بسم الله الرحمن الرحيم...
حبايبي اول مبديت الكتاب كلتلكم هذا الكتاب حيكون منوع ومختلف
مو فقط وصفات للأكل....صح؟؟
حكم نصائح تذكير
لذلك راح ابدي بهذي الفترة انشالله .....
اريد اخذ رأيكم بنات كلولي شنو محتاجين انشر
مثلا....الفقرة الدينية...((تحت اشراف معلمة للقران ))
عن الصلاة والصوم
الأجر والثواب
المستحبات
المكروه
نصائح عامة للبنات والمتزوجات
عن الأعمال للميت
حفظ سور من القرأن(نحفظ سوية ونسوي مسابقة)
تسبيحات
ختمة
اي سؤال بهذي المواضيعلفقرة المعلومات العامة...
اسئلة واجوبة
اي معلومة انتوا تضيفوهه تفيدوني بيهه
يعني انشر وتعلقون واستفاد منكم وتستفادون منيفقرة الدردشة...
اي موضوع حيكون من اختياركم ونتناقش بي سوية
اي فقرة تردوهه اي معلومات....اكتبولي باللي يفيدكم طبعا...
ادري حتكولون هذي المعلومات كلهه متوفرة والغوغل موجود....بس وقت اللي نتناقش بيهه هنا
حتكون اقرب النا وناخذ تفاصيل اكثر وحته البنات اللي مالهم واهس بهذي الشغلات حيقرون وتصير عندهم معلومات كافية ونحاول نوصل لكل الأعمار انشالله...(((بنات اي معلومة حتكون من مشرفة تربوية مختصة وهذا مجالها))
الغاية من هذي المعلومات التقرب الى الله بدون تعقيد وتشديد بطريقة سلسه ونسأل الله الاجر والثواب...
طبعا ماانسى الكرش طبعا🤣😂🤣(لتخافون الاكل موجود))
ومننسى النكات..
..لازم نضحكم ونوكلكم ونذكركم انشالله ملتقانا الجنة
🌻🦋🌻🦋🌻🦋
بنات هذي الكيكة شغل اختي ام عبدلله ومساعدة جدا بسيطة بالادوات والنصائح من بعيد والفستق الأخضر سويتلهيا اذا تردون طريقته كلولي ماشي طبعا هي شكل قلب بس ((اخوية ابو كرش متحمل لحد ميخلصوها الا يكصهه وياكل....😂🤣😂
سويناها بمناسبة عيد ميلاد اختي الجبيرة))يلة بنات ابدو.....بالأراء والطلبات ....😘😘😘
🌹دمتم في امان الله ورعايته🌹
أنت تقرأ
منوعات مطبخ سوزي
غير روائيبسم الله الرحمن الرحيم... سبحان الله والحمدلله ولا اله الا الله والله أكبر عدد خلقهه ورضا نفسهه وزنة عرشه ومداد كلماته (٣ مرات) كتاب طبخ ومنوعات