رشفه العشق الملتهب …
:
:
بقلمي أرامينتا
§__________________§
ربما أنتِ
قصيدة حفظتها عن ظهر قلب
قبل أن تلدني أمي،
وحين رأيتك
تناثرت ڪلماتها في صدري
عاصفةً بالحنين
ف أعود إليكِ، ڪل مرة،
لأنني أنتمي لقافيتك..♥️
~~~~~~~~~~~~~~
كاعده على اعصابي بصاله الانتظار احس كلبي حيخترق اضلاعي بسبب دكاته المتسارعه الساني يلتهج بذكر رب العباد ومناجاته اريد يطمئن قلبي ويفرجهه عليه واتبشر بخبر يخليني اسجد سجده شكر لله من الفرحه فزيت على صوت السكرتيره اتصيح بأسمي كمت واركبي ترجف رفعت عباتي عن راسي وعدلتهه اخذت بنتي و دخلت للدكتوره ونخيت كل الائمه حته يفرحولي كلبي
شفتهه مرأه متوسطه بالعمر قدمت النظاره على مقدمه انفهه وكالت بهدوء تفضلي امي نامي على السديه
نمت على السديه وبدت تسويلي السونار وهنا كانت صدمتي
:- صحه الاطفال جيده دقات قلبهم تمام الج خمس اشهر بس نازلين شوي
:- كلتلهه بلعثمه دكتوره شنو جنس الاطفال
:- مبروك بنت والثاني مامبين بس لازم ترتاحين وتبقين نايمه كم يوم على ظهرج
:- دموعي نزلت بغزاره على خدودي الحمد لله على كل حال دكتوره ياراحه بعد الي سمعته منج شكلي راح انام بالبرزخ اليوم
:- بغرابه ليش يا امي البنت نعمه بس هيه عقليات متخلفه بدل متحمدون ربكم
:-الف الحمد لله بس اني عندي 3 بنات وهاي الرابعه
طلعت من السونار اسحل بذيال الخيبه فكري مشدوه ما اعرف شنو اكولهم بله زوجي ادري بي زين يمكن اقنعه اله كارثه تسونامي عمتي شحجي وياهه ربي عطفك ورحمتك يارب لين كلوبهم عليه وحننهم لخاطر بنياتي
... امرر كف ايدي على بطني وادموعي تجري شنو مصيرج يبنيتي اذا وانتِ ابطني محد رايدج ودي تبقه دوم بطني وماتطلع للدنيا وتنظلم لزمت كف بنتي مرح الناعم ومشيت رفعت راسهه الي ونضرتلي بعيونهه السوده بنضره هايمه وبيهم لمعه غريبه هاي البنت تعشقني بشكل غريب تحبني بجنون
نطقت بكل طفوله وبرائه :- امي اني حيصير عندي اخت موو بس انتِ ليش زعلانه برطمت وكالت بحزن وعيون دامعه انتِ ماتحبين البنات مثل عمامي صح عمو يكول اني ماحب البنات وانتِ مثله مو كمتي تبجين من كالت الطبيبه بيج بنت موو تخافين بابا يزعل وعمامي مايحبون اختنه مثلنه
مسحت دموعي اباوعلهه بدهشه وانكسار كبرت اميرتي وكامت تفهم نضرات امهه لا يروح ماما وعمرهه اني كلش احب البنات واموت عليجن بجيت من الفرحه وحته عمامج يحبون البنات ويحبونجن بس يشاقون وياج يردون يشوفوجن تضوجن لو ماتهتمن
:- بس ماما اني اضوج من يحجون هيج
:- بس اني ما اريدجن تضوجن وخاصه انتِ بنتي الحلوه لازم تكونين قويه لاتهتمين
:- خلت اصبعهه الصغير على شفايفهه الصغيره الذابله وكالت بتفكير همم هوه ماما ليش لازم نكون اقوياء
:- بنتي نرجع للبيت واشرحلج هسه اروح اشتريلج عصير وحلويات واجيب الاخواتج هم بس ها اريد منج شغله
:- شنو ماما
:- اريد اتضلين ساكته ومتكولين الابوج او الاي احد انو اني بيه بنت حته الخواتج اريد حته بكلبج ماتحجين عنهه ماشي انسي كلشي كالته الدكتوره ماشي حبيبتي
:- صار ماما بس ليش ماكول اريد افرح اخواتي
:- لا حبيبتي افرحي وحدج ولاتحجين الوحده ماشي عفيه بحبيبه امهه وكافي اسئله امشي
أنت تقرأ
رشفة العشق الملتهب
Roman d'amourاعلم انك فخ ، والوقوع بك جريمه إنك هاويه والسقوط منها وفاهر واستمر في حبك ،استلذ بالوقوع بك في كل مره بالرغم من معرفتي الجازمه انك حتما ستكون السبب في نهايتي يوما ما بعد ثوره عارمه تهدمت على اثرها كل قلاع القوه والتماسك تحليت بنضرات من الهدوء ا...
