أنت تقرأ

منوعات مطبخ سوزي

Saggistica

بسم الله الرحمن الرحيم... سبحان الله والحمدلله ولا اله الا الله والله أكبر عدد خلقهه ورضا نفسهه وزنة عرشه ومداد كلماته (٣ مرات) كتاب طبخ ومنوعات

#طبخ

🌹صفحة3طلباتكم اوامر🌹

1K 96 239

بواسطة user77263481

بقلم user77263481

بسم الله الرحمن الرحيم...
سبحان الله والحمدلله ولا اله الا الله والله أكبر عدد خلقهه ورضا نفسهه وزنة عرشه ومداد كلماته (٣ مرات)

بنات بخصوص الكيكة الاسفنجية بالبارت السابق
((بعد مرور ٣ارباع الساعة افتحي الفرن قليييل حيييل دخلي شيش من بعيد بداخل الكيكة وشوفي يطلع نظيف استوت يطلع بي عجين اتركيهه))

حشوات::

حشوة التوفي

١كوب سكر
نصف كوب حليب مغلي
ملعقة كبيرة زبدة
ملعقة اكل نشا
نكهه الجوكليت

نضع السكر في اناء على نار هادئه ونتركهه دون تحريك بالملعقة نحرك المقلاة فقط نبدا بالتحريك عند ذوبان السكر تماما مع الانتباه للسكر من الأحتراق...تحريك مستمر ...اضافة الزبدة ونحرك واضافة الحليب الساخن جدا ونحرك نذوب ملعقة النشا بملعقتين حليب سائل ونضيفهم على الخليط ونحرك دقيقيتين ونطفى النار نتركهه يبرد

نستعمله لحشوة الكيك الحلويات

حشوة بيضاء

نصف كوب حليب سائل
نصف كوب حليب باودر
نصف كوب سكر
نصف كوب زيت
نكهة الجوكليت او جوز الهند او الموز(اختياري)

نضع جميع المواد في الخلاط عدا الزيت ونخلط نصب الزيت بالتدريج اثناء الخلط ونخلطهه جيداً

لحشوة وتزيين الكيك والكتابة على الكيك واذا تردون تضيفولة اي لون طعام وتلونو وتسون الدموع بي الدموع بجوانب الكيكة((هذا الاخضر اللي بالكيكة بالصورة ))

بنات انصحكم بكريمة اسمهه ويبو او فيزون اقتصاديات وطعمهم كلش طيب وتشكيلهم سهل
الكيس وزن كيلو ب٥٠٠٠ كوب كريمة بنص كوب ماء مثلج وطبعا بالمضرب الكهربائي

الشوكلاته البيضاء

نصف كوب سكر بودرة ناعم حيييل منخول
نصف كوب سمنه
نصف كوب حليب بودرة
تخلطيهم بالهراسة او الخلاط او بأيدج بس اتعب بالايد وتصبيهه بقوالب سيليكون لسهولة استخراجهه وتركيهه بالفريز ٣ساعات على الأقل((هذي تفيدج لصوص التوفي بدال الحليب يطلع قوامة مثل الجوكليت)))وهواية شغلات تحتاجين بيهه الشوكلاتة البيضاء

حشوة الكاكاو للكيك والحلويات

ملعقة كبيرة نشا
٣ملاعق كبيرة ككاو بودرة
كوب حليب سائل
ملعقة حليب باودر
ملعقة زبدة
علبة قشطة
سكر حسب متحبون ٤ملاعق اواكثر لانه مو الكل يحب الصلصة حلوة حيل لذلك الامر راجع الكم

العمل::

تذوبين جميع المواد الجافة(عدا الزبد والقشطة) بالحليب السائل(بدون نار)) ووراها تخليهم عالنار
وتحريييييك مستمر متركيهم لحظة ...من تشوفي بدا يثقل القوام ضيفي الزبد حركي من تذوب الزبدة طفي النار وضيفي القشطة وغطي بأحكام بكيس نايلون حته لتصير بي قشرة من الوجه ....{{اذا عندج شوكلاته قطعة زغيرة هذي اليبيعوهه بالاسواق ب٢٥٠لجهال 🤣🤣🤣ضيفي تصير تجنن}}

