بما إن نتيجه الثانويه عامه حتطلع..فحبيت اقول كلمتين كده علي الماشي..
بص يا حج نتيجه الثانويه عامه اه هيا مهمه في بدايه حياتك بس ده مش اخر الطريق ومش اخر الحياه ..
واعرف دايما ( وان للانسان إلا ما سعى ) ..
واعرف مش مهم اللي فات
بس الاهم اللي جاي .. ومتجيش علي نفسك واكتئاب وتحزن عشان الكليه اللي بتحلم بيها راحت ..بالعكس دي ملكش خير فيها عشان كده ربنا بعدك عنها انا في واحد صاحبي دخل هندسه ب 97% ومحصلش توافق فيها راح محول هندسه زراعيه من 60% ودلوقتي ماشاء الله بيطلع الاول وال2 علي الدفعه وفرحان بالكليه اوي ...واحد تاني جاب مجموع قليل اهله يدخل كليه هو مش نفسه فيها وحصله التوفيق وبقي من اوائل الدفعه ..انا اهو حنروح بعيد ليه
انا طول عمري بحب العلوم وكنت بنقرا من صغري لاينشتاين واحمد زويل وكنت بعمل تجارب في اعدادي وابتدائي عملت اختبار نزع الهيدروجين واالاكسجين من الماء ...وعملت تكييف مصغر ..وتجارب كثيره
وكنت بطلع الاول في الماده ورغم كده قولت حدخل هندسه عشان دي كليه قمه وابقي اسمي مهندس وبتاع وزي كل واحد بيحب افضل حاجه ..
ومجموعي وقف علي 1.5% ودخلت علوم
عرفت ان مكاني في علوم مش هندسه
ورغم اني دفعتي بتتخرج السنادي وانا لسه في اولي 😂😂 مش حقول اني فاشل.. لا انا فاشل ونص يسطا بس ايزي يعني😂 ..
انا مسقطش في المواد كان في ظروف كده مخلتنيش اكمل ..واهو رجعت اكمل المهم من ده كله ايه ..
لا توقف سعي وابذل جهدك في اللي جاي مهما كنت في اي كليه او اي مكان او اي منصب ...
لسه دايما في امل رغم الظروف ورغم كل شئ لازم تجاهد...
بالنسبه بقي للاهل وان بابي ومامي عايزين كذا وابن اختي جاب اعلي مني وبنت شخه جابت اقل مني
لا يا حجه او يا حج فكك انت بص لنفسك ومتبصش لغيرك صدقني حتجد راحتك لو ادركت النقطه دي..
وشكرا علي الكلمتين😂😂
أنت تقرأ
خبـايـا قــلب
Randomصراع بين القلب والعقل: حبرٌ ينتظرُ تحريره في أعماق روحي، تدور معركة صامتة بين نبضات قلبي وعقلاني المُنظّم. يُطالبني قلبي بفيضٍ من المشاعر، يودّ لو ينساب حبرًا على الورق، ليرسم لوحةً صادقةً تعكس خباياه.
