رشفة العشق الملتهب

البارت الرابع

رشفه العشق الملتهب
بقلمي أرامينتا
~~~~~~~~~

إنَّ الله إذا أحَبَّ عَبداً أنارَ بَصيرته، ولا تُستَنار البَصيرة إلّا بالحُزن، فَعِند الحُزن يرىٰ المَرء حَقيقة كُلّ شَيء، حَقيقة نَفسه، وحَال قَلبه، وصُحبته وأهله، حقيقة الدُنيا علىٰ حالِها، وما صارت إليه رَوحه
.........................
سعد
اجتني مَي متلهفه وفرحانه لأن صحتها
: هلا بابا حبيبي صحتني
جاوبتها بحديه : اي تعاي اكعدي عندي موضوع وياج
: بلعت ريگي بتوتر الله يستر شعنده بابا
منو مفتن عليه هالمره؟؟؟؟
يي بابا تفضل
: بنتي احجيلي شبيج متغيره
: متغيره؟!! لا بابا متوهم مابيه شي
: لا مامتوهم انه متأكد انتِ متغيره احجيلي شنو الي خلاج تتمردين بهذا الشكل؟
: سكتت ماجاوبتني متعرف شنو تحجي احسها متردده
احجي لاتخافين قابل شراح اسويلج؟
خلي احجي وادري بيج راح تشاركيني بالحديث تلقائياً

قال رسول الله (صلى الله عليه واله وسلم)
كن بارا واقتصر على الجنة ، وإن كنت عاقا فاقتصر على النار صدق رسول الله

وقول ثاني عن الامام موسى بن جعفر الكاظم  (عليه السلام)
سأل رجل رسول الله (صلى الله عليه واله) : ما حق الوالد على ولده ؟ قال : لا يسميه باسمه ، ولا يمشي بين يديه ، ولا يجلس قبله ، ولا يستسب له

هسه اكيد تسألين شنو هاي الاحاديث  ليش تحجيهن الي؟....
شوفي بابا انتِ من تحجين وي امج بنتر وماتلبين طلباتها هاي مو حريه ولا ديمقراطيه ومن ترفعين صوتج على الاكبر منج ومنها بيبيتج هاي مو معناها انتِ كبرتي وصرتي حالج حالهم ولا من تردين الحجايه بعشره هاي اسمها شخصيه قويه!!....  لا الناس راح اتكول هاي قليله ادب وماتستحي وشخصيتها مهزوزه
وتحاول تبرز نفسها بهاي التصرفات الطايشه
خلي شخصيتج قويه وماتدفعج فلانه وعلانه
هذا الي تسوينه وي امج اسمه عقوق والدين وهذا غلط
رب العالمين يحاسبج على الـ اف الي تكوليها الامج
وانتِ بنتي بين حجايه والثانيه وكلتي اهووو
انه شعليه انه مابيه حيل انه مالي خلك
هيه شنيه تفترون عليه ماعدكم غيري مخلفيني اخدمكم
ومسويه منيه علينه
عبالك انتِ شايلتنه على راسج انه ما راح
اكعد اتفضل عليج وكل شويه اعيرج واكلج
احنه خلفناج وتعبنه عليج ووو غيره من الحجي
الي المفروض تسمعينه وانه مااسمعه الج ولا امج
امج خذتها طفله بعمرج عمرها ماتذمرت ولا تعاجزت من شغله وخلت الناس تحبها ماعدا امي بينهن خلاف مايتصافن وهم ماتكرهها ويجي يوم تحس بقيمتها

في سورة الأحقاف (وَوَصَّيْنَا الْإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ) صدق الله العظيم