حنطيكم طريقة كيكة سهلة وطيبة وسريعة وتفيد اللي يضفون كلشي بنفس الساعة(( هههههه))

كوب و٣ارباع الكوب طحين
٣ارباع الكوب (ككو بودرة وملعقة نشا وملعقة صغيره
قهوة))
٢بيض
كوب ونص سكر(حسب الرغبة اذا متحبوهه حلوة حيل كوب فقط،))
رشة ملح
ظرف ونص بيكنغ باودر
ظرف فانيلا اونكهه
عصير ليمون او برش ليمون او خل ابيض
نص كوب زبادي
نص كوب زيت او زبد
ماء حسب الحاجة

العمل::

تنخلين الطحين والككو والقهوه والنشا والبيكنغ باورد مرتين او ٣مرات
تخليهم بأناء تضيفين عليهم السوائل البيض وبقية المواد وتخلطين يبقى الماء بالتدريج اذا شفتي الخليط حييل ثقيل القوام خففي بالمي عينج ميزانج لا خفيف حيل ولا ثقيل واذا الخليط متوسط وزين لتضيفين اي ماء لانه تبقى حسب نوع الطحين والككو

وهم الفرن لازم حااار وتشغلين بس الجوة وتراقبين بين وقت واخر اول ١٠دقائق ممنوع تفتحين الفرن ابد وتختبريهه بعود اسنان او سكين وبأخر دقيقة شغلي الفوك ماشي ((هسة استوت وطلعتيهه مو تاكليهه رأسا ممصدكة🤣🤣🤣 لا اصبري))

اول مطلعيهه ورة دقيقتين ثقبيهه بشيش او عود اسنان وضيفيلهه صوص التوفي وشوية صوص الكاكاو(((تركيهه بالثلاجة من طلعيهه ابرشي عليهه شوكلاته هي بربع ممكلفتكم🤣🤣🤣 اوخليلهه كريمة))ولازم تبرد حيييل يلة تاكليهه ام بطن هي شكلهه لا يقاوم بس اتحملي)))

هسة الكليجة لحبيبتي z

3اكواب طحين
1كوب دهن جنه او اي سمن تحبين الافضل جنه الأصلي
باكيت قشطة
بيكنغ باودر نص ظرف
فانيلا ظرف كامل
نكهه((اي شي تحبي اني خليت موز))
٣ملاعق سكر ربع كوب ماء ساخن
رشة ملح
ملعقة اكل حليب باودر

الحشو
التمر تضيفيله هيل او حبة حلوة وتحمسي بالدهن او الزبد (((مو يحترك لا بس يجي يم النار شوية))
او حلقوم
او تمر وجوز سوية
حلقوم ومبروش جوز الهند تخلطيهم سوية

تضيفين الطحين والدهن بالبداية وجانسيهم حيل وبعدين البيكنغ باودر والفانيلا ورشة ملح قليييله وتجيبين المي وتذوبين بي القشطة والسكر وتعجنين بي الكليجة وتركيهه فد ساعة ترتاح وتشكليهه....بس طعمهه خرافي

م/لتضيفون ماء هواية للكليجة تصير مثل الفطائر

م/الكيك الأسفنجي ينسقي قبل التزيين بربع كوب عصير او مربى مخففة بماء او نسكافية وبالفرشة تنكعين الطبقات قبل الحشوة

م/بنات اقروا المقدمة والنهاية ٣مرات الكم اجر عظيم

م/اي سحكة غلسوا عليهه لان نعست واكتب ههههه واي شي اسألوا عليه بالتعليقات انشالله اجاوبكم🌼🌼🌹🌼🌹🌼🌹🌼🌹🌼🌹🌼🌹🌼🌹🌼

بسم الله الرحمن الرحيم...
سبحان الله والحمدلله ولا اله الا الله والله أكبر عدد خلقهه ورضا نفسهه وزنة عرشه ومداد كلماته

تصبحون على ماتتمنون انشالله 😘😘😘