رشفة العشق الملتهب

اعلان

رشفه العشق الملتهب
بقلمي ارامينتا

كاعد ناكل جان أصهب  يحجي يحجي يحجي ابد مسكت اخر شي طكت روحها امي كالت لك اسكت امي النعمه تخرس السباع ومن تخلصون اقرو الفاتحه للموته تلكوهم واكفين بالباب الليله جمعه جان يرفع ايده ويصيح حيييهم الموتى لاتستحون بعد روحي اتفضلو ويانه هلا بيكم مدو اديكم الواد هوايه كفخته اني علابيه شويه ورفع ايده كال الله بالخير
رد عليه ثائر الله بالخير والعافيه بيك شي غير جاي ناكل ماتحترم نعمه الله
باوعتله صفح حجه وهوه يلوج الگمه انت ياهو اليمك منو ذبلك عضم انه جاي احجي وي الموتى  جان يركعه ثائر راشدي كف ايده ترس نص وجه اصهب ذاك طفت عينه واختنك شرك بالگمه ركضت اطبطب على ضهر على كيفي وافرك بضهره ماكوو حمسته حمستين هذا زاد وكام يرافس انطينا ماي ماكو ضل يشهك يريد هواء مات كام ثائر وركعه على ضهره بلع الكمه وشربه مي بس بعده تعبان التفتت امي مدت اديها ورجليها وبس تصرخ ولكم مااات مااات؟ لو بعده عايش
واني اكلها مامات حي يرزق شبيج خلستيني احير بيمن اني هسه؟  اخر شي خذا ثائر وركض للمستشفى خلوله اوكسجين
اجه ابوي وسولفناله ركض وراهم للمستشفى رجع ثائر وجهه محتقن وحاصرته الضحكه وذاك الفطير مات من الضحك
فوك رزايل ابوي امي استلمتهم
شووووفوو هذا المازح الماينراد وكت الاكل
ولكم انجرح بلعومي واني اصيح يمه اسكتو يمه كافي يمه لايصير قدر استرو عليه وانتم اذن من طين والثانيه عجين
هسه من فرفحتوا كلبي شصار؟؟؟  لو ميت خاله شأكول لاهلك يمه لو ميت وين انطي وجهي والنوب شلووون موته انت السبع البطل اتصير موتك بلگمه؟؟؟
شيكولون العالم الميت جوعي عفطي
ما احترم الزاد و انت الثاني شكدك تصير تكوم تطكه هو ياكل ماتحترمون لازغير ولاجبير اهمداكم غمتهم ومشت شدت راسها بعصابه صاحت ولجن جيبلي علاجي راح اموت
ثائر يمه مو صوجي ترا ذوله الموتى شورو بي يستهزء بيهم
جان طفر أصهب وكال واخو زينب ما استهزئت ضحكت عليهم امي اجه  دائب وسولفوله الصار
أصهب بضحكه:حط ايده على خده وحركه  تذكر الراشدي   بس والله راشدي لوه الفك السفلي والعلوي يعني بين قوسين طكني شرجي
جان يرد دائب لا ولك انت لاتخاف من راشدي ثائر لك خاف من جلاقه رجله شطولها يشك ط***ك شك
احنه سمعنه هيج ومتنه من الضحك وكلنه طفرنه ذوله ماعدهم لحيه مسرحه يطكوها طك بطك

********
رجعت ليورا واني ارجف واهز براسي بخوف
لا لا عليك الله ماحس اله ضربني بحزامه ووكعت بالكاع كمت ازحف اريد اخلص نفسي منه
لا ايفان عليك الله مم ماسويت شي فدوه
اجت الضربه على وجهي صرخت بهلع مسحت الدم الي سال على شفتي المتفطره شعري متلاسق على وجهي مرعووبه كمت احتار شنو اغطي من جسمي وجهي لو اديه لو رجليه لو بطني واحمي جنيني  ادري غلطت بس ماعبالي اتعاقب هيج
عاف الحزام رفعني من شعري احس كطع شعري من جذوره كمت بثقل وخوف ما اكدر اسيطر على رجفه شفايفي احس جسمي يبرد ويحر احس بطني نزلت حييل وابني رفس رفسه وخنس
يمكن خاف مثلي او حس بيه مو حمل الم حركته
زمخ وعروكه كلها نطت من عصبيته خلاني الزك بالحايط شوداج هناااك
************
ايفان
هلا يمه هلا بلبه روحي لك هلا بحيل رجليه
هلا بوجع راسي هلا بالبايكتني من امي
: صفنت بوجهه مستغربه يااا يويو شنو هذا الغزل المزنجر
: رد بهمس بويه مزنجر انصبغه الج خايبه جنج عصير رانيا مدري شسمه هذا ابو الخمسميه ابو الطقه شايفته شلون بعز الحر من تشربيه يسرسح على الگلب انتِ من اشوفج نفس الشي
ضحكت بصوت عالي امده حضي ايي والله هسه اكو واحد يتغزل بخطيبته هيييج؟ شنو عصير رانيا شنو بكتيني شنو خاله حراميه اني؟!  وبعدين شنو دوخه راسي يعني اني احجي هوايه ومدوختك برطمت بزعل ماا والله زعلت

ضحك وباوعلي بهيام بويه انه كلت دوخه راسي؟؟انتِ الظاهر تدرين بروحج تلغين هوااي ءءالعفو تحجييين هوايه ف كلتي دوخه راس تره   انه كلت وجع راسي يعني من كد ما احبج وافكر بيج راسي يضل يوجعني شوفي شكد احبج انه وانتِ تضنين بيه ضن سوء شفتي ان بعد الضن اثم وانه فقير وحيد امي تره اشور وينج من عذااااب الله
: فتحت حلكها مصدومه يا يا خيييه ديله بله هسه اني شكلت حته عذاب الله واثم دخيل بختك يسيد تشور؟
حسيت روحي كافره وسبت مؤمن
ضحك وصاح احبج يا نضر عيني لبه روحي انتِ