف التفاصيل
صفاء: تمام ي جنابو (والعبره خانقاها)
نحن كنا شله ظريفه ف الجامعه لحد م جا يوم من الايام وكان عندنا طلعه ظريفه شابات وشباب المهم كنته بحنس ف مروه عشن نطلع بس كانت معاكساني انو نطلع ف النهايه قامت قاالت لي خلاص طيب نمشي وم نتأخر
المهم مشينا والقعده كانت ف حديقة ***** بعد وصلنا وقعدنا وباقي الشباب وصلو كان ف صاحبنا اسمو خالد لمن جا القعده كان معاهو واحد كده وسيم مشاء الله عليهو وجسمو رياضي متناسق ومظهرو زاتو ليهو هيبه ملامح الرجوله ظاهره ف وجهو...... هنا يقاطعها ابوبكر : ده علاء الدين؟؟
صفاء:(وهي مهجومه ومخلوعه) ايوا ياهو بس انت عرفته كيف؟؟
أبوبكر : مع الاسف هو دفعتي ورفيق دربي بس ان شاء الله م يكون متورط
صفاء: طيب المهم جاء علاء الدين داخل وسلم علينا وقعدنا نتونس وبقى دايما مركز مع مروه وهي كانت بتضايق من الحاجه دي المهم مع مرور الزمن وبعد كم قعده ف نفس المكان ف يوم كان علاء الدين حاول يتونس مع مروه وهو قعد جمبها بس هي قامت جاطت فيهو قداام الناس وبعدها طلعت طوالي بعد طلعنا انا قمته اتكلمته معاها:
صفاء: لي عملتي كده ي مروه 😳
مروه: انتي مالك 😒م شايفاهو كان بعاين لي كيف وحركاتو البعمل فيها دي
صفاء: طيب واذا يعني شي عادي يحصل بين كل الشباب
مروه:، لا انا م عندي عادي يحترم نفسو بس وانتهينا يلى ممكن نمشي بعده من غير جدال ف الموضوع ده ✋
صفاء: يازوله علي كيفك وبلاقيك ف يوم من الايام
مروه: 😒😒😒
***المهم مروه ابت تقتنع معاي لحدي م مرت الايام وكان ف يوم اتأخرنا فيهو ف الشارع والدنيا كانت ليل ويوم خميس وانا كنته ماشه ازور اهلي ف الخرطوم ومروه كالعاده م كانت بتمشي لزول بس بتقعد ف الداخليه لانو م كان عندها زول هنا طلعت مشت معاي مسافه بعيده من الجامعه عشن تركبني المواصلات لانو الدنيا كانت ليل المهم بعد م وصلتني ورجعت وم اتصلت علي الا بعد م يقارب ال3 او 4 ساعات وانا خفته يكون حصل ليها شي وكل م اتصل تلفونه م بخش معاي مرات بفصل الخط لحدي م انا وقفته اتصال عليها
بعد شويه جاني اتصال رفعته تلفوني لقيته دي مروه بعداك بديت اتطمن شويه شويه::
صفاء: ي مجنونه انتي ياااخ من قبيل وين انا بتصل ليك الحاصل عليك شنو طمننيني
مروه :، ي بت اهدي كدي قولي بسم الله
صفاء:بسم الله بس خوفتيني شديد والله 😥
مروه: طيب طيب اهدي م ف شي بحكي ليك بعد تجي راجعه
صفاء: لا لا احكي لي اسي
مروه: قلته ليك بعد تجي م تستعجلي
صفاء: هو انا بقدر اصبر
مروه: علي الأقل عشن تستعجلي تجي
صفاء : اصلا غتيته الاتجرجي الواحد 😒
مروه: اي بس يلى اقطعي وشك لحدي م تجي
صفاء: زابط ي جزمه
***يوم الجمعه العصر قمته لبسته واتحركته من اهلي ومشيت لانو يوم السبت عندنا دوام ومنها ماشه بدري عشن اسمع الحصل مع مروه شنو
وصلته الداخلية وسلمته علي البنات وعلي مروه جري
صفاء: ي مرووه مروه مروه مرووواااا
مروه: ي بت مالك بتجوطي 🤦♀️حركات الشفع دي اصلو م عايزه تخليها يعني
صفاء :اي م بخليها ✋😌مشتاقه ليك عندك راي
مروه: كان مشتاقه م كان مشيتي خليتيني 😒😒
صفاء: ياخ انتي عارفه اهلي وامورهم المهم م علينا انتي كيف
مروه: تمام الحمدلله فاقداك بس
صفاء: وانا زاتي ياخ ارح احكي لي يلى 😁
مروه: 😂😂😂😂 بتاعت شمارات خلاص
صفاء: ياخ احكي
مروه: طيب المهم ي ستي وانا راجعه منك وبعد شويه بديت ادخل علي الشارع لي جوا والشارع ماشي مضلم اكتر............. .