ختصاص الأم بمزيد من البر لحاجتها وضعفها وسهرها وتعبها في الحمل والولادة والرضاعة. والبر يكون بمعنى حسن الصحبة والعشرة وبمعنى الطاعة والصلة
هذا هوه البر يكون بكلمه حلوه بقلب نقي ونيه صادقه وصافيه وبأفعالج وياها الاحترااام ثم الاحترااام هذا تنبيه بسيط الج وبعد يوميه تجين نكعد ساعه نحجي بيها ونتناقش بأي موضوع تحبينه موضوع علمي موضوع ديني اني حاضر وبالخدمه المهم اغير شخصيتج الضعيفه هاي انه بناتي قويات وماكو شي يقهرهن اريد
كلها تحلف بأخلاقجن
شوفي بابا البنيه جوهره لازم تحافظ على نفسها
وتنذكر بالخير دائما
مي: شلوون يعني شتسوي حته هيج يمدحونها
:  عفييه هيج اريدج تتفاعلين وياي بالحديث
باعي بابا
اولاً/ لازم صوتج هادء من تحجين وي اي شخص كبير صغير ما اكلج اتقدي بالكلام لا بس نبره صوتج نصيها حتى لا ياخذ نضره المقابيل عنج ويكول هجوميه اندفاعيه انتِ انثى لازم تكونين هادئه
ما اكلج تنعوصي والنوب تبلينه ولا اكلج استرجلي فد مره الزمي العصا من الوسط
ثانياً/انتقي الفاضج بصوره صحيحه يعني اعرفي شلون تحجين وتوازنين وتميزين بين الجد والشقه والضحك
خليج حياديه مره اضحك ومره اسكت واستمع
ونصيحه!!  استمعي اكثرر مما تحجين
وانه ادري بيج هاي مستحيل تسوينها بنتي اواعرفج
اليكولج شلونج تكتين اله الاكو والماكو
ماتضل سالفه ابطنج وهذا غلطط
لا تخلين شخص يلزم عليج لزمه احنه مانعرف نوايه البشر ماتدرين هذا وياج عليج
هذا الزمن كل واحد يريد الخير والزينه بس النفسه والناس كون تمدحه بس هوه لهذا ليش ادخل نفسي بمشاكل الها اول مالها تالي اصم حلكي واسكت
نقطه ثالثه واخيره احجيها
لاتنتضرين احد يمدحج قبل شويه كلتيلي شنسوي والناس تمدحنه
بابا مستحيل تعجبين الناس كلها ماتكدرين تكسبين رضا كل العالم لأن الناس على رب العالمين الخالقنه ماراضين تردين يرضون عليج انتِ؟ 
بس شخصيتج هيه الي تجذب الناس الج من يشوفونج عاقله ذكيه فطنه بسرعه تلكفيها
صادقه غير انانيه محترمه نفسج اولا ومحترمه الناس
هيه تضل تحبج وتجي تتقرب منج
الاهم من هذا كله نقطتين هيه الي تغير حياتج 180 درجه
اولاً: حبي نفسج واحترميها وقدسيها كلها تلقائيا تحترمج وتحبج من ماتقبلين الذل والاهانه النفسج
محد يتجرأ يحاجيج بشي يزعلج
لان يعرفون ماتقبلين والي يحجي وتفشلينه بأدب
بعد ميحجي
ثانياً:  اتقربي من رب العباد ترا الله سبحانه وتعالى هوه الي راح يخليج تحبين نفسج من المعجازات الي خلقج بيهن من النعم الي توفرن الج وغيرج ممحصل عليهن
الله هو يقربلج الناس الزينه والخير والرزق
من تتقربين اله حبي الله وصدكيني راح تعيشين بخير وسلام.....