.
.
مروه: بعد مر جعته منك وكنته ماشه براي والشارع ماشي مضلم اكتر واكتر بعد نص المسافه ظهرو لي اولاد شباب وبدو يتكلمو كلام ماياهو واشاغلو فيني ووصلت بيهم لي انو يقيفو قدامي وانا بقيت خايفه وبصرخ وم ف زول جايب لي خبر وبعد شويه واحد مد يدو علي وقبلي م تصلني اتفاجأ بزول يقيف قدامي ويمسك يدو ودقاههم وطلع كلبشات ختاها ف يدهم وبقى بنادي علي واحد ي عسكري...
العسكري: حاضر سيادتك
الضابط: شيل العواليق ديل ووديهم الدوريه وانا بلحقك
العسكري: اوامرك سيادتو
**وبعد م مشو وانا هديت وطلعنا من الظلام داك شويه وانا بديت افتح شويه
والرؤيه اتضحت لي كانت المفاجأه انو ده علاء الدين
صفاء: انتي جاده ي بت 😳😳
مروه: اي والله وانا اتهجمته وهو زاتو اتخلع
علاء : مروه؟؟!! انتي كويسه
مروه : ايوا كويسه الحمد لله لو م انت انا م عارفه اقول ليك شنو وانا خجلانه منك والله ومن الكنته بعملو معاك
علاء : ده م وقتو اسي انتي كويسه والجابك بي هنا شنو ف الوقت ده
#مروه بدت تحكي القصه كلها
مروه: بعد م حكيت ليهو وصلني للداخليه ورجع والله ي صفاء م قادره اوصف ليك اني خجلانه منو قدر؛شنو ومن اسلوبي معاهو
صفاء: م تاكلي هم ي بت اصلا كلنا م بنقدر نفهم نوايا الناس من بدايته
مروه : المهم ي زوله غلطه وحصلت خيرها ف غيرها يلى خلينا ناخد راحتنا عندنا جامعه...
#تاني_يوم
الصباح مشينا الجامعه وخلصنا دوام بدري وناس الدفعه قالو لينا نطلع نمشي حديقة**** وده المكان حقنا المعتاد مشينا وقعدنا والونسه جرت والضحك والغناء واثناء م المواضيع شغاله يقاطعنا علاء......
علاء الدين: سلام عليكم
الدفعه: وعليكم السلام
علاء: لمتكم سمحه مشاء الله
الدفعه : تسلم ي جنابو (واحد من الشباب اتفضل معانه ياخ)
علاء : تسلمو ي راقين بس عن اذنكم ي عمار دقيقه بس
#عمار ده واحد من الشباب اللي هو بسببو عرفنه علاء
المهم علاء ساق عمار وبعدها عمار جا راجع وعلاء كان طالع الشباب اتكلمو معاهو وحنسوهو انو يقعد معاهم وطول الفتره الكان واقفه دي عينو م زحاها من مروه المهم بعد تحنيس قعد وبعد مده من الزمن كده الناس بدو يتفردو ف الونسه وعلاء جا قعد جمب مروه وبدو يتونسو
علاء: كيفك؟؟
مروه: تمام الحمدلله انت كيف
علاء: الحمدلله تمام
#المهم الونسه جرت معاهم وبدو يتعرفو ولحدي وصلو لدرجة انو علاء بعرف مروه من زمان لمن كانت صغيره كان بجي مع ودخالتها اسمو خالد ولمن علاء سافر وبقى م بجيهم خلى مروه صغيره الوقت داك عشن كده م اتعارفو
المهم بدت علاقتهم تقوى ويوم ورا ويوم لحدي م ارتبطو وبقو يحبو بعض شديد لحدي م جا يوم........ يتبع🖋️