مَي:  ان شاء الله بابا اني اسمع كلامك كله وعد
:  لا انه ماريدج اتسمعين كلامي اريدج اتطبقينه لان برضاتج او غصب عنج اذنج راح تسمع كلامي
بس اريدج گول وفعل كون اروح للدوام وارجع الكاها
كلها مصدومه من تغيرج...  خوش باباتي
اريدج ترفعين راسي ومن ينجاب اسمج
كلها تكول والنعم منها ومن تربيتها
: هسه هديتي وراح التوتر شنو سبب مشاغبتج؟ 
مَي:  اريد الحريه ماريد اتقيد
:  هاااا خير ان شاء الله هسه اريد شغله وحده منج تفكرين بالحجينا سوه وبعدين من تخلصين فكري وع الكعده الجايه كليلي شنو الحريه من وجهه نضرج
: مَي هزيت راسي بقبول باوع الساعته وكام كال عنده شغل وراح
اني رحت نضفت السويت مالتنه كله خليته يلمع
وماما تباوعلي ومامصدكه وكلساع تصلي على النبي هههههه وبعدين بدلت المرح ومشطتلها
شفت ماما تبدل ال ترف رحت كعدت كبالها
وضليت صافنه عليها ومبتسمه جني قرد
محتاره ما اعرف شلون اعتذر منها واراضيها اخر شي عاطت بيه وكالت شبيج مضيعه شي بوجهي؟
:  ماما اني اسفه هواااااايه لأن اذيتج وزعلتج
بس جنت ثوله حماره ما افهم وعد ماعيدها بعد
اني احبج لاتزعلين مني حبابه دنكت بس ايدها ورجلها
سوسن: حبيبتي انتي روحي من الدنيا واني احبج ما ازعل منج بس ليش خليتيهم كلهم يحجون عليه
ويكولولي ماعرفتي تربين؟ تقبلين امج تنقهر وتنهضم من وراج؟ ليش يا امي متغيره هيج
: ماما كعد ويايه بابا وبعد وعدته ووعد الدين حر مازعلكم ابد واني هسه راح اسوي البيبي كيكه واعتذر منها كدامهم كلهم مدت ايدها مسحت خدي بعدين جرتني الحضنها وباست راسي

:  وعد الدين حر هههههههه يمه مخلفتلي ولد مو بنيه
عفيه ببنتي النادره هسه اخلي توته بفراشها ونكوم نسوي اني وياج كيكه لبيبي يله

ورحنه سوينه كيكه وجاي
وبالليل اجه بابا وعمامي كلهم اجتمعوا ورا العشه
ماما اشرتلي اروح اجيب الكيكه واروح
البيبي خفت اروح وتفشلني
بس بعدين كلت لا لازم اثبت البابا اني راح اتغير
رحت جبتها وجبت عصاير بصينيه
ومرت عمو شالتها اليه ومكيفه
تفتر وراي صرتي مره وصرتي مره تساعدينه
والنوب فضحتني كدامهم كالت بصوت عالي هاي الكيكه ميمي سوتها لو ضاله ساكته احسن بله طلعت مو طيبه
جان ذبيتها براس ازل هسه خلتني امام.
الامر الواقع رحت قطعت قطعه وانطيتها البيبي
واعتذرت منها
: بيبي اني اسفه لأن علين صوتي عليج اني اعترف غلطت ومايصير اسوي هيج بس زلت السان
اتمنى تسامحيني وماعيدها بعد والله بست ايدها
وراسها وهيه ها حسيتها لانت شويه
يله ام سعووودي الحلوه الصاكه صالحيني حته ازوجج لكيتلج رجل
ضحكت وضربتني بالعوجيه مالتها
فلك طرج وطر سوالفج يالعرمه ويني وين الرجل والعرس
:  يااااا بيبي والله بعدج شباب تخبلين هوه حارس مدرستنه هم عنده راتب وهم بعده زين شايل روحه يعني يكدر يتحمل مسؤليه مره واطفال وهاا جيبلنه بعد عم جديد عمامي صاروا قديمين
كلها ضلت تضحك عليه وشفت نضرات فخر بعيون ابويه
باوعلي وحجه بصوت جوهري
:  احم يمه مَي غلطت وعرفت غلطها وهيه سباعيه وعدتني بعد ماتعيدها وهيه تحبج بس بعد طفله وماتعرف تتصرف وانه اكفلها الج بعد ماتعيدها
ام سعد: هاي هيه يمه جا شني انه احبنها مي ولان احبها زعلت عليها وضلت بخاطري حجايتها واذا عادتها اكسر ضهرها بالعوجيه
دكومي ازل حبوبه جيبلي رضيوي اشتاقيتله
راحت ازل اتجيب روضي ومانسمع بس صرختها
ركض بابا عليها بسرعه واني ابددددد مو فضوليه ولازم اعرف كل سالفه
لكينه رضاوي صاير ازرك وميتنفس.......
يُتبع